林寶玉《被消失的凶案》慘被何華超施暴 拍戲堅守三點不露

任由何華超伸脷舔勻全面再舔嘴邊，然後嚟個濕吻

「亞視一姐」薛影儀經理人林寶玉（Connie）被網民大讚索過阿儀好多，一直有做幕前的她有份參與新片《被消失的凶案》，雖然戲份唔多，但就相當搶戲。32歲嘅Connie扮演清純學生妹，慘遭無惡不作嘅何華超撞暈後施暴，施暴場口仲相當大膽。首次在幕前「激戰」，Connie堅定表示，「只要全情投入就會零包袱。」

因為Connie有樣又夠搏，愈嚟愈多幕前Job。

片中何華超興奮伸脷對住Connie，拍前要調節心情。

片中林寶玉遭何華超撼頭埋牆，撞暈後慘被霸王硬上弓，零反應的Connie攤喺床墊上，任由何華超伸脷舔勻全面再舔嘴邊，然後嚟個濕吻，最後加入連串粗暴肢體動作。Connie睇返首映先發現原來呢場戲，拍出嚟嘅效果係咁大膽。

戲中冇晒反應嘅Connie慘被何華超蹂躪。

Connie大讚超哥係好有禮貌嘅君子，合作愉快。

讚超哥係君子

處女下海面對施暴戲，Connie坦言初時都有啲擔心，所以拍前都要調節自己，要拋開經理人包袱，全情去投入嗰個環境。她大讚超哥係好有禮貌嘅君子，所以釋除晒疑慮：「拍攝前，超哥先同我講點樣做、會有乜動作，每個步驟都同我溝通好晒，為咗做到更加猥瑣，仲臨時要求加插伸脷舔面動作，因為拍得太過投入，加上跟拍檔有互信，我都唔記得晒當時拍咗啲乜。哈！當時撞到個頭仲好痛，我真係有啲迷迷哋。」

電影《我的筍盤男友》中Connie演情婦，「中門大開」好進取。

Connie（左）拋開經理人包袱，投入拍戲。

堅守三點不露

問到拍埋身「動作戲」可會尷尬？Connie好Pro咁話：「鏡頭前拍到我全祼啫，其實我有着肉色內褲及用Nu Bra 打底，超哥亦有嘢保護住前面！我哋仲隔住一塊棉墊郁動，基本上大家冇乜感覺，咪係做緊戲囉。」她認為，演戲難免有親熱戲，合情合理絕對可以接受，唔會有避忌，只會堅守三點不露。被姦戲拍咗兩日，但只係出得短短兩分鐘，Connie一啲都唔介意，仲話願意為藝術而犧牲：「我真心鍾意演戲，會珍惜每個機會，就算演醜角、情婦、花瓶、甚至喺《金宵大廈2》蒙眼被打嘅『大茄』，然後只得一千蚊演員費都冇乜所謂，每次有得發揮我都想試，因為每個都係機會，所以每次會搏到盡，希望畀觀眾睇到我對演戲嘅誠意，而唔係花瓶。」

《愛．回家之開心速遞》中跟麥秋成拍過咀戲。

Connie覺得做醜角好有發揮。

林寶玉瞓身拍撞到頭痛：珍惜每個機會 被何華超舔面濕吻施暴

經過一輪精彩比賽，賽果由12歲Faye(潘祉晴)以出色表現大熱嬴得「全場總冠軍」、18歲的性感Hannah則奪「最佳髮型大獎」

「徐濤專業模特兒學校」主辦《國際超級模特兒大賽2024》已於7日 假尖沙咀唯港薈酒店圓滿舉行，進入昨日總決賽的參賽模特兒共有61位之多，比賽分為兒童組、青年組及成人組，參賽年齡由兒童組的2歲至成人組38歲，賽項分別為：才藝表演、晚裝catwalk、成人組泳裝，各位參賽者水準相當高。

而評判團全屬重量級人馬，包括：國際名模教母徐濤老師、模二代高靖小姐、國際美容健康總聯合會創會會長彭玉玲博士、國際教育認證聯盟執行主席李禮廷先生、貝安琪小姐、林寶玉小姐、星級導師Melinda、Nelson Poon及國際級模特兒Jeff、Ronn、Liza、Tanyar。

（左起）高靖、馬來西亞星級導師Melinda、徐濤、林寶玉、貝安琪

經過一輪精彩比賽，賽果由12歲Faye(潘祉晴)以出色表現大熱嬴得「全場總冠軍」、18歲的性感Hannah則奪「最佳髮型大獎」；成人組則由17歲Deniz奪得冠軍、26歲Rita亞軍、20歲Erika連捧兩個獎季軍及「最佳身材大獎」；青少年組由11歲Abby Tai冠軍、而15歲Oscar及10歲Jya Chyen 成為雙亞軍、9歲Puccini及11歲vivi jade也成雙季軍；兒童組則由只得4歲Onyx 張芷維以超cute台風成為冠軍、4歲半的可愛Lyvia奪亞軍、8歲Gemma及6歲Quinton何鈞皓成為雙季軍。

兒童組冠軍 Onyx 張芷維

青少年組季軍vivi jade

成人組冠軍 Deniz

成人組季軍Erika 劉芷而

成人組季軍最佳身材大獎Erika劉芷而

成人組亞軍Rita 張宇萌

12 歲Faye(潘祉晴)曾參與多個品牌兒童時裝騷，榮獲多個獎項， 其中包括「2023 年第三屆香港網絡人氣兒童模特大賽」榮獲第二名，另外曾參與多個時裝騷：日本時裝節 Gucci、 廣州時裝節Dior、深圳時裝節、泰國時裝節等，為國際名模教母徐濤老師得意門生，更曾公開讚揚Faye為她的未來接班人，今次勇奪全場大獎「全場總冠軍」實至名歸！

全場總冠軍 Faye Poon

全場總冠軍 Faye Poon

徐濤老師與24歲大女兒高靖、貝安琪及林寶玉擔任評判，而12歲兒子Henry Caddick亦有份上台行Catwalk，他坦言很享受行Catwalk時被燈光照射的感覺。而今日(8日)為徐濤的正日生日，生日願望身體健康，不要再有地震為台灣祈禱，同埋：「我個仔學業進步，他在國際學校讀緊小六，科科滿分。」而女兒高靖則在美國的大型屏幕刊登生日廣告牌。

徐濤與女兒高靖、兒子Henry Caddick

徐濤與女兒高靖、兒子Henry Caddick

「國際超級模特兒大賽2024」總決賽勝出者，有機會贏取總值一百萬元獎金及獎品，包括：一萬元現金獎、巴黎來回機票、巴黎及日本時裝週演出機會、五年模特兒合約，而只要進入總決賽的參加者均可獲得免費專業模特兒攝影。

得獎名單：

「全場總冠軍」Faye潘祉晴 (12歲)

「最佳髮型大獎」Hannah (18歲)

「最佳身材大獎」Erika (20歲)

成人組：冠軍Deniz (17歲)、亞軍Rita (26歲)、季軍Erika (20歲)

青少年組：冠軍Abby Tai (11歲)、亞軍Oscar (15歲) 及Jya Chyen (10歲)、季軍Puccini (9歲) 及vivi jade (11歲)

兒童組：冠軍Onyx張芷維 (4歲)、亞軍Lyvia (4歲半)、季軍Gemma (8歲) 及Quinton何鈞皓