中年男地鐵車廂內疑偷拍女生裙底 目擊者連登發文惹議

女士們留意。有網民聲稱今日乘搭港鐵時，遇到一名中年男子在車廂內單手垂下，狀甚古怪，及後他更將手機伸向在旁一名穿短裙女子的裙底，懷疑正偷拍裙底。大批網民直斥該男子行為狂猖，認為樓主當時應大聲呼叫，讓在旁的乘客上前協助，另外亦應及時報警，讓疑犯繩之於法。

中年男車廂內疑偷拍女生裙底， 港女連登發文惹議。

有女網民在連登討論區發文，指今日傍晚放工時間乘搭荃灣綫，當時列車由金鐘開往荔枝角，期間見到一名中年男子單手垂下，手持的手機螢幕長着，並靠近她的裙底，「本身無留意，但見佢個mon勁光咁長着住，又擺近我裙底，我見到就即刻用個袋遮住，然後佢扮無嘢又搵下個目標…個mon咁樣着住，我自己覺得唔尋常啦」。

荃灣綫。網圖

樓主憶述，該名中年男子會裝作玩電話「睇下其他app」，未見他打開電話中的相簿翻查相片及片段，之後他靠近另一名女乘客身旁有所動作，「之後我坐低咗，然後見到佢行埋去第2個短褲女仔隔離，做返差唔多嘅嘢。我只係敢退開一邊觀察佢，第一次遇到呢啲事，後悔自己無大大聲X出口，而家成個人心情都唔好，下次見到我一定會大大聲問佢做緊咩」。

有網民反問樓主有否即場上前提醒該名懷疑被偷拍的女子，但樓主指自己當時很害怕「驚到震晒」，所以不懂作出反應，而且當時該男子並非用相機app進行拍攝，未知他是否用偷拍app，所以不敢大聲指責他偷拍，其後回家稍作休息仍未能平伏心情，於是在網上發文，希望大家能夠有所警惕，「希望大家附近返工再見到嘅可以喝停佢，亦希望女仔喺地鐵自己都小心啲」。

資料圖片

大批網民直斥該男子行為狂猖，認為樓主當時應大聲呼叫，讓在旁的乘客上前協助，另外亦應該及時報警，讓疑犯繩之於法，「好心就報警捉佢啦，呢個堅似偷拍，白光光到打燈拍攝咁，根本就唔正常」、「鏡頭明顯面對緊裙底」、「下次遇到記得報警」、「偷拍已經癲，被發現仲夠膽即場改其他目標更癲」。

不過，亦有人認為樓主並無就事件報警，之後放上討論區「公審」，有欠公允，「你話你懷疑，但你擺上連登係人格謀殺緊佢」、「如果佢冇偷拍咁就被人笑一世，而你就連sorry都唔使講一聲」、「你自己都唔肯定人哋係咪偷拍，然後放哂人哋個樣，個阿叔真係慘」、「如果係誤會真係可大可少」。

來源: 連登討論區

中年男車廂內疑偷拍女生裙底， 港女連登發文惹議。

不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！

影片截圖

醒返時車內空無一人車門被鎖

有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。

港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。

影片截圖

網友同情：睇嚟你真係好眼瞓

不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。

影片截圖

有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。