樂基兒否認新戀情馮允謙與Fans鬥快買新唱片

娛圈事

樂基兒否認新戀情馮允謙與Fans鬥快買新唱片

2024年12月13日 19:00 最後更新：12月14日 00:32

樂基兒：「佢係我經理人，因為太耐冇喺香港工作，大家唔記得我身邊同事啲樣。」

馮允謙、雲浩影、樂基兒、陳穎欣、衛詩日前出席護膚品LA MER聖誕活動，Jay Fung、Cloud及Jill更為活動獻唱，將節日氣氛推至高峰！

點擊看圖輯

Jay Fung提到今年頒獎禮有機會「大滿貫」，他笑言獎項「唔好諗太多」，但對自己作品滿意！

樂基兒出否認有新戀情。

樂基兒配合愛兒假期返港渡假，與家人歡度聖誕！

Jay Fung想收護膚品做聖誕禮物。

Cloud專注工作無時間諗「戀情」。

Jay Fung提到今年頒獎禮有機會「大滿貫」，他笑言獎項「唔好諗太多」，但對自己作品滿意！

陳穎欣

衛詩

久未香港露面嘅樂基兒表示，配合愛兒假期返港渡假，與家人歡度聖誕：「仔仔嘅禮物已經準備好，因為佢有佢嘅wish list，我就最想平安、健康，呢個係最好嘅聖誕禮物。」早前有報導指與「肌肉男」同行，更指對方為基兒「新歡」：「佢係我經理人，因為太耐冇喺香港工作，大家唔記得我身邊同事啲樣。（想有另一半？）依家小朋友仲細個，同埋做野都好忙，焦點未到呢個階段。」

樂基兒一提到愛兒笑得甜思思，仲話媽媽早前越洋探孫睇表演：「佢好耐冇嚟探我哋，所以真係好開心！（仔仔有表演天份？比佢入行？）有冇表演天份就未知，因為佢仲細個，仲未識怕醜，但入唔入行就由佢自由發揮，我只想佢做個好人就得啦。」

馮允謙、雲浩影呢日孖住出席活動，二人賣口乖大讚產品好用，Jay Fung仲話想收護膚品做聖誕禮物：「舊時我會借咗媽咪啲護膚品用，但依家佢知我去活動，佢會問我有冇贈品，不過如果冇都會買比佢。今日我剛剛出咗唱片，真係好開心！嚟活動之前我都去咗唱片鋪，自己買咗幾隻，嚟到見到啲Fans已經買咗，真係多謝大家支持！」提到今年頒獎禮有機會「大滿貫」，他笑言獎項「唔好諗太多」，但對自己作品滿意。

而Cloud就話依家專注工作，無時間諗「戀情」：「今年冇『佳人有約』，就係約咗啲同事開Party，其實最想同工作約會！（有冇人寫深情聖誕卡比你？）我諗我啲Fans會寫比我。」

同場嘅陳穎欣早前與家人去澳洲旅行，笑言「見動物多過見人」，出席活動感緊張：「可以同屋企人一齊真係好舒服，以前因為工作錯失好多時光。今次旅行食多咗，所以肥咗啲啲，但一返香港就『腸胃炎』病足幾日，即時瘦翻晒！」提到早前Kayan9896 離開「試當真」，Yanny為對方發展送祝福：「每個人發展，去到不同時刻都有唔同方向，我都很替她開心，見到佢做音樂都做得好好，希望她搵到自己喜愛嘅事發展。（到你做一姐？）我地呢啲網台都有呢啲野咩？我地係男權至上嘅台，我時刻都為女仔爭取一啲位置。」Yanny生日在即，佢就話每年都唔「大搞」Party，仲話想食雞煲慶祝。

衛詩為活動獻唱聖誕歌曲，她表示現自組公司發展，或與家姐再合作：「同家姐都有傾過，依家物色工作人員，好快會再有新歌。我同家姐由細到大都會share所有野，包括衫、褲、鞋、襪都會！（佢啲衫你啱著？）哈哈！我係好鍾意佢啲衫㗎。」

往下看更多文章

馮允謙衝出香港首赴澳門開騷大派寵粉福利人人有份

「唱作王子」馮允謙（Jay）宣布好消息，去年他的第二次紅館個人演唱會「the SOUNDTRACK of my LIFE」，將於5月31日在澳門倫敦人綜藝館舉行。第一次將個人演唱會帶到澳門，Jay非常興奮和期待，希望每位入場的觀眾都滿載而歸！此外，寵粉的Jay今次更大派福利，粉絲有機會近距離參與「J sound check 體驗」，以及獲得「J小卡」、「J紀念Poster」。

Jay表示：「大家都知道我好愛錫fans，所以今次要求公司做啲特別嘢畀fans福利，其中有一樣連我自己都好喜歡，就可以sound check入嚟睇我唱歌！」Jay又說：「去年開完第二次紅館演唱會之後，好大嘅滿足感，有啲唔夠喉，好想再開多幾場，把聲仲可以唱多幾場，一直都好期待將呢個演唱會帶去其他地方，終於今次可以衝出香港去澳門開騷，所以我好感恩、好興奮，夢想成真！」

Jay出道14年，努力不懈，終於2022年在九展舉行個唱，觀眾反應熱烈，翌年三月首次紅館開騷，一年後再踏紅館舉行一連三場，以音樂人生比喻電影配樂為主題的「the SOUNDTRACK of my LIFE馮允謙演唱會2024」，口碑載道。今年5月，Jay首次衝出香港在澳門開騷，歌單更會加入新專輯《EMO》內歌曲，以及剛派台全新作品《然之後》。

Jay又指：「如果去年嚟唔到睇我嘅紅館個唱，或者睇完覺得好睇，想再睇，都歡迎嚟同我一齊唱、一齊玩，最緊要開開心心，今次我都係抱住去享受、去玩，好好喺自己舞台發揮！」為帶給觀眾聽覺和視覺享受，Jay亦透露正積極做GYM，希望以最佳狀態踏上舞台。言而澳門的葡撻和美食，亦令他非常期待。「我超級鍾意食嘢，經常同家人去澳門食嘢，每次都可以好放鬆，盡情旅遊，好多開心回憶！」Jay還興奮表示媽咪答應從加拿大飛來澳門捧場，令他非常開心。

Jay希望入場的觀眾可以將那兩個多小時全交給他，感受他的音樂，「我真係好期待，因為今次演唱會對於我同埋我嘅fans係好特別嘅moment（時光），我能夠第一次衝出香港舉行個人演唱會，真係非常之難得，我好感恩，所以我好希望可以同fans一齊經歷呢個special moment 。」他亦會好好享受舞台，忠於自己、做自己，將精彩的表演帶給觀眾。作為唱作歌手，Jay經常提及「初心」，他認為每次開始新的創作項目都要像從零開始，保持「玩」的心態及好奇心，才可以發現更多可能性，有新的突破。

演唱會詳情 《the SOUNDTRACK of my LIFE 馮允謙演唱會澳門站》 

日期：2025年5月31日
時間：8PM
地點：倫敦人綜藝館
票價：HKD/MOP $1188／$788／$588
主辦機構：寰亞娛樂／東亞娛樂 合辦機構：樂騰演藝

優先訂購門票將會於4月10日上午10時起於HotdogTIX網站／App開售。

公開發售門票將會於4月14日中午12時起於金光票務及大麥網公開發售，粉絲們記得較定鬧鐘準時搶飛！

粉絲福利詳情：

• 購買港幣/澳門幣 $1,188門票的觀眾可參與「J sound check 體驗」、獲得「J 小卡」及「J紀念Poster」乙張；
• 購買港幣/澳門幣 $788門票的觀眾可獲得「J 小卡」及「J紀念Poster」乙張 • 購買港幣/澳門幣 $588門票的觀眾可獲得「J紀念Poster」乙張  

優先購票福利詳情：首30位於優先購票平台HotdogTIX訂票的購票者（按完成訂單交易的先後）可獲贈Jay Fung即影即有乙張。有關福利活動流程，請留意寰亞音樂官方平台容後公布的最新消息。