娛圈事
恭喜Lesley！
《萬千星輝頒獎典禮2021》今晚（2日）在將軍澳電視城舉行，頒完「萬千光輝演藝大獎」後，就到頒「飛躍進步女藝員」，由大熱的姜麗文奪得。
觀看相關影片按連結：https://youtu.be/U5v6uXaeu6A
姜麗文一聽到奪獎即激動落淚，她上台後表示：「真係好多謝大家，多謝樂小姐（樂易玲）叫我返嚟TVB，我每日都好開心，多謝珍姐（曾勵珍）畀我拍《愛‧回家》呢個機會，多謝曾志偉由我出道到而家都咁錫我。」並多謝梳化服工作人員的照顧。
無綫截圖
無綫截圖
無綫截圖
之後，姜麗文又多謝家人，「我係姜家第三代演員，我覺得自己好幸福，屋企有3位成功、有實力嘅演員我爸爸秦沛、姜大偉同爾冬陞，好似我爸爸咁，佢入行74年，到而家都對劇本好尊重，多謝你以身作例子，話畀我聽乜嘢係專業同演嘅嘅熱情！仲有多謝未婚夫，我好想快啲嫁畀你！」繼而激動地多謝照顧家中30多年的菲律賓姐姐，教曉她說得一口流利菲律賓語言拍劇，並即場以菲語說出一段感言。
本網記者攝
本網記者攝
姜麗文接受黎莉《勁爆樂勢力》節目訪問，宣傳全新作品《要說快樂太虛偽》
唱作女歌手姜麗文（Lesley）接受新城黎莉主持的《勁爆樂勢力》節目訪問，宣傳全新作品《要說快樂太虛偽》，Lesley透露只花了20分鐘便完成新歌的英文歌詞，然後交由填詞人Oscar翻譯為中文詞，她表示：「我寫嗰時好唔開心，一邊寫一邊喊，但點解喊就唔講喇！」
Lesley透露只花了20分鐘便完成新歌的英文歌詞
接受新城黎莉主持的《勁爆樂勢力》節目訪問
16歲開始寫歌的Lesley，創作了不少出色作品，包括《I AM WOMAN》和《爸爸放心我出嫁》，而新歌《要說快樂太虛偽》雖然只用了鋼琴伴奏，配以Lesley悅耳的歌聲及扣人心弦的歌詞，就連她自己亦被觸動到，Lesley說：「歌詞想帶出唔使強迫自己快樂，唔使迫自己成日咁有活力，有時做人，就算全世界同你講move on，做唔到就係做唔到，要接受自己。大家知我曾經患上抑鬱症，呢個係我經歷，希望呢首咁慘的歌可以治療到大家。」
16歲開始寫歌的Lesley，創作了不少出色作品
Lesley在最失落的時候，就靠寫歌抒發情緒，有時更要強忍眼淚，Lesley表示：「我錄《要說快樂太虛偽》時就要忍眼淚，一喊就錄唔到，但一完咗我就好似好放鬆咁。」Lesley又透露不開心的時候會寫日記和寫詩，很多時都會將這些文字變成歌詞，而開心時則會繪畫，她稱：「例如今日同老公去約會，我會畫兩個人同心心，但唔會畫得太仔細，寫詞就會寫得長啲，因為唔開心時靈感就會多啲。」
Lesley在最失落的時候，就靠寫歌抒發情緒，有時更要強忍眼淚
