盧海鵬80歲大壽孖演藝圈老友記慶祝

娛圈事

盧海鵬80歲大壽孖演藝圈老友記慶祝

2021年12月22日 11:38 最後更新：12:09

生日快樂！

昨日是冬至，唔少人都同家人相聚團圓，而演藝圈一班老友記，相識逾半世紀，早已成為一家人。昨日「大姐明」林建明相約盧海鵬、胡楓、姜大衛和太太李琳琳、甄珍、著名攝影師梁海平等一齊食飯慶祝冬至，她在社交網留言：「跟一班俊男美女吃冬至飯，超爽！」

點擊看圖輯

大姐明話無鬥咀，因為係鵬哥牛一，唯有忍住吓！

修哥胡楓幾時都咁精靈。

姜大衛和太太李琳琳

一班演藝圈老友記，早已成為一家人，一齊慶祝冬至。

甄珍康復現身，精神不俗。

著名攝影師梁海平（右一）

盧海鵬80歲大壽跟老友記慶祝甄珍年初做開顱手術康復現身

相中見大姐明拿着酒杯逐個影相，有網民留言問她有沒有跟《蝦仔爺地》的「矇豬眼」盧海鵬鬥咀？「大白鯊」林建明回覆：「今晚無鬥咀，因是他牛一，唯有忍住吓！」原來昨日正是鵬哥的80歲大壽，跟一班好朋友相聚慶祝當然開心笑晒口。

而今年3月傳出在香港家中跌倒腦出血，入院進行開顱手術的甄珍亦有現身。林青霞曾透露甄珍因要進行手術而需將一半頭髮剃掉，但現在見她的頭髮已經長回，以一頭清爽短髮示人，精神不俗，大姐明更留言自爆當年自己很迷甄珍！

往下看更多文章

出席「藝進同學會」聚會與鄧英敏暢談近況盧海鵬自揭一隻眼全盲

2024年01月03日 21:00 最後更新：01月04日 13:32

盧海鵬指因為長期糖尿病，導致變成青光眼，知道後已冇得醫，左眼盲了，另一隻就冇事。

現年82歲盧海鵬入行至今已經半個世紀，以搞笑及摸仿其他藝人、名人而馳名。雖然2018年曾進行「通波仔」手術，但近年仍間中參與幕前的演出。盧海鵬日前出席由無綫電視藝員訓練班畢業同學組成的「藝進同學會」聚會，並與第三期藝訓班的同班同學鄧英敏暢談近況。

盧海鵬與鄧英敏當年在《歡樂今宵》中合作無間，今次難得相聚，鄧英敏就訪問老友，並將片段分享到自己的YouTube頻道《老友鬼鬼》，片中問到對方身體近況，盧海鵬雖然已經滿頭白髮、白鬚，但仍然精靈活潑，而且中氣十足地回答話：「呢輪身體唔錯㗎，咩都冇㗎，咩事都冇㗎，問題就係以前搞到自己隻眼盲咗咋。」鄧英敏聞言即追問原因，盧海鵬說：「長期糖尿（病）啊，引起嗰隻眼變咗青光（眼），都冇辦法，後尾知道都冇得醫囉，依家冇乜嘢。」鄧英敏再問現在左眼同右眼視力還有多少，盧海鵬就直言左眼盲了，另一隻就冇事。

盧海鵬本身是糖尿病人，2018年苗僑偉與老婆戚美珍陪他睇醫生時，發現盧海鵬其中一條血管阻塞90%，其後資深傳媒人汪曼玲曾透露，當時導演杜琪峯和古天樂極力游說他做手術，於時盧海鵬於同年11月入醫院接受「通波仔」手術，當時由古天樂先墊支20萬醫療費用，其後盧海鵬再向保險索償。為了身體健康，盧海鵬近年不時與周潤發行山，他曾笑但指因自己跑得慢，對方已經沒有接他，但自己仍堅持每朝6時去跑步，自此身體也變好，有氣、有聲，連唱歌也可以。鄧英敏就提到他現時每朝都會在家附近跑步，盧海鵬說：「全靠朝朝早跑步啊。（跑步係急跑？定慢跑？）梗係慢啦，我能唔能夠急跑先？就算係急跑啊，都會死咗㗎，個心臟都負荷唔起啦。（咁你跑步跑幾耐到啊？）每日一個鐘，中間無停。」

下個月就是農曆新年，鄧英敏問有冇甚麽節目安排？盧海鵬表示：「冇咩打算，過咩節都係咁㗎啦，我屋企人全部喺加拿大，剩番我一個喺度啫，大陸嘅屋企人呢就死晒啦，父母兄弟、阿哥阿嫂都死晒。」鄧英敏即指雖然盧海鵬在香港只有一個人，但最重要是身邊有一班好友、同學陪伴。盧海鵬讚同的表示：「依家就係靠咁，你話要我去邊席我都唔去㗎啦。」鄧英敏又會否再參與幕前演出？盧海鵬說：「演出就難講啦，自己覺得可以做嘅咪做下囉。」至於還有沒有戲癮？他就表示：「有乜戲唔戲癮啫，做戲嘅嘢，你一撩到就係有戲癮㗎啦，你唔撩咪又係咁呆呆滯滯囉。唉！年紀都細啦。」