社會事
人稱「球王」的七旬老翁黃振榮自2014年起，每天風雨不改扭氣球送給小朋友，他近日在將軍澳再被街坊「捕獲」！有網民在社交媒體Facebook群組「將軍澳主場」上載圖片，指「球王」在將軍澳景林邨出現，相片他戴著彩色頭巾，戴著口罩穿著卡通「小飛象」上衣，手持多個扭成卡通公仔模樣的氣球。
資料圖片
人稱「球王」的七旬老翁黃振榮。「將軍澳主場」FB圖片
帖文一出，立即勾起不少街坊的回憶，紛紛表示「已經好多年啦，有愛心，冇收錢㗎」、「伯伯好好人㗎」、「上次扭咗個米奇俾我個囡」、「好幾年了，仲堅持緊，真係好有愛」、「好耐冇見到佢了，以前細路都有拎過佢汽球。感激佢畀我哋美好嘅回憶！」
設計圖片
「球王」多年前已不時出現在將軍澳一帶公園，免費扭氣球送給小朋友，氣球造型變化多端，包括米奇、蝴蝶及太陽花等，他每次一出現，小朋友便會大排長龍，但並不會收費。
資料圖片
資料來源：「將軍澳主場」FB
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
