生仔真的要考牌！有港男指，近日在玩具店看到有港爸的兒子遭人撞倒，哭著走出店外，對方竟著兒子「俾人撞親咪撞返佢」，令港男感到非常驚訝。
設計圖片
該名港男在「香港討論區」上，以「原來依家啲家長興咁樣教仔」為題發文，指日前與哥哥外出用餐慶祝生日，吃飯前帶姪仔到一間玩具店看聖誕禮物。店內有位置讓小孩試玩玩具，他們便讓姪仔在該處玩；不過期後店內突然湧入多名小孩，港男哥哥便帶兒子離開，避免發生碰撞。
設計圖片
當港男一行人走到遠處時，有一名小孩邊哭邊從玩具店走出來，向其父親表示「我俾人迫到呀」，怎料其父竟回應指「俾人撞親、迫親咪撞返佢囉，一係你就唔出聲，一係你俾人撞到就撞返人」。雖然該名港爸的妻子聞言後立即指責「點可以咁樣教個仔」，但他亦不以為然，更表示「真係整親人嗰陣，人哋老竇、阿媽都會出聲㗎啦，咪到時先算囉」，令港男感到非常震驚，「原來而家係咁樣教小朋友？定係呢個老竇真係個別例子？」
設計圖片
帖文引起網民熱議，不少人都認為該名港爸不應如此教仔，「唔係小朋友難教，係好多老豆老母唔識教」、「點解會咁樣教仔呢？希望只係個別少數家長嘅諗法啦」。不過亦有網民指，家長應讓子女自行解決問題，若他們處理不當再提出協助，「我贊成要個小朋友諗吓自己應該點做，絕對唔係同老豆老母告狀，等老豆老母去打救」、「小孩之間磕磕碰碰都不是甚麼大事，讓孩子自己決定怎麼處理才對，如果處理不好再幫忙改正」。
設計圖片
資料來源：「香港討論區」
坊間有關嗌外賣的烏龍事件不時發生，近日就有港男叫外賣時手誤撳錯掣，最終付款60元買回一對木筷子，事件曝光掀起網民的關注，而最終男事主、店家及外賣員都齊齊現身，烏龍事件溫馨搞笑落幕。
網上圖片
事主在網上撰文分享自己的烏龍事件，「撳錯掣，畀$60買咗一對筷子。」他在帖文中公開外賣收據及一段短片，足見其無奈的心情。短片記錄事主打開送來的外賣膠袋，空蕩蕩的袋子裡有且僅有一對木筷子及膠匙。
網上圖片
外賣收據顯示，事主透過外賣平台，向天水圍頌富商場一間水餃店訂購外賣，事主訂購的商品是1套「餐具-木製餐具套裝」，收費1元，而外賣運費35元，另加平台服務費2元。在扣除37元優惠後，由於外賣的價格未能達到最低消費標註，於是事主要支付「與最低消費的差價」59元，最終需要支付60元。
事主還在在收據中註明：「放在家門口，放喺屋企門口，唔使撳門鐘啦，唔該。」事後事主不忘忘情自嘲：「諗起送外賣嗰個，就咁抽住個膠袋，然後喺餐廳過嚟我屋企嗰段路，好想知佢諗緊啲咩，我到底瞓X醒未？？」
網上圖片
網上圖片
事件曝光引來網民爆笑留言：「外賣仔以為你係詩人，入面裝左d寂寞」」、「你有冇好好珍藏對筷子呀」。
烏龍事件成功發酵，引來負責當時送外賣的外賣員和店家現身回覆，自稱是當時外賣員的網友留言指：「作為尋晚幫您送筷子同羹嘅外賣員，好多謝您願意用$60買一對餐具，令我輕鬆賺$32運費。」該外賣員回憶事發經過：「尋晚去到餐廳，店員師兄打電話畀你唔通，所以都冇辦法，唯有交套餐具畀我去送。」他只自己「收到餐嗰一刻都唔敢相信，有人用$60蚊買套餐具，喺呢度再一次多謝您用$60買一套餐具，促進香港經濟發展，同埋令我輕鬆賺$32運費。」
網上圖片
而自稱是涉事餃子店的店員亦現身留言「嗱，本人已有打電話，但係飛去留言，我都愛莫能助。」外賣員及店家相繼現身回覆，引來事主亦留言回應，他亦自嘲的方式為事件畫下句號：「結論自己手快撳錯冇睇，流量搵翻店員講有打過俾我（感謝！），沖緊涼冇聽到，車手大哥接單都有笑左，所有人都冇野，純粹俾大家笑吓，放鬆啲香港人～」
