HotTV
何嘉莉去年10月宣布與發記甜品店太子爺黃逸章離婚，她昨日便與機師男友Gerald低調於淺水灣酒店舉行婚禮。
早前被爆出剛離婚的她搭上機師男友Gerald，並有意再婚。二人昨在淺水灣酒店的露天草地舉行婚禮，約有100位賓客到場祝賀，出席的有谷祖琳、黃伊汶與老公陳國坤，而何嘉莉兒子亦有到場。
婚禮場外亦擺放了二人相集供親友欣賞，但當中主要以生活照為主，未見一對新人的婚紗造型照。
在交換戒指儀式中，Gerald感動到拿出紙巾拭淚，而在場保安見到記者立即上前驅趕。
何嘉莉與前夫去年宣佈離婚。 (資料圖片)
雖然傷患纏繞數月，但Lillian依然堅持運動。
何嘉莉（Lillian）時尚型格，曾經擔任形象顧問的她對扮靚可謂一絲不苟，最近她獲年輕醫學美容中心MEDILASE邀請，拍攝以mix & match為主題的宣傳短片，帶出facial treatment也可以跟時尚看齊，混合配搭，選擇最適合自己的療程，達至最佳的美容效果。
何嘉莉獲年輕醫學美容中心邀請拍攝宣傳短片。
客戶得知Lillian穿搭有道，今次拍攝更專誠邀請Lillian親自打造超型格的時代女性一面，帶出自己剛柔並濟的性格，她笑說：「因為扮靚都係女生日常，有關呢類型工作我都好樂意去做，最緊要係開心。MEDILASE呢間公司風格好stylish，感覺同我自己好配合，所以都想試吓。今次mix & match嘅內容係幾特別，幫自己做埋styling，拍完之後都好滿足，成件事同我好貼近。」
Lillian親自打造型格，展示時代女性一面。
Lillian穿上兩套以白色為主調的服裝，展露白滑肌膚、馬甲線與其骨感美，問到日常忙碌的她如何保持好狀態？Lillian說：「女人天生都鍾意靚，我自己都注重護膚架，我除咗做機，每日都會敷mask。Keep fit方面，我本身好鍾意做運動，但係之前我有關節嘅舊患，一直都未好，所以醫生就叫我試吓唔好飲酒，我10日冇飲酒呀！哈哈……其實舊患嗰度就差唔多，不過大家見到都覺得我瘦咗，唔飲酒唔係想瘦嘅，我平時鍾意夜晚靜靜哋嘅時候，飲杯紅酒，諗吓嘢，呢個時間就係自己最享受嘅me time。」
Lillian搭配的兩套服裝都能展露其白滑肌膚、馬甲線與其骨感美。
Lillian透露因為關節舊患，已10日冇飲酒。
提到關節舊患，Lillian透露年初滑雪時弄傷膝蓋，一直在接受物理治療，期間發現腰部的舊患未好，導致盤骨受傷，雙腳不可以伸展，雖然傷患纏繞數月，但她依然堅持運動：「其實一路醫緊，下半身傷咗，所以我上半身都有練吓手臂，慢慢訓練吓肌肉，喺屋企會拉筋，希望練到線條，盡量keep住每日都練習，唔可以偷懶。」
Lillian透露年初滑雪時弄傷膝蓋接受物理治療期間，發現腰部的舊患未好，導致盤骨受傷。
正值暑假，Lillian一家人早前到北海道全家旅行，享受親子家庭樂，「一家大細同屋企人去咗北海道旅行，我媽咪好想同啲孫去旅行，留返個好好嘅回憶，今年第一次，好開心！其實都希望可以多啲一家人去旅行，覺得工作繁忙之餘，有時間都畀返多啲屋企人，同家人相處，建立多啲共同開心嘅回憶，人大咗愈嚟愈覺得家人嘅珍貴，因為好多嘢好難預料。」
Lillian又分享一家人早前到北海道旅行。
