雙喜臨門！
馮允謙（Jay Fung）昨晚在《CHILL CLUB推介榜 年度推介21/22》獲得「年度唱作歌手」銀獎，而他於7月2至4日在九展StarHall舉行的首次個人演唱會，「馮允謙Have a JAY Time 2022 演唱會」，於今（25日）早10時透過銀行信用卡優先訂票，已火速售罄。
Jay昨晚在CHILL CLUB頒獎禮上得唱作歌手銀獎。
Jay好開心好興奮，他說：「今朝收到一個好好嘅消息，就係我嚟緊嘅個人演唱會，所有優先預售門票賣晒！我好開心，好開心，多謝大家。我等咗十年終於可以開個人演唱會，而知道好多人想嚟睇，我覺得好感恩。買唔到飛嘅朋友唔好灰心，遲啲仲有公開發售。希望之後限聚人數放寬或者加場，咁就可以多啲朋友入場睇我唱歌，不過呢啲都只係我嘅夢想啦！」
馮允謙處男Show優先訂票售罄，奪Chill Club唱作歌手銀獎雙喜臨門。
昨晚得獎後，Jay表示好感恩：「我非常感恩，雖然我付出好多努力，寫咗好多歌，但公司團隊和其他合作單位都好努力，所以我想用呢個獎報答佢哋。嚟緊唔可以停，7月2至4日我會舉行首個個人演唱會，我有好多歌要寫，唔可以停 ，要繼續衝。（剛才鄭欣宜公開向你追歌？）係，其實我寫咗，但覺得未完美，Joyce值得擁有最完美，所以我要再調整到最滿意先至畀佢聽，好快，我會努力！」
恭喜晒。
Jay好多謝歌迷的支持！
「唱作王子」馮允謙（Jay）昨日（12月29日）在將軍澳MCP新都城中心舉行個人大碟「EMO」簽唱會，演唱碟內作品《無理取樂》和《會再見的》，千人圍觀，約500歌迷排長龍，大合照時更一齊高呼「Jay Fung I Love You」，非常熱鬧。
Jay昨日舉行個人大碟「EMO」簽唱會。
千人圍觀！
與粉絲大合照！
簽唱會下午3時開始，唱歌表演後，3時45分開始簽名環節。Jay除了簽名和寫感謝詞，還逐一跟他們說說話，大約晚上8時半才圓滿結束，期間排隊的歌迷大合唱打氣，而Jay笑言太投入為大家簽名而忘記去洗手間。
簽唱會足足簽了5個半小時。
Jay除了簽名和寫感謝詞。
又逐一跟歌迷說話。
Jay笑言太投入為大家簽名而忘記去洗手間。
簽唱會順利完成後，Jay說：「近年因為工作來去匆匆，無機會停下腳步同歌迷傾吓偈，今日可以逐個聽吓佢哋對我啲歌和唱片嘅感受，有啲歌迷同我講，我嘅音樂點樣影響佢哋、陪伴佢哋、帶畀佢哋正能量，對我嚟講好有意義。因為我每次寫歌做音樂就係希望令人有感受，聽到佢哋嘅故事，知道我可以幫到佢哋，真係好感恩，好多謝大家。」他又稱：「好感動，有歌迷為咗嚟今日簽唱會，原本去外國旅行都改行程，或者專登留喺香港。仲有啲歌迷嘅男朋友或老公陪另一半嚟支持我，等咗幾個鐘，好有愛，我要向佢哋好好學習。」
Jay感恩自己的歌曲能影響到歌迷。
不少歌迷花心思打扮，又製作禮物送Jay，有歌迷更抱埋BB排隊簽名。其中一位媽媽級歌迷對Jay說：「你去年第一次紅館演唱會喺台上打鼓，佢（指BB）喺我個肚裏踢我，今年你開第2次紅館演唱會，佢出咗世啦，所以帶佢嚟見你！」亦有不少歌迷預祝他元旦日叱咤頒獎禮上有好成績，為他打氣。
有媽級歌迷更抱埋BB排隊簽名。
明天除夕，Jay回望2024年十分感恩，「今年好充實，完成咗好多願望，工作上做咗好多演出，而且終於出到自己嘅大碟，又可以搞簽唱會同大家見面，而歌迷願意咁樣排隊等我，逐個逐個傾偈，對我好大鼓勵，我真係好開心、好感恩。」2025年將至，Jay承諾繼續衝，繼續寫更多作品回饋歌迷支持，他希望放假去一個從未到過的地方旅行，刺激創作靈感。
Jay承諾2025年繼續衝，繼續寫更多作品回饋歌迷支持。
此外，Jay宣布好消息：「電影《得寵先生》 票房已衝破350萬港元，多謝大家支持，係好大嘅鼓勵，有好多朋友話已經睇咗唔只一次。而且電影將於一月喺英國上映，到時喺外地嘅朋友都可以去睇我第一部電影啦！」
Jay還宣布好自己首次參演的電影《得寵先生》於一月在英國上映。
