周國賢做嘉賓即場為張敬軒「開鮑」 孖RB Encore全場合唱《CIAO》

軒仔笑言同Endy嘅友誼就像鮑魚，歷久常新真空包裝！

張敬軒《THE NEXT 20演唱會》昨晚（28日）來到第15場，這晚邀請到有20年交情的好友周國賢擔任嘉賓，他於台上表示由廣州來港發展初期居於紅磡，當時藍奕邦經常到他家中夾歌，另一位經常到他家作客的就是周國賢。

張敬軒邀請有20年交情的好友周國賢擔任嘉賓。

周國賢一出場就引起全場尖叫歡呼，上台後與軒仔合唱《目黑》，歡呼聲大到軒仔都忍不住說：「大聲到完全聽唔到音樂呀！」到送禮環節，周國賢拎出一個大桶，上面的畫都是由他親手畫，原來裡面裝滿罐頭鮑魚，「因為本身我家族係做海味嘅，呢個係我屋企嘅鑽石牌鮑魚。」不過這個巨大化包裝只有軒仔有，周國賢表示：「因為我怕咁多人睇唔到。識唔識開？我幫你『開鮑』。」引得全場大笑。軒仔都笑言：「呢個植入廣告真係好抵呀，好浪漫，多謝你。我哋友誼就像鮑魚，歷久常新真空包裝！」繼而交個台給周國賢唱《14天》。此外周國賢又多謝軒仔，4年前一夕話，讓他開竅，「張敬軒先生令我學識『愈係難愈要縱容簡單面對』，好大得著。」

周國賢拎出一大桶鮑魚，仲話要幫軒仔「開鮑」。

周國賢在軒仔來港發展初期，經常到軒仔家中夾歌。

Encore部份，軒仔請來RubberBand做嘉賓合唱《未來見》，同樣一出場就掌聲如雷，主唱繆浩昌（6號）代表RubberBand送上他們2014年製作的一張EP送給軒仔，「呢張係寰亞年代我哋做嘅《Frank - EP》，我諗你都記得，我哋喺廣州（錄音），佢好好咁邀請我哋上廣州錄呢隻碟。呢個係我哋RubberBand一個小小嘅夢想，離開自己嘅城市，去到廣州錄音，好快樂，好多謝你當時好慷慨咁Support我哋所有嘢。」

軒仔與RB合唱《未來見》。

RB與全場觀眾大合唱《Ciao》。

當軒仔表示他本身也有收藏這張EP，6號即跪地向對方表示謝意，更表示仲有個「福袋」在後台，待會再送給軒仔。6號又十分感謝軒仔照顧同輩和後輩，及後再演唱《Ciao》令觀眾非常陶醉，更全場大合唱。最後軒仔還Encore了5次，唱到12點半才散場。

6號多謝軒仔對同輩及後輩的照顧。

著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。

李居明大師稱屬狗與屬猴人士，在蛇年當中運勢最旺。（本網記者攝）

李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」

同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」

（本網記者攝）

屬猴藝人：張敬軒

屬狗藝人：姚焯菲（Chantel）

李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」

他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」

要小心腳傷。

李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」

增加了轉工、搬屋同旅遊的機會。