陣容強大。
由吳君如監製兼演出的賀歲片《闔家辣》於7月已經煞科，劇組為求完美，日前進行補戲，鄭中基、呂爵安（Edan）、何啟華（阿Dee）及林家熙（Locker）由朝拍到晚，君如的另一半陳可辛亦在現場指導，古天樂更會友情演出！
點擊看圖輯
Edan、阿Dee和Locker拍攝大排檔隊啤場口。
《闔家辣》補戲有古仔客串 Edan阿Dee大排檔隊啤Sell兄弟情
古天樂友情客串。
《闔家辣》日前補拍了四個場口，當日早上8時鄭中基先到達荃灣某商場的一家遊戲機中心，劇組已租用隔壁的夾公仔店作化妝間和衣帽間。早上11時左右，Edan和Locker亦在化妝間換上校服準備出發拍攝。據知，補拍主要是因為加了Edan和袁澧林的感情綫，希望給新人機會，同時亦加了不少神秘嘉賓，包括古天樂及「試當真」的蘇豪和許賢。
鄭中基演的士司機。
Edan、阿Dee及Locker着校服拍攝。
下午1時，眾演員到達汀九車場，拍攝鄭中基駕駛的士載着Edan、Locker和阿Dee。現場見到鄒凱光和陳可辛在旁指導，拍完一take後各人一起睇playback，睇完後Edan用手指着手表示意時間趕急，睇嚟需要NG。拍攝其間有數名粉絲在旁等候Edan，但未見有互動。不用埋位時幾位演員都好勤力，一直拿劇本重溫。鄭中基和阿Dee趁空檔就行埋一邊抽煙，有工作人員發現記者拍攝提醒阿Dee，但他未有理會，繼續抽，離場時更和記者揮手。
呢個場口得鄭中基有份拍攝。
Edan趁空閒去咗睇《假冒女團》。
大隊回到荃灣一家舊式校服店拍攝第三個場口，此場口只有鄭中基演出，其他演員可暫時休息，所以Edan和阿Dee就有時間去睇Anson Lo主演的新戲《假冒女團》，更和Anson Lo的宣傳紙牌合照並上載到社交平台。
Edan、阿Dee和Locker拍攝大排檔隊啤場口。
最後一個補拍場景在熟食中心的大排檔，當時只剩下Edan、阿Dee和Locker三人的戲份，劇情大概講述他們的兄弟情，換上便服的他們在大排檔喝啤酒聊天，場面愈來愈激動，他們更站了起來互相搭膊頭及碰杯。這場戲由晚上大約7時開始，拍足四個鐘，雖然現場聚集的粉絲愈來愈多，但秩序良好，未有阻礙拍攝。完成拍攝，阿Dee的粉絲要求合照，他隨即拿起粉絲的電話自拍，而Edan離開時亦和現場數十位粉絲講再見。
《闔家辣》補戲有古仔客串 Edan阿Dee大排檔隊啤Sell兄弟情
四子特別遠赴泰國取景拍攝MV，更找來泰版《流星花園》Prim Chanikarn任女主角！
MIRROR將以3個小組推出歌曲，每個月為粉絲們帶來不一樣的團隊作品，率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》，四子更特別遠赴泰國取景拍攝MV，為歌曲展現完全不一樣的可愛風格。
盧瀚霆（Anson Lo）、呂爵安（Edan）、李駿傑（Jeremy）及姜濤合唱的高糖份甜蜜情歌《Strawberry Love》。
《Strawberry Love》由Serrini填詞，是一首甜蜜情歌，全首歌都濃罩著甜蜜氛圍，是MIRROR或每位成員鮮有會演繹的歌曲作品，Edan都表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」
四子特別遠赴泰國取景拍攝MV。
在公布這次組合之時，四人曾被命名為妹豬組。
今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處，姜濤道：「推出小組，人數少咗，變成發揮自己嘅長處嘅空間會更多，大家可以更加睇到我哋每個人身上嘅閃光點。」這次《Strawberry Love》，都令大家回想起過去的合作，Jeremy回憶道：「我哋4個對上一次合作已經係好多年前，嗰陣時有幻想過，如果我哋4個一齊出歌會係點呢？隔咗咁多年，終於推出《Strawberry Love》。」Edan亦十分認同，他說：「我哋喜好都幾相近，大家都受K-pop嘅影響，好耐之前已經想做一啲跳唱項目，今次終於名正言順可以official做一次，對我哋嚟講都係好大嘅意義，係好難得嘅一次合作。」Anson Lo更說：「呢次合作，令我哋有返排《全民造星》啲item時候嘅感覺。」
在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy側認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」
泰國版《流星花園》中飾演杉菜的Prim Chanikarn擔任女主角。
MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高！Edan說：「佢真係好犀利，有好多粉絲，所以都驚訝可以同佢合作到，所以好開心，但我哋四個都幾怕醜，全日拍攝都唔係好夠膽同佢講嘢，去到臨收工我先鼓起勇氣同佢講咗兩句說話。」Anson Lo亦大讚Prim道：「今次好榮幸可以同佢合作，佢喺現場真係好專業，一埋位就好快做到導演要求嘅表情同走位。」
姜濤表示要在極高溫天氣下拍攝，實在高難度！
說起泰國拍攝MV點滴，姜濤表示要在極高溫天氣下拍攝，實在高難度，他說：「泰國好熱，咁嘅天氣要保持高糖份係有難度，因為喺好炎熱嘅天氣下，想笑都難，但喺鏡頭前面好專業地笑。」談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。
「姜神登駿」打頭陣！
這次《Strawberry Love》的派糖福利，相信令粉絲會都接受到那份甜到漏的感覺，被問到今次是期間限定，還是陸續有來，Anson Lo透露：「我哋呢個組合嚟緊都會陸續有唔同嘅表演，大家要留意下喇。」那麼之後還是專責派糖嗎？姜濤笑言：「驚大家糖尿病，甜嘅嘢，得閒食下好喇！希望我哋嘅出現，可以令大家苦悶嘅生活有一點甜啦！」
