崔建邦（Amigo）有傳與模特兒女友陳嘉莉（Kelly）分手，而更指林珊珊細女李怡疑介入二人的戀情。Kelly承認二人已經分手，但未交代具體原因。而林珊珊亦表示不會回應。
崔建邦（資料圖片）
有報道指林珊珊細女李怡涉介入Amigo與廣州模特兒女友陳嘉莉（Kelly）之間導致二人分手，更拍到Amigo於上月平安夜背住Kelly，與李怡到公園短敍後再轉戰飛鵝山，但因中途發現被記者追蹤破壞好事。
Kelly以語音短訊回應，承認二人已分手一段時間：「兩個人一齊一定有過開心的時間，既然分手亦不想同外界交代原因，始終係我哋兩個人的事，所以今日雜誌寫的亦唔想回應，唔好意思。我依家心情好平靜，只係想做好手頭上既工作，最近好感恩，有好多新的工作機會，大家都好錫我，多謝大家關心。」
陳嘉莉（資料圖片）
而有傳李怡介入二人的戀情，林珊珊亦以語音短訊回應指今次事件牽涉其家人：「內文係咪咁？男主角係咪咁？呢啲完全不回應啦，唔係我管轄範圍同明白範圍，亦唔加多意見，對個報道了解當中，大家只係識朋友。」
林珊珊與女兒
