新冠疫情下，不少市民的衞生意識有所提高，並時刻保持個人清潔以防染疫，惟日前有將軍澳居民發現，一名作OL打扮的女子乘搭港鐵時，竟用濕紙巾清潔座椅後未有丟掉，反而遺棄在座椅一旁，落車時更未有帶走，直斥欠缺公德心。
樓主指涉事女子用濕紙巾抹完座位後便掉在一旁，下車時亦沒有拿走。fb「將軍澳主場」圖片
一名將軍澳街坊在facebook「將軍澳主場」發文，指近日早上9時半乘搭港鐵時，發現一名作OL打扮的女子在坑口站上車，其後用濕紙巾清潔座位，「然後坐到去寶琳，由寶琳坐到去北角，張濕紙巾就掉喺張凳嘅隔離，但落車就永遠都唔會拎返張濕紙巾，掉落垃圾桶」。
網上圖片
數日後，樓主再遇上該名OL，發現她再做出同樣的自私行為，於是好言相勸，「在北角地鐵車廂中已經即時叫佢：『miss，你留低張紙巾』，佢唔理我出車廂」。樓主隨即追出車廂並「再搵手拍下佢手臂話你留低紙巾」，惟對方竟怒視他，「佢啤下我，之後拎支嘢出嚟噴手臂消毒，然後便走了」。樓主對事件感到無奈，只能告知站內職員，惟對方表示「無能為力，只可以叫清潔姐姐勤啲清潔」。
網上圖片
樓主其後在網上發文並貼出照片，希望其他乘客留意到相關情況時也能作出提醒。不少網民看畢帖文後，均直斥涉事女子行為缺德兼自私，「下次同佢講：你唔記得放低$1500」、「乾淨自已 污蔑人哋」、「如果係我會等佢行左兩、三步先大大聲叫住佢話：『你跌咗個公德心呀！靚女。』」、「自私精」。
來源：facebook「將軍澳主場」
OL搭港鐵濕紙巾抹凳亂掉， 遭乘客提醒竟怒啤閃人。
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
