練美娟拍廣告激似杜麗莎 鄭中基再演「斷蟹」一角

真係好經典。

鄭中基（Ronald）早前與練美娟（娟姐）一同拍外賣App廣告，更模仿電影《行運超人》的橋段為觀眾介紹優惠。Ronald於廣告中再演「斷蟹」 一角，不少網民睇見都表示：「回憶返晒嚟！」

你又覺得似唔似呢？

Ronald做返「斷蟹」。

神算呢幕廣告中都有出現。

介紹優惠。

廣告都跟足嚟做。

不過最令網民驚喜的是，娟姐扮演杜麗莎，網民都大讚娟姐演得入型入格。娟姐得知表現獲好評都非常高興，於IG限時動態表示：「Call me 杜麗娟！」

網民大讚。

娟姐請大家以後叫佢做「杜麗娟」。

《行運超人》係2003年上映嘅賀歲片。

個個角色都好經典。

又真係好似噃！

梁思浩爆一事件證余思敏份人好忍得。

鄭中基日前突然與合作多年的經理人何慶湘終止合作一事引起外界不少關注，有網民翻查時間線及其IG照片指太太余思敏疑似去酒店捉小三，而鄭中基的聲明更被發現有改動，從「會去美國參加戒酒中心嘅療程」改成「太太會陪我去美國參加戒酒中心嘅療程」，網民認為事件疑點重重，太太余思敏疑似操縱鄭中基的社交平台。

不過余思敏的好友梁思浩在其主持的網台節目《娛樂好好玩》開聲支持余思敏，指﹕「何慶湘同余思敏，我係企喺余思敏度！」

梁思浩與江美儀、吳家樂主持的網台節目《娛樂好好玩》

二人因當年在有線一同主持《怪談》而結緣，後尾有段時間因梁思浩不停被記者追訪而須入住酒店，當時余思敏亦不諱嫌而去探望，梁思浩形容對對方印象說：「無論個聲明係太太定鄭中基寫，我可以講吓我認識佢太太，我幾鍾意呢個女仔，佢個人係一個幾聰明嘅人。」之後更大爆一事顯露余詩敏的為人。「當年佢有一件事忍讓得好緊要，呢個人幾忍得㗎！」」

二人 因一同主持《怪談》結緣

他續指當時節目後期高層空降了一位女主持，而新女主持更多次搶余思敏對白﹕「嗰件事我睇住佢忍忍忍忍，忍到根本好難忍，但係佢好好，佢忍到忍唔到，呢個女仔就會發炮！」梁思浩當時亦覺得新女主持太過分，不怕得罪高層，出聲護航，二人因而成為好友。

思浩更為余詩敏出頭，二人成為好友

就鄭中基事件，梁思浩相信余詩敏個性沒變，他表示：「佢忍讓，佢聰明，佢好識得畀位大家，但係去到你踩佢，無路可退佢都會反擊。」

此時，吳家樂隨即要求梁思浩即場打俾余思敏，認為以二人的關係應無所不談，之後梁思浩就在吳家樂望住的情況下傳訊息畀對方，又揚言：「如果佢即刻打嚟，我即刻駁條線！」不過最終余思敏並無回電。

思浩話無諗過要喺呢個節目打俾余詩敏，不過發了個訊息俾她