勁虐心 VS 勁Sweet
《飛虎3壯志英雄》昨晚（14日）播出第 16 集，劇情以感情線為主。小魚余曉欣（蔡思貝飾）做完腦部手術6個月後終於醒來，高子樂（吳卓羲飾）即時趕到醫院見她；回復記憶的小魚感激高 子樂對她不離不棄，並終對高子樂敞開心扉。
點擊看圖輯
小魚昏迷半年後醒番。
仲回復番記憶添。
小魚終於肯同阿樂敞開心屝。
小魚被阿樂嘅誠意打動。
一吻定情，真係好感人!
可惜小魚之後突然惡化，最終不治...
阿樂崩潰痛哭，睇到人心痛。
吳卓羲多場喊戲，大晒演技。
另一邊廂，阿軒同家寶感情大躍進。
黃宗澤孭住陳瀅通街走，Sweet到暈。
陳瀅大晒反差萌，好可愛呀!
網友話黃宗澤同陳瀅呢一對，愈睇愈合襯。
陳瀅呢個怕醜樣，喺劇中好少會見到。
小魚昏迷半年後醒番。
仲回復番記憶添。
原來小魚因父母離異關係對愛情欠缺信心，所以一直將子樂拒諸門外，但最終仍難敵子樂滿滿的誠意，小魚對子樂坦言：「直到你出現，咬住我唔放，對我死纏爛打，一直以嚟我話你唔成熟係真嘅，但我都有用呢樣 做擋箭牌。」子樂聞言則捉着小魚的手真情告白：「其實我第一次見你已經認定係你，我應承過自己以後都會照顧你。我高子樂可以發誓，我會一生一世去照顧你，呢個係我對你嘅承諾，講到做到。」
小魚終於肯同阿樂敞開心屝。
小魚被阿樂嘅誠意打動。
最終兩人一吻定情，場面感人，網友亦大為感動兼留言：「小魚終於接受咗子樂，好感人呀」、「呢一吻來得太遲」、「吳卓羲好癡情，有幾多男人做到吖？」可惜好景不常，今晚（15日）播出的第17集，小魚因腦出血要做緊急手術，最終搶救不治，未能趕及見 最愛最後一面的子樂遂抱着小魚痛哭；今次吳卓羲搣甩衝動本色，鐵漢柔情都有落淚時，吳卓羲多場爆喊戲均演繹得非常虐心，值得期待。
一吻定情，真係好感人!
可惜小魚之後突然惡化，最終不治...
阿樂崩潰痛哭，睇到人心痛。
吳卓羲多場喊戲，大晒演技。
另一邊廂，張嘉軒（黃宗澤飾）與何家寶（陳瀅飾）感情則大躍進。事緣嘉軒、家寶跟蹤金智海（羅孝勇飾），過程中家寶被弄傷雙眼，期間嘉軒悉心照料家寶，兩人關係因而逐漸拉近、暗生情愫。
另一邊廂，阿軒同家寶感情大躍進。
黃宗澤與陳瀅劇中的親密互動更成為亮點，其中一幕黃宗澤背着陳瀅通街走的場口，及帶陳瀅看跌打時借手臂給她咬着忍痛的一幕，二人均演繹得甚為甜蜜，甚有CP感；網民亦大讚二人合襯：「陳瀅好可愛」、「Sweet 到糖尿」、「愈睇愈襯」、「黃宗澤、陳瀅呢一對好睇順眼、最合襯，令人睇得好投入。」而在劇中一直表現硬朗的陳瀅，突如其來的小鳥依人Mode亦甚為入屋，更獲大讚有「反差萌」。
黃宗澤孭住陳瀅通街走，Sweet到暈。
陳瀅大晒反差萌，好可愛呀!
網友話黃宗澤同陳瀅呢一對，愈睇愈合襯。
陳瀅呢個怕醜樣，喺劇中好少會見到。
