得七首歌開處女個唱冇有怕 施匡翹承諾到時必有嘢睇

Zaina笑言至少都會騷吓46吋長腿。

出道兩年多的施匡翹（Zaina），趁聖誕節「處女下海」，於本月20日在九展開日夜兩場《stay》音樂會。之前她在社交網上載一輯性感靚相，身穿低胸裙展露「湯碗胸」，對於大家對她有「期望」，她承諾演唱會時一定會有啲嘢睇，至少都會騷吓46吋長腿。

十二月有好多歌手開騷，施匡翹都嚟湊熱鬧。

Zaina形容開處女Show好突然，「個半月前經理人Apple姐打嚟同我講，問我『年尾搞個演唱會好唔好？』一星期後就話行動喇，其實出道時間尚短，雖然好似早咗啲開騷，但開完個唱後能增加經驗係好事，有得做就gogogo盡力而為啦！𠵱家算幾好，除咗唱歌以外會拍吓劇集，仲會學車及排舞，生活過得好充實。」

施匡翹今次小試牛刀，目標喺紅館演唱。

Zaina僅推出5首單曲及兩首合唱歌就膽粗粗挑戰個唱，問到能否撐到成個騷？她就叫大家唔使擔心，歌迷都好開通，好鍾意聽她唱翻唱歌，而且導演將她5首單曲分成幾個主題，如《康復期》會比較傷感；《stay》係跳唱部份，到時會有跳舞環節。

施匡翹搵嚟林德信拍歌曲《差不多小姐》MV，林德信亦會係演唱會嘉賓。

至於會否換上性感戰衣配合？Zaina笑住爆少少：「唔係性感，服裝設計係比較誇張，好似着喺模特兒身上咁，平時唔會見到我有呢身打扮，咁我都鍾意畀人設計形象試多啲新嘢，不過，上次嗰條火辣紅裙係我嘅極限，大膽程度唔會超越呢個界線，相信最多喺露腿。其實上次係尊重新城頒獎禮場合而着，喺朋友鼓勵下諗咗好耐先敢放上社交平台。」

施匡翹喺《stay》MV中露46吋長腿。

施匡翹游水練氣，望以最佳狀態示人。

施匡翹稱：「之前晚晚通宵睇比賽，依家可以回歸正常作息，惟有期待下屆奧運。」

由啟迪體育學院及臻世娛樂主辦的「勇者之戰盃2024籃球霸者港美聯賽」，將於8月14及15日假AXA安盛創夢館隆重舉行，昨日(8月13日) 在尖沙咀唯港薈舉行發布會隆重宣布賽事。歌手施匡翹（Zaina）、陳詠桐（JC）、謝高晉及由隊長何佩樺（Starla）帶領的新晉女團ATOZ現身支持，大力推廣籃球運動及讓香港籃球逐步邁向國際水平。

歌手施匡翹（Zaina）、陳詠桐（JC）與謝高晉昨日出席「勇者之戰盃2024籃球霸者港美聯賽」發佈會。

Zaina與JC大派心心。

是次籃球表演賽除了邀請來自三隊香港知名甲一組別籃球隊：東方、康仁福建、滿貫籃球隊，美國高中籃球冠軍隊 Sierra Canyon Boys Basketball 亦應邀同場獻技，當中在香港本土長大並轉戰塞拉峽谷高中一隊的籃球精英Edwin及隊友們等多位未來巨星亦將隨隊出賽，號稱港美聯手打造的籃球界盛事。

靚到呢！

施匡翹將會在賽事中表演。

身材高佻、擁有修長美腿的Zaina，在記者會受訪時坦言未敢跟籃球員切磋球技，她笑言：「佢哋身形咁高大，我自愧不如，派師兄謝高晉去就得，佢都係籃球員。（向籃球員拜師？）唔敢呀，佢哋水準太高，我就純粹玩吓。」提到剛結束的巴黎奧運，施匡翹表示有少許失落，她稱：「之前晚晚通宵睇比賽，依家可以回歸正常作息，惟有期待下屆奧運。」

謝高晉透露已決定退役。

女團ATOZ隊長何佩樺（Starla）

JC對於能夠和Zaina在賽事中表演感到緊張又興奮，同時亦呼籲粉絲留意她們的solo演出。至於身為前職業籃球員的謝高晉，透露已決定退役，未來除了會鑽研哥爾夫球，亦會考取體適能教練，他表示：「都希望可以快啲考到籃球教練牌，推動吓香港的運動事業。」而女團ATOZ隊長何佩樺（Starla）明天會帶領女團跳舞做表演嘉賓，她坦言十分期待，「我哋13個女仔每人程度都唔同，希望表演唔會出錯，盡自己所能做到最好。」

女團ATOZ