唱得真係好~
現年58歲、有「師奶殺手」之稱嘅陶大宇近年努力返大陸登台搵真銀,商演活動當然要袋住幾首飲歌,劉德華《倒轉地球》同《愛我一萬年》都係大宇嘅首本名曲。最近大宇獻唱《倒》嘅登台短片喺中港兩地瘋傳,佢以「魔音式」逐粒字唱腔,加上「水潑式」台風,非常洗腦,唔少人都剪咗短版無限Loop,成為網上熱話。
大宇版嘅《倒轉地球》超洗腦,成網上熱話。
「宇宙天團」ERROR成員之一保錡,一得閒就會拍片娛人娛己,繼七師傅「閃電七連鞭」後,最近就惡搞陶大宇2.0,扮佢唱《倒轉地球》放上IG,佢話自己重複睇咗條片100次,留言話:「最近大愛一首歌,不得不重唱一次,無論表情和語氣,都表現得10分到位,所以決定表演給大家看,重複睇了100次的《倒轉地球》。圖1:獨唱版 圖2:合唱版」。
保錡嘅神情同唱腔都激似大宇。
對眼都瞪到好大。
仲有獨唱版,但唔知大宇嬲唔嬲呢?
條片一啲都唔hea,揸咪唱仲有燈光特效,如同置身舞台一樣。而保錡嘅模仿能力都好高,瞪大隻眼都唔眨一下,表情、唱腔扮到足。小肥、J.Arie、張紋嘉等都有笑到喊emoji,但唔知當事人大宇見到會唔會嬲嬲豬呢?!
冰姐同媚姨都好犀利!
ViuTV節目《Auntie妳好東南亞玩番轉》今晚(7日)一集,ERROR成員吳保錡、鍾慧冰(冰姐)、陳月媚(媚姨)三位主持去到澳門旅遊塔,在離地二百多米高的塔頂外圍挑戰空中漫步,更要在沒有扶手的情況下完成指定高難度動作。
今集三位主持去到澳門旅遊塔。
在離地二百多米高的塔頂外圍挑戰空中漫步。
保錡形容兩位auntie是「大年紀的細路仔」,過程中一直跟在冰姐和媚姨後面照顧她們。教練要求三人坐在平台邊緣,保錡和媚姨毫不猶豫,相反冰姐一直叫嚷道:「我坐低咗就起唔翻身㗎喇」,更稱自己害怕到想哭。
保錡一直跟在冰姐和媚姨後面照顧她們。
媚姨毫不猶豫坐下。
冰姐自稱害怕到想哭。
冰姐個樣真係好驚。
之後,教練要求他們做更刺激、更高難度的動作。保錡一心只想著收工,他眼見兩位Auntie畏縮不前,於是決定使用激將法,他跟媚姨說:「我已經諗到依一次將會係我哋最後一次拍攝,公司唔會再批俾我哋拍,因為今次去到咁盡,但有啲畫面都唔能夠拍攝到。我哋要好好珍惜今次嘅友誼。」媚姨回應:「你講到咁,我只好盡力啦。」
保錡使出激將法。
媚姨挑戰高難度動作成功。