第一季《聲夢傳奇》畢業生「蓮姐」林君蓮（Kaitlyn），最近推出個人首支單曲《N.F.T.》，作曲作詞更由她一手包辦！
「蓮姐」林君蓮（Kaitlyn）（本網記者攝）
相關影片可以按以下畫面觀看：
點擊看圖輯
在無綫選秀比賽《聲夢傳奇》中，蓮姐愛以黑面酷樣示人，自封「黑面蓮」。
蓮姐是聲夢團隊第一位以創作歌手身份出道。（本網記者攝）
早前一班「黑面粉」集資，在大商場買屏幕Airtime播新歌MV應援，令蓮姐大呼感動！
早前在《青春本我》初次體驗做演員，有過拍劇經驗，蓮姐更期待演繹其他角色！
VIDEO
影片連結：https://youtu.be/9QWD59PUt0k
蓮姐接受本網專訪時，透露新歌靈感取材自己生活上的改變，因而產生念舊想法。她說：「呢首歌係我有日去買嘢飲時諗到嘅，因為我每個禮拜都有兩、三日去同一間舖頭，買同一樣嘅嘢飲，見到同一個職員，直到某一日嗰個職員辭職，我就覺得生活習慣改變咗，有啲奇怪嘅感覺。正正因為首歌係講啲新嘅轉變，而NFT最近亦係件好新嘅事物，所以就用嚟做歌名，代表住New funny trend。」
在無綫選秀比賽《聲夢傳奇》中，蓮姐愛以黑面酷樣示人，自封「黑面蓮」。
蓮姐最近推出個人首支單曲《N.F.T.》。
講到曲風治愈及帶點復古文青味道，蓮姐表示很感謝公司讓自己做非主流的音樂：「我以前比賽都係唱抒情歌為主，比較dark同sad啲，因為我自己嘅聲音比較磁性。不過我平日用開假聲唱歌，我都覺得幾啱一啲輕快嘅歌曲，所以好想試吓，加上我唔鍾意悶，第一首歌點樣都要同人有少少唔同嘅，唔想係大路情歌！」
蓮姐是聲夢團隊第一位以創作歌手身份出道。（本網記者攝）
她直言希望新歌有好反應，能獲得大眾的欣賞：「首歌出街之前我畀過好多人聽，行內外朋友都有，大部份人都好鍾意首歌同MV，起碼我fans好鍾意先，因為首歌同我以前嘅風格都幾唔同，但係佢哋都好鍾意呢一面嘅我，證明我嘅選擇係正確嘅。整體我都算滿意，其實可以做到我想做嘅嘢，我已經好滿足同好感恩，我冇諗過第一首派台歌係自己寫嘅歌，成件事真係好有成功感。」
MV以多個玩味十足的造型示人，一改暗黑風格。
早前一班「黑面粉」集資，在大商場買屏幕Airtime播新歌MV應援，令蓮姐大呼感動！
蓮姐指由參加節目開始，就一直想向唱作歌手之路發展，未來希望可以創作更多作品。她笑言：「要趁年輕爭取多啲唔同嘅嘢，我想有更加充足嘅青春，好想再出歌，我個腦已經有好多新構思，可能下次可以試吓唔同嘅曲風，如果有機會可以出專輯嘅話，可以有一個story，我好鍾意設計呢啲嘢。」除了音樂發展外，蓮姐亦希望可以在演戲方面發展：「因為拍《青春本我》都有一種唔夠喉嘅感覺，如果有機會嘅話，我都想試吓拍劇，我覺得自己都幾啱喜劇路線，其他劇種都好想試，只要可以觸動到觀眾，我都好鍾意。」
蓮姐希望未來可以創作更多音樂作品。
早前在《青春本我》初次體驗做演員，有過拍劇經驗，蓮姐更期待演繹其他角色！
非常期待2025嘅Anson Lo同Jeremy！
香港人氣男團MIRROR各成員在龍年都有不同的舞台演出，來到蛇年，成員盧瀚霆（Anson Lo）與李駿傑（Jeremy）將尋求突破，準備跟韓國舞后宣美（Sunmi）在2月13日及16日，於亞洲國際博覽館Arena舉行《Katch the Pop SUNMI x ANSON LO x JEREMY》音樂會，以K-POP跳爆亞博。兩人接受《巴士的報》專訪時直指希望除了今次的港韓合作外，日後MIRROR能夠直接攻韓，登上韓國各大電視台頒獎典禮上演出，即使只是上打歌節目也心滿意足！
盧瀚霆（Anson Lo）與李駿傑（Jeremy）預告蛇年分別會開個人騷。
兩人更於出道第7年首發個人專輯。
攻韓計劃指日可待！問到2025年大計，Anson Lo和Jeremy其實經已十分充實。Anson Lo率先透露：「今次我哋各自都會出專輯啦，full album同埋個人演唱會啦！我就會喺年尾舉行，不過未係跨年同聖誕節，太尾喇！聖誕節就留返大家去旅行，聖誕前就留俾我啦！」至於場地就暫未有定案，但他揚言希望能試試新場地表演！
專輯方面，Anson Lo則表示將收錄全新歌曲：「而家都仲不停錄緊音，但係album有幾多首歌嘅數目係有限，所以而家都仲諗緊有一兩首歌擺唔擺落去，啲歌嘅去留好重要呀！我哋做唔到16首full album，所以每首歌都要慎重考慮。呢個都係其中一個挑戰！但今次我哋都好好嘅，我同Jeremy都喺自己album度自身創作，參與程度好高，所以我哋背後返屋企係有好多功課要做。」
Anson Lo與Jeremy日前接受《巴士的報》專訪。
Jeremy首次出專輯 MIRROR繼續有新歌
Jeremy再度補充：「除咗呢個大計，大家都會keep住出solo歌呀！MIRROR都會出歌呀，拍戲嘅就繼續拍戲呀！今年都會keep住好忙啦，希望可以做更加好嘅作品俾大家。」
對於要在過去一年的成績單上，選一項他們最難忘的標誌性演出，兩人都認為首選是MIRROR世巡。Anson Lo表示：「我上年其實係以騷為主，做咗好多唔同嘅表演，所以比較標誌性嘅項目就應該係MIRROR巡演，我哋史上未試過做嘅嘢，可以去到咁多唔同嘅地方，而我都有好難忘嘅嘢，今年嘅西九十首歌單有八首都係跳唱歌，雖然唔係一口氣地未停過咁唱，但都係一個體能嘅挑戰！嗰晚就好開心啦！表演跳唱得得好爽之餘，台下嘅觀眾同神徒都好have a very goodnight，都係我2024最美好嘅一晚！」
Jeremy即將舉行首個售票個人演唱會。
難忘MIRROR巡迴演唱會。
Jeremy則表示：「都係Tour，同《MATCHICAL LIVE 2024》，都算係同COLLAR第一次合作，出道咁多年都無同佢哋合作交流過，今次有一次好好機會認識芯駖、Winka同Marf，喺佢哋身上都學到好多嘢，同埋都好唔捨得今次呢個騷，大家都俾咗好多心機喺呢個騷度，都聽到好多好好嘅feedback，所以我覺得係好感動嘅呢件事，都覺得其實我哋咁努力去做呢件事，大家都係睇到嘅！」
望同Marf推合唱歌。
因為今次的合作有突破，Jeremy更表示希望公司能給他跟Marf日後有出合唱歌的機會：「因為我好少同女artist咁樣合作，雖然之前都會有，但係偏純唱歌方面，但係今次係同佢嘅合作再close啲，因為我哋兩個一嚟都好鍾意K-POP，大家鍾意嘅嘢接近，所以溝通方面係好快，跟住佢喺身上面真係覺得佢跳舞真係好有型，個氛圍好好，咁我又唔想執輸，所以我又要push自己多啲，唔係想同佢競爭，但係起碼想拍得上佢，係想push自己多啲嘅感覺。」
盧瀚霆聽張繼聰意見 上山吸地氣
Anson Lo入行以來工作忙得不可開交。
希望在工作與生活之間取得平衡。
聽張繼聰意見上山吸地氣。
Anson解釋：「可能出道頭四年可能就係得工作，絕少同朋友食飯，返屋企食飯嘅次數越嚟越少，就發覺咁樣唔係好得，再加上上年去澳洲拍《MIRROR Time》，嗰陣時係壓力爆煲嘅時候，個人情緒有啲低落，可能覺得生活上需要有啲模式轉變先可以令到自己感受好啲。」
Anson Lo籲各成員粉絲蛇年團結。
（攝影：劉智源）
Anson Lo
Jeremy Lee
Anson Lo, Jeremy Lee Stylist：PIPA Creative
