無視被封「港版吳亦凡」 保錡開工同女拍檔保持距離

被再傳醜聞的保錡日前開工時，與男拍檔笑住傾，心情毫無影響。

組合ERROR成員吳保錡憑人氣節目《ERROR自肥企画》翻身，極速洗脫偷食沙律（張沛樂）兼爆粗鬧網民的「負皮王」形象，早前更夥影帝古天樂拍廣告。未料，上周忽然被歌手韓子亮封為「港版吳亦凡」，指有人涉嫌迷姦及行為如「狗公」等，更要求對方公開道歉，否則「準備退出娛樂圈」！隨後，一名女Dancer亦於IG Story公開疑似保錡於19年「約炮」的對話，但保錡一於懶理，繼續於IG分享賣萌Selfie。

保錡年初被爆暗撻「33E性感女神」沙律後，即被揭與女友賴嘉賢未分手。

保錡在直播中不滿網友指他「呃蝦條」而瘋狂爆粗反駁。

女Dancer因為不值「盲粉」死撐行為而公開疑似保錡在IG私訊她「約炮」的對話。

疑似保錡在IG私訊「約炮」的對話截圖。

其實韓子亮（左）與保錡早有過節，前者曾因咪高峰失靈，在台上搶去保錡的咪。

雖然再捲桃色醜聞，但仍未有公開回應的保錡繼續喺IG出Po。

日前晚上近8點，保錡與港版《大叔的愛》的「梓芊」徐㴓喬（Asha）、《造星》囝囝旨呈、Boris（黃浚銘），以及一班後生仔女到避風塘拍攝。等船期間，眾人聚集在附近的天橋休息，由於天氣炎熱，Asha等人均出動風扇仔散熱，穿長袖白Tee再笠短袖衫襯長褲的保錡，坐在梯級上不斷用紙巾印乾塊面。雖然又傳醜聞，但保錡心情OK，全程跟大家有講有笑，惟自知「桃花太旺」，怕再惹緋聞上身，所以刻意避開「女色」，跟女拍檔們企到離行離迾，只敢埋男仔堆吹水。

等船期間，保錡只顧跟男仔吹水，與Asha等女拍檔隔得勁遠，幾乎冇乜交流。

大熱天時，穿長袖白Tee再笠短袖衫的保錡坐在天橋樓梯狂標汗。

休息一陣，大家又跟隨工作人員走到碼頭繼續拍攝，保錡睇嚟熱到頂唔順，邊拍邊拎住風扇仔狂吹，其間他亦好識搞氣氛，逗得一班拍檔頻頻哈哈大笑，而無論鏡頭前後，保錡都極少與女生們互動，相反旁邊的旨呈就與Asha講到郁晒手，夾在中間的保錡只顧傻笑向前望。

Roll機後，保錡與眾拍檔站在碼頭拍攝吹水鏡頭，其間他都不時開玩笑搞氣氛！

之後，一行人再分成兩小隊登上艇仔，並駛到海中心錄影，見保錡在船上依舊笑得好燦爛，睇嚟早已萬箭穿心嘅佢完全無視被封「港版吳亦凡」及女Dancer公開「約炮」對話。

約8時許，眾人分為兩小隊登上艇仔，並駛到海中心繼續錄影。

保錡在船上與男拍檔一齊坐，全程有講有笑。

Yoyo指保錡係一個藝人同小朋友界別中間，但未融合到，所以仲有進步嘅空間。

近年經常「住吓香港、住吓福岡」的蒙嘉慧（Yoyo），今次帶著吳保錡（保錡）及新朋友陳海寧（Isabella）到福岡探索，二人會跟著蒙嘉慧的腳印，感受 Yoyo 眼中福岡最宜居、最自在的生活模式，體驗令人夢寐以求「呢度住吓、嗰度住吓」的逍遙境界。

蒙嘉慧

Yoyo著住保錡同Isabella到福岡探索。

《呢度住吓 嗰度住吓》今晚（11月18日）播出的第11集，本集主要講述一向有跑步習慣的保錡，率領Yoyo和Isabella跑出國際，三人前往福岡大濠公園，聯同跑會Fukuoka Yuru Run一齊跑步，保錡更邀請當地跑友一齊講「笑一個！」場面有趣。

有跑步習慣的保錡率領Yoyo和Isabella跑出國際。

同跑會Fukuoka Yuru Run一齊跑步。

保錡邀請當地跑友一齊講「笑一個！」

拍攝當日是保錡留在福岡的最後一天，Yoyo和Isabella藉此對保錡說了一番心底話，Yoyo欣賞保錡無藝人包袱：「佢係一個藝人同小朋友界別中間，我覺得佢未融合到㗎，仲有進步嘅空間，但我又覺得好過癮。第一日開頭覺得佢有啲粗魯喎，但你問我，我自己都唔係好溫柔啦，你話咩人地啫！佢好願意表達自己唔好嘅一面，好多時無將artists身份擺出嚟，但社會責任上，應該有啲榜樣要做，而佢又真係做緊，比如佢搞跑會，希望每一個人都會健康。」

Yoyo和Isabella對保錡說了一番心底話。

Yoyo欣賞保錡無藝人包袱。

亦好欣賞保錡好願意表達自己唔好嘅一面。

Isabella則分享自己已經兩年無同保錡共事：「我覺得依兩年大家都大個咗好多，但某程度上有啲核心價值，大家都有一齊進步緊，我好開心見到保錡依家咁樣。」Yoyo笑言：「好老懷安慰？」Isabella答：「咁又唔係，佢老啲。」

Isabella分享自己同保錡依兩年大家都大個咗好多。