Jeremy@MIRROR獲近千Unicorn提前慶祝生日 李駿傑與粉絲近距離互動開心渡過魔法時光

近千名Unicorn為Jeremy慶祝生日！

MIRROR成員李駿傑（Jeremy）將於9月8日踏入29歲，歌迷會Jeremy Lee International Fan Club特意於9月1日假香港嘉里酒店舉行生日會《Voyage to the New Era》 - Jeremy Lee Fan Meeting 2024，近1000名Unicorns（Jeremy歌迷稱呼）出席。現場所有Unicorns齊齊穿着Club Tee，化身一片藍海為Jeremy預祝生日。

李駿傑（Jeremy）

MIRROR成員李駿傑

Jeremy將於9月8日踏入29歲

歌迷會Jeremy Lee International Fan Club特意舉行生日會

《Voyage to the New Era》 - Jeremy Lee Fan Meeting 2024

是次生日會以魔法為主題

近1000名Unicorns出席

Jeremy分享感受時哽咽

過去一年，Jeremy走訪各個城市、舞台，獲得不少演出機會，Unicorns一直緊緊陪伴追隨。是次生日會以魔法為主題，寓意Jeremy與Unicorns一同施展魔法，相聚於Unicorn Kingdom展開奇幻之旅，綻放耀眼光芒。Jeremy分享感受時哽咽：「感恩今年多了表演和跟大家見面的機會，因為大家的支持，我才可以走到今天這一步。」 更向Unicorns道出情深說話：「希望每一次見面都可以記得大家，認得每位Unicorn的樣子，因為和大家相遇是很好的緣份。」

Jeremy與Unicorns開心互動

Jeremy近距離和Unicorns大合唱《獨角獸之戀》

Jeremy希望每一次見面都可以記得大家

Jeremy認為與Unicorns相遇是很好的緣份

Unicorns齊齊穿着Club Tee化身一片藍海

FC特意送上代表Jeremy的公仔「駿駿」造型生日蛋糕

Jeremy向Unicorns道出情深說話

FC選址旺角MOKO新世紀廣場舉行「Voyage To The New Era 」生日展覽

生日會中，Jeremy與Unicorns開心互動，玩遊戲之餘更一起打機，更近距離和Unicorns大合唱《獨角獸之戀》。FC特意送上代表Jeremy的公仔「駿駿」造型生日蛋糕，魔法元素旗幟和禮物籃，令壽星仔相當興奮。Jeremy亦向Unicorns逐一派發「魔法卡牌」，近距離回應大家的生日祝福。生日會尾聲時，Unicorns準備了即日拍攝的短片支持Jeremy，向Jeremy表示「繼續相信，繼續陪伴，為你護航，成就最耀眼的光芒」，場面溫馨感人。除生日會外，FC亦選址旺角MOKO新世紀廣場舉行「Voyage To The New Era 」生日展覽，會於9月4日至9月16日開放，毋須預約，歡迎公眾參觀。展覽以6個魔法元素劃分區域，以呼應Jeremy今年踏足的每個國度，及開拓的不同領域。場地設計首次挑戰精緻魔幻風，以Jeremy各首歌曲為靈感，融入每個魔法元素，令展覽更具心思及玩味。

四子特別遠赴泰國取景拍攝MV，更找來泰版《流星花園》Prim Chanikarn任女主角！

MIRROR將以3個小組推出歌曲，每個月為粉絲們帶來不一樣的團隊作品，率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》，四子更特別遠赴泰國取景拍攝MV，為歌曲展現完全不一樣的可愛風格。

盧瀚霆（Anson Lo）、呂爵安（Edan）、李駿傑（Jeremy）及姜濤合唱的高糖份甜蜜情歌《Strawberry Love》。

《Strawberry Love》由Serrini填詞，是一首甜蜜情歌，全首歌都濃罩著甜蜜氛圍，是MIRROR或每位成員鮮有會演繹的歌曲作品，Edan都表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」

四子特別遠赴泰國取景拍攝MV。

在公布這次組合之時，四人曾被命名為妹豬組。

今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處，姜濤道：「推出小組，人數少咗，變成發揮自己嘅長處嘅空間會更多，大家可以更加睇到我哋每個人身上嘅閃光點。」這次《Strawberry Love》，都令大家回想起過去的合作，Jeremy回憶道：「我哋4個對上一次合作已經係好多年前，嗰陣時有幻想過，如果我哋4個一齊出歌會係點呢？隔咗咁多年，終於推出《Strawberry Love》。」Edan亦十分認同，他說：「我哋喜好都幾相近，大家都受K-pop嘅影響，好耐之前已經想做一啲跳唱項目，今次終於名正言順可以official做一次，對我哋嚟講都係好大嘅意義，係好難得嘅一次合作。」Anson Lo更說：「呢次合作，令我哋有返排《全民造星》啲item時候嘅感覺。」

在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy側認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」

泰國版《流星花園》中飾演杉菜的Prim Chanikarn擔任女主角。

MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高！Edan說：「佢真係好犀利，有好多粉絲，所以都驚訝可以同佢合作到，所以好開心，但我哋四個都幾怕醜，全日拍攝都唔係好夠膽同佢講嘢，去到臨收工我先鼓起勇氣同佢講咗兩句說話。」Anson Lo亦大讚Prim道：「今次好榮幸可以同佢合作，佢喺現場真係好專業，一埋位就好快做到導演要求嘅表情同走位。」

姜濤表示要在極高溫天氣下拍攝，實在高難度！

說起泰國拍攝MV點滴，姜濤表示要在極高溫天氣下拍攝，實在高難度，他說：「泰國好熱，咁嘅天氣要保持高糖份係有難度，因為喺好炎熱嘅天氣下，想笑都難，但喺鏡頭前面好專業地笑。」談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。

「姜神登駿」打頭陣！

這次《Strawberry Love》的派糖福利，相信令粉絲會都接受到那份甜到漏的感覺，被問到今次是期間限定，還是陸續有來，Anson Lo透露：「我哋呢個組合嚟緊都會陸續有唔同嘅表演，大家要留意下喇。」那麼之後還是專責派糖嗎？姜濤笑言：「驚大家糖尿病，甜嘅嘢，得閒食下好喇！希望我哋嘅出現，可以令大家苦悶嘅生活有一點甜啦！」