七仙羽接拍處女作 新戲開鏡豪哥許賢齊齊集郵

《猛鬼三寶》係恐佈喜劇。

風水師兼西洋魔法師七仙羽（七師傅）拍節目拍到入晒屋，早前她自爆將接拍電影，而日前恐怖喜劇《猛鬼3寶》正式開拍，台前幕後日前齊集於上水一片場進行開鏡拜神。

七師傅拍節目拍到入晒屋。

電影由伍健雄、鄧維弼、羅耀輝監製；新晉導演黄鐦執導並與黃綺琳聯手編劇。

日前進行開鏡拜神儀式。

一眾年輕演員包括：林千渟（前名：林婷）、林家熙（Locker）、凌文龍、蘇皓兒（Chloe）、蘇致豪（豪哥）、許賢等擔綱演出，劇組更特別請來七仙羽師傅演出「師傅」一角。

今次係特別客串。

當日壓軸現身的七師傅更在拜神儀式中親自作法，一眾年輕演員見到她都搶住集郵，逗得七師傅非常開心，並笑言：「師傅普渡眾生，來者不拒！」

個個都要同七師傅集郵。

七師傅表示很開心可以參與今次拍攝，與一眾新演員合作是緣份，希望可以互相學習，又稱：「之前七連閃電鞭受歡迎，好多人追睇，我睇吓到時（拍攝）有咩元素同創意畀大家欣賞，好多時都係突然有諗法。」

好多後生仔女。

此外，YouTube頻道「試當真」多位成員一同拍攝《猛鬼3寶》，許賢及豪哥談到拍攝鬼片的開工準備，坦言儀式習俗會做足，許賢表示：「我哋平時網片都會拍死人情節，有畀利是，習俗都做開。」

「試當真」多位成員都一同拍攝《猛鬼3寶》。

豪哥在旁聞言即笑說：「不過平時流流哋，利是都係用網上過數。」

「試當真」都好紅。

度度都見到七師傅。

七仙羽師傅話望見一班參賽佳麗，激發佢要令自己變得更加靚！

全球首間「perFACE x SkinLab 綜合護膚概念店」昨天（10月16日）於銅鑼灣Fashion Walk正式開幕！這間結合尖端護膚科技與個人化護理體驗的旗艦店，標誌著護膚行業邁向嶄新里程碑。為慶祝這個重要時刻，perFACE 執行董事兼行政總裁符芷晴女士與著名風水大師七仙羽師傅一同為概念店擔任剪綵嘉賓，為新店揭開序幕。

七仙羽師傅昨天（10月15）現身銅鑼灣，為綜合護膚概念店擔任剪綵嘉賓。

即場教路增桃花運貼士。

七仙羽師傅以其深厚的風水專業和吉祥寓意，為店舖進行了象徵好運與繁榮的剪綵儀式，並在隨後的祝酒及醒獅儀式上，為新店送上美好的祝福。

七仙羽師傅活動後大談個人美容及護膚心得，並預測未來運程，她更表示個人護理做得好亦有助增強自己運勢，「2024年的香港經濟有較大嘅波動，相信來年年初情況亦唔會有太大改變，短時間內各位投資時要加倍審慎，我自己對於黃金投資比較樂觀，目前世界上充滿太多不穩定因素，例如係戰爭政治等。嚟到perFACE嘅全新概念店，覺得呢一度風水，地理位置同人流都非常好，有好多人都會專誠過嚟做facial或者其他美容療程。因為perFACE嘅老闆係行緊大運，吸引力法則嘅影響之下，你想行運就一定要同一啲行緊運嘅人多啲接觸，所以不妨多啲行入嚟吸收下呢度嘅運氣。同埋亦有唔少女士走來問我點樣增加桃花運，同大家分享一個秘訣啦，想增加自己嘅桃花運就一定要令自己皮膚有光澤，皮膚唔夠光澤唔夠亮白的話，自信心都減咗一半啦，仲點可以增加到自己桃花運呢？」

七師傅早前為ViuTV選美比賽節目《美麗40路》任嘉賓。

七師傅話有意參選！

提到之前ViuTV拍攝了一個選美比賽節目《美麗40路》，問到七仙羽師傅有沒有興趣參加？她笑說：「我都有喺呢個比賽入面做司儀同嘉賓，其實呢個比賽嘅參加者年紀都唔細架，但係佢哋嘅外貌同年紀完全唔成正比，真人靚好多，所以我經常都走去問導演，其實佢哋個個樣都好似20幾歲，究竟有冇虛報年齡㗎？我自己都諗如果我個樣keep得好似佢地咁好，我出年其實係咪都可以成為參賽佳麗呢！望見佢哋就更加激發我要令自己變得更加靚，我咁後生咁年青冇理由輸俾佢哋嘅！所以我嚟緊會努力去perFACE做多啲Facial做多啲療程裝備好自己，出年同班佳麗決一死戰！」

新店開幕盡享尊貴護膚體驗
「perFACE x SkinLab 綜合護膚概念店」融合尖端護膚技術與高端個人化服務，旨在為顧客帶來全方位的護膚體驗。除繼續秉承perFACE頂尖嶄新醫美科技，專業資深醫學美容團隊致力為客人提供高效安全的醫美療程外，今次與SkinCeuticals合作亦會結合其全面醫學護膚產品，務求提供一站式及全方位護膚體驗俾大家，讓客人可以每分每秒綻放自信美麗嘅光芒。