疑「抽水」野豬爭議 IKEA貼文掀網民熱論

漁護署早前開始定期捕捉及人道毀滅在市區出沒的野豬，事件鬧得沸沸揚揚。香港IKEA宜家家居昨日在社交平台專頁上，貼出多款設計的毛公仔，並寫上「希望所有動物都可以好似我哋咁和平相處」，引起網民熱議。

「IKEA 宜家家居」FB圖片

香港IKEA宜家家居的社交平台專頁於昨日下午5時許發文，貼出旗下大象、熊貓及獅子等的毛公仔圖片，並在帖文中寫上「小朋友玩玩具嗰陣，唔單止會認識到瀕臨絕種動物，仲可以貼近大自然，感受其他物種嘅可愛之處」，又加上「#呢度係大家嘅屋企」及「#我哋一齊生活好嘛」的標籤，疑似「抽水」近日的野豬爭議。

資料圖片

帖文引起網上熱議，不少網民都表示帖文有「洋蔥」，「Sor今次笑唔出，只想哭」、「#呢度係大家嘅屋企 #我哋一齊生活好嘛 呢兩句個心好酸」、「人類同動物一定可以和平共處！但有時人類唔會掉返轉頭諗如何善待動物！請珍惜！人類同動物一樣平等。請尊重所有動物。謝謝你們」。

資料圖片

資料來源：「IKEA 宜家家居」FB

香港IKEA宜家家居昨日在社交平台專頁上，貼出多款設計的毛公仔，寫上「希望所有動物都可以好似我哋咁和平相處」。FB圖片/資料圖片

有港男在threads發文，說早前坐巴士，巴士突然急剎，恰好那時他正按在落車鐘上，待站穩後發現竟扯甩落車鐘掣，引來網民熱議。

示意圖

巴士急剎 扯甩了落車鐘掣

港男發文表示，巴士急剎時，自己「一嘢飛咗去，飛咗出去走廊啫」，而當被拋出走廊站穩後，才發現「手揸住啲嘢，點知一睇，X！」。原來是他扯甩了落車鐘掣，於是上網求助「黏返上去扮無事，定係攞返屋企練習撳鐘仔？」。

Threads圖片

網友笑爆：俾你留念

帖文引來不少網民留言，有人笑爆「俾你留念」、「CLS，搭巴士有手信」、「SLDPK（笑到X街的簡稱），大力出奇蹟」。有人「可以練下手速」、「寄番比九巴」、「九巴特別紀念版，未來應該好值錢，你應該留著佢給子孫後代！」。

地鐵頭頂波型扶手都出過事

有網民分享以往的經歷，「好多年前地鐵頭頂個扶手仲係個波嗰陣，有一次又係急剎之後，大家企定定，我發現對面個男人隻手多咗個波波扶手，我已經笑到X街，但佢好冷靜咁望咗一眼。然後架車到站，佢施施然咁踎低，輕輕力放咗個波波扶手喺地下，再慢慢起身拎轉面落車。全程神態自若，彷彿唔係第一次掹甩扶手咁」。

示意圖

有人懷疑真假 二手平台有得賣

不過也有人質疑樓主所言，認為他該按鐘掣是從網上買回來的。在二手平台carousell搜索，可發現九巴按鐘掣現售40蚊1個。

網上截圖