Chilam夫婦全家購物G4護仔

娛圈事

2015年12月18日 09:48 最後更新：09:48

張智霖（Chilam）孭飛的電影《十月初五的月光》於中港澳大收旺場，收逾六千萬元票房，Chilam夫婦帶9歲獨子魔童去shopping，臨走時遇見記者，張太極度慌張，先快手幫兒子遮面，再吩咐老公一前一後G4護仔，怕魔童靚仔樣曝光！

近年積極搵錢的Chilam對愛妻超級梳爽，送Hermes袋又送千萬樓。寵壞靚靚幾乎每月一個新袋，上月先開心挽住十多萬元的深藍色限量Flag皮革拼帆布Birkin袋，今個月已轉用米白色的Birkin新袋。

周日下午，張氏一家先去ifc的連卡佛瘋狂掃貨，買了兩大一細袋，滿載而歸。準備離開時，靚靚眼利發現記者，即向父子二人通水，然後急步行前與丈夫一前一後挾實寶貝仔，企圖以紙袋遮住兒子樣貌。之後乖仔嗌買雪糕，慈母當然無托手肘，陪乖仔揀雪糕和配料，然後落樓取車離開。

2024年11月14日 16:00 最後更新：11月15日 14:11

Baby魔童好可愛～

張智霖（Chilam）與袁詠儀（靚靚）由拍拖到2001年結婚至今一直非常恩愛，是圈中出名的模範夫妻，二人育有一子張慕童（Morton魔童），一家三口感情非常好。轉眼間，魔童已經大個仔，近日迎來18歲生日，媽媽袁詠儀就在社交平台分享BB相為囝囝慶祝。

袁詠儀在微博為囝囝慶生，留言道：「Happy 18th Birthday🎂健康、快樂😘」，她公開了兩張她和張智霖各身抱着Baby魔童的合照，相中兩公婆不約而同與囝囝面貼面錫錫，非常溫馨有愛！袁詠儀又貼出多張寫上「魔童生日快樂」的蛋糕照，雖然魔童未有出鏡，但相信他已經收到很多祝福！

你或有興趣的文章

娛圈事