歌名都好有意思！
鄭秀文(Sammi)近年的歌名都好有意思，某程度上反映了 Sammi 的心態變化，像新歌《萬物有時》就與《我們都是這樣長大的》如出一轍，但與其説是延續，不如說是一個更深層次的答案。
Sammi亦希望歌曲可以畀到大家一個療癒作用。
觀看相關影片按以下畫面：
Sammi 指這首歌早在一年半前已收到 demo，但一直未有合適的歌詞，她説：「收到音樂部分之後，一直未搵到可以描述到自己心境嘅歌詞，直到收到現時呢份詞，個感覺就係『係佢喇！』我覺得呢首歌可以套用於每一個人的生命入面，亦都好似幫《我們都是這樣長大的》呢個議題，搵到一個更深層次嘅答案。」Sammi提入有兩句歌詞特別喜歡，「善萬物自有得着時，花開落有滄桑故事。」她提到每個人生命中都會遇到各自嘅困難，一啲滄桑無奈嘅事，「嗰一刻可能覺得好悲傷，唔知點樣應付，但隨着時間過去，時間會畀一個最好嘅答案你。其實每個人喺生命入面都會遇上一啲無力時刻，希望呢首歌可以畀到大家一個療癒作用，而唔係普通一首流行曲。」
網上圖片
網上圖片
為表達歌曲的意境，Sammi 和 MV導演莊少榮曾研究很多不同的構想，她說：「我同導演都有相同睇法，想用比較影像化嘅感覺去呈現呢首歌嘅意境，喺 CG 特技幫助之下，呢部分嘅感覺係比較深刻。」Sammi希望MV可以帶出生生不息嘅人生狀態，並期待萬物有時，即每件事都有好嘅生機及好嘅出路，希望可以帶出比較正面嘅感覺。
Sammi希望MV可以帶出生生不息嘅人生狀態。
