周嘉儀認拍拖 新男友大有來頭

無線前新聞女主播周嘉儀（Venus）大方承認台北同行男子係新男友後，心情繼續大靚，今早喺專頁上載張靚靚大頭相，而呢位新男友亦被大起底，原來佢係行政會議成員、立法會商界議員林健鋒囝囝林凱章（Victor）。

資料圖片

心情大靚的嘉儀貼文留言：「各位早晨，今日係1月10號星期日。今日又係多雲有幾陣雨，放假出去玩要帶遮喇」，「有大家支持，無論香港定台北都係天晴啦，點會愁雲慘霧呢，你哋話係咪？」貼文一出，唔少朋友、粉絲都讚靚，又恭喜佢有新戀情，「祝你有美好姻緣。『點會愁雲慘霧呢』可能會成為你的金句。」Venus都一一回覆多謝。

     

新男友Victor唔單止父親喺政壇出名，林凱章自己都身兼多項公職，包括安老事務委員會、方便營商諮詢委員會、紀律人員薪俸及服務條件常務委員會成員外，又係廣東社團總會青委主任、香港友好協進會青年事務委員會委員，最猛料係佢爺爺就係有「變形金剛之父」稱號的永和實業董事創辦人林亮。

左起為林凱章、林亮、林健鋒（資料圖片）

離開無綫後發展更好。

前無綫主播周嘉儀可算是近十年名氣最高的主播，當年由實習記者加入無綫，2015年離開TVB後轉戰金融界，可謂撈得風生水起，今年更搬入半山豪宅，仲榮升馬主，生活十分富貴。

周嘉儀大學畢業就加入無綫

在8 月3日生日的周嘉儀連日與好友慶生，剛剛踏入42歲的她毫無老態，保養得宜。她不時在IG 分享日常瑣事，令其豪宅內部曝光，香閨不但闊落，裝修雅緻，而且更設有大玻璃櫃，專門擺放她的愛馬仕（Hermès）手袋、Chanel及Dior手袋珍藏，估計值逾過百萬，簡直羨煞旁人。另外一隻用來「晾腳」凳仔，其實是一隻售價六千以上的擺設，絕不便宜。

新屋裝修雅緻

身後呢個玻璃櫃擺放的手袋估計價值過百萬

今月初踏入42歲

至今仍未嫁人的周嘉儀，有傳其男友財力驚人，不時以名車接送。屋村出身的她，身價可謂十級跳。