《ERROR自肥企画》主題曲爆紅 肥仔揚言夠三萬Like即親自唱

等找數！

前晚（3日）首播的ViuTV節目《ERROR自肥企画》的主題曲《無制限OT編集団の行動綱領》改編自動畫《新世紀福音戰士EVA》歌曲《殘酷的天使》，主題曲由《自肥企画》導演Mike主唱，唔啱音加貼地歌詞令網友笑爆嘴，觀看次數超過25萬，打入YouTube香港熱門影片之外，網友更指要推Mike上音樂節目《Chill Club》表演！

觀看相關影片按以下畫面：

《無制限OT編集団の行動綱領》觀看次數已超過25萬。

ERROR隊長肥仔（梁業）昨日（4日）就在社交網站寫道：「ERROR今次做節目唔係為咗自肥，係為咗有更多好既（嘅）作品流芳百世，希望更多人留意到ERROR。多謝無制限OT編集団，有你哋有我哋，今個post過2萬like我會唱一次主題曲比大家聽！」帖子火速已吸夠二萬Like，網友紛紛催促肥仔找數，他昨日即在限時動態縮沙指「我可摸耳改3萬Like先唱」！現時帖子發佈超過24小時，Like數已接近3萬，睇嚟肥仔可以準備定錄音嘞！

肥仔其後縮沙指「改3萬Like先唱」！

而在昨晚播出的第二集中， 節目組炮製「友情試煉」環節，成員要分別請朋友助陣，齊齊蒙頭化身「任何人」，每位成員要乘單車繞場一周，觀察誰是隊友！落敗的193（郭嘉駿）需要接受大懲罰，被「死亡恆星」射下體，繼續冇底線！勝出的保錡獲得價值3000元的公路單車，他在限時動態多謝當日來撐場玩遊戲的朋友。

尋晚一集，節目組要成員乘單車繞場一周，觀察誰是隊友。

落敗的193要被「死亡恆星」射下體。

保錡（右三）在限時動態多謝來撐場的朋友。

《ERROR自肥企画》帶起話題，主題曲更被追捧。

花姐在ERROR指導下與他們大跳新歌《野舞士》谷飛！

宇宙天團ERROR事隔兩年，宣布明年1月25日假香港會議展覽中心Hall 5BC再次開騷，舉行Live Show《Katch音樂娛樂平台呈獻: ERROR “WHAT’S GOING WRONG??” 2025》，繼續以包羅萬有的現場演出，為一眾粉絲樂迷送上爆笑一夜。而為催谷門票博加埸有望，ERROR四子12月16日「綁架」花姐開live，大愛的花姐更處女下海接受dance challenge ，與ERROR四子指導下與他們在鏡頭大跳新歌《野舞士》谷飛！

ERROR明年1月再次開騷。

《Katch音樂娛樂平台呈獻: ERROR “WHAT’S GOING WRONG??” 2025》海報。

演唱會門票日前正式開賣，門票雖然未去到被秒殺，但銷情理想，ERROR自然順勢想谷飛，賣晒加埸玩多晚！為逼公司加埸，ERROR前日宣布會齊人開live，當一眾fans坐定定準備睇四子久未齊人live，驚喜出現！

ERROR「綁架」花姐。

四子開Live笑料百出！

ERROR帶同五花大綁的花姐出現，突發Re-U《花姐ERROR遊》。花姐身上的麻繩明顯縛得很鬆，但配四子的嘴賤，笑料百出，唔少得當然仲有大家期待花姐鬧人畫面。

至於全個live高潮，是花姐要四子各人即席solo跳舞外，花姐更加獻出處女下海大跳ERROR新歌《野舞士》，霸氣叫話：「唔買飛正X街！」而Dee哥預告會落區派宣傳單張，希望為演唱會成功加埸！

ERROR帶同五花大綁的花姐出現。

《Katch音樂娛樂平台呈獻: ERROR “WHAT’S GOING WRONG??” 2025》演唱會資訊：
日期：2025年1月25日（星期六）
時間：晚上 8時 15分
地點：香港會議展覽中心Hall 5BC
票價：$1180 / $880 / $680
門票現正於快達票公開發售
網址：http://www.hkticketing.com