最緊要冷靜。
ViuTV女團COLLOR日前出道，有排山倒海式的宣傳，結果引來部份MIRROR粉絲「鏡粉」不滿，在IG以「洗版式」向MIRROR經理人黃慧君（花姐）作出投訴，指公司忽略偶像，其中尤其對MIRROR官方IG小編不滿，認為小編不夠勤力；絕少update偶像的情況，其後花姐出po回應鏡粉的投訴，而IG小編亦有所行動；表現積極。昨日（17日）MIRROR4子姜濤、陳卓賢（Ian）、呂爵安（Edan）及邱士縉（Stanley），出席劇集《季前賽》記者會時，MIRROR IG小編在限時動態發文，叫鏡粉自行看FB直播及相關報道。
點擊看圖輯
MIRROR4子昨出席《季前賽》記者會，料不到引來小編及鏡粉罵戰。
MIRROR IG小編跟鏡粉隔空罵戰 花姐代為道歉補鑊：係我嘅責任
MIRROR4子昨出席《季前賽》記者會，料不到引來小編及鏡粉罵戰。
小編叫鏡粉自行留意記者會情況及報道。
但昨晚曾向花姐投訴的IG賬戶「viu_pls_do_ur_job 」公開鏡粉與MIRROR IG小編的DM互寸對話截圖，該鏡粉似不滿小編叫他們自行留意《季前賽》的記者會，斥小編：「有需要咁X嗎?」、「好掛住舊年嗰位summer intern」。小編很快便回覆，先是表示不知道「x」字點解，又謂不知道鏡粉提及的summer intern是哪一位，該鏡粉隨即提議小編參考去年的動態及如何吸引更多followers，小編即留言：「建議如果中意睇舊既（嘅）資訊，你記得cap低佢隨時回味。」再加以兩個笑笑emoji作為回應，態度的確輕佻。
小編和鏡粉開戰。
繼續互鬧
小編連珠炮發
該名鏡粉又留言謂不希望小編「做臭」偶像，怎料此一句焫着小編，令他連環炮轟：「記者會的作是對外界發佈資訊，如果你只想在這個page睇到有資訊，那我可以和公司反映一下，mirror不用出席活動，只要在ig上發佈，那應該合你心意」、「你又想知道活動資訊，又想見mirror，報導後又想我們把原原本本的報導再報導一次？這就是最合你心意？」、「你們的訴求又想見他們出活動，又想要報導，又要他們休息，但又不想他們完全消失，又要作業多時間練習排舞，我們都想跟著大家的所需去做呢。」、「只為自己既（嘅私慾，同所謂要滿足的訴求，我不見得是為了他們好，所所謂的身心健康。加油，這世界需要互相體諒。」不少鏡粉都認為小編的態度惡劣。
相信MIRROR都希望大家以和為貴。
花姐代小編道歉。
事件曝光後，花姐隨即在IG限時動態代小編向鏡粉道歉：「小編其實係好想做得更好，以後會注意多啲表達方式。雖然係咁，佢嘅回覆都係唔恰當，小編嘅錯，都係我嘅責任，我代佢同大家道歉。我哋會再做好啲歌同IG，令大家更了解MIRROR。」
花姐（左）真係好忙呀。
MIRROR IG小編跟鏡粉隔空罵戰 花姐代為道歉補鑊：係我嘅責任
四子特別遠赴泰國取景拍攝MV，更找來泰版《流星花園》Prim Chanikarn任女主角！
MIRROR將以3個小組推出歌曲，每個月為粉絲們帶來不一樣的團隊作品，率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》，四子更特別遠赴泰國取景拍攝MV，為歌曲展現完全不一樣的可愛風格。
盧瀚霆（Anson Lo）、呂爵安（Edan）、李駿傑（Jeremy）及姜濤合唱的高糖份甜蜜情歌《Strawberry Love》。
《Strawberry Love》由Serrini填詞，是一首甜蜜情歌，全首歌都濃罩著甜蜜氛圍，是MIRROR或每位成員鮮有會演繹的歌曲作品，Edan都表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」
四子特別遠赴泰國取景拍攝MV。
在公布這次組合之時，四人曾被命名為妹豬組。
今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處，姜濤道：「推出小組，人數少咗，變成發揮自己嘅長處嘅空間會更多，大家可以更加睇到我哋每個人身上嘅閃光點。」這次《Strawberry Love》，都令大家回想起過去的合作，Jeremy回憶道：「我哋4個對上一次合作已經係好多年前，嗰陣時有幻想過，如果我哋4個一齊出歌會係點呢？隔咗咁多年，終於推出《Strawberry Love》。」Edan亦十分認同，他說：「我哋喜好都幾相近，大家都受K-pop嘅影響，好耐之前已經想做一啲跳唱項目，今次終於名正言順可以official做一次，對我哋嚟講都係好大嘅意義，係好難得嘅一次合作。」Anson Lo更說：「呢次合作，令我哋有返排《全民造星》啲item時候嘅感覺。」
在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy側認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」
泰國版《流星花園》中飾演杉菜的Prim Chanikarn擔任女主角。
MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高！Edan說：「佢真係好犀利，有好多粉絲，所以都驚訝可以同佢合作到，所以好開心，但我哋四個都幾怕醜，全日拍攝都唔係好夠膽同佢講嘢，去到臨收工我先鼓起勇氣同佢講咗兩句說話。」Anson Lo亦大讚Prim道：「今次好榮幸可以同佢合作，佢喺現場真係好專業，一埋位就好快做到導演要求嘅表情同走位。」
姜濤表示要在極高溫天氣下拍攝，實在高難度！
說起泰國拍攝MV點滴，姜濤表示要在極高溫天氣下拍攝，實在高難度，他說：「泰國好熱，咁嘅天氣要保持高糖份係有難度，因為喺好炎熱嘅天氣下，想笑都難，但喺鏡頭前面好專業地笑。」談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。
「姜神登駿」打頭陣！
這次《Strawberry Love》的派糖福利，相信令粉絲會都接受到那份甜到漏的感覺，被問到今次是期間限定，還是陸續有來，Anson Lo透露：「我哋呢個組合嚟緊都會陸續有唔同嘅表演，大家要留意下喇。」那麼之後還是專責派糖嗎？姜濤笑言：「驚大家糖尿病，甜嘅嘢，得閒食下好喇！希望我哋嘅出現，可以令大家苦悶嘅生活有一點甜啦！」
