余迪偉再開個人劇場騷《Fabulous Me》分享與香港共同成長以及自身經歷

娛圈事

余迪偉再開個人劇場騷《Fabulous Me》分享與香港共同成長以及自身經歷

2024年12月25日 10:00 最後更新：14:57

余迪偉希望可以將自己最私密的故事分享給大家！

入行多年的余迪偉繼2018年個人騷《一支弓》後，時隔六年再開個人劇場騷《Fabulous Me》，將於明年1月10及11日舉行，早前更宣布加開1月8和9日兩場。余迪偉在接受本網採訪時表示對於即將舉行的騷感到相當緊張，直言：「做左咁多年藝人，舞台經驗都有好多，但係我做MC嘅時候就算滾瓜爛熟都會緊張，何況呢個show係講個人！不過呢個係開心緊張。」

點擊看圖輯

務求將他擅於故事分享的創作理念，為余迪偉打做一個精彩的個人劇場騷。

Alton將會繼續用幽默又充滿智慧嘅方式，大爆自身經歷同埋所見所聞

余迪偉一人劇場《Fabulous Me》

今次開騷，余迪偉獲不少好友支持

務求將他擅於故事分享的創作理念，為余迪偉打做一個精彩的個人劇場騷。

Alton將會繼續用幽默又充滿智慧嘅方式，大爆自身經歷同埋所見所聞

希望觀眾笑過、喊過之後，帶住希望同愛離開劇場

希望可以吸取經歷講他們擺上舞台來幫助大家！

余迪偉就會將自己最私密的部分攞上舞台。

他分享會有個人劇場騷show嘅原因，全因副業做舞台劇作家的死黨朋友李強（Patrick），他向Alton提出可以一齊做舞台劇，而Alton相當感興趣就開始寫故事，但當時並不知道幾時會有搬上舞台的機會，直到2018年有投資者就問Alton有冇興趣想做棟篤笑，Alton就此機會提出可以做個人劇場，講關於自己的成長故事，這就成就了他的第一個個人騷《一支弓》。

今次Alton將會繼續用幽默又充滿智慧嘅方式，大爆自身經歷同埋所見所聞：「因為我成長故事裡面都經歷了人人會經歷的暗戀、失戀、家人離世，仲會有受欺凌或者中段我尋找個人性取向等等故事，這是每個人都可能會經歷的故事，但我用自己的方法令大家咁有共鳴！」Alton表示今次以獨腳戲形式，會有很多歌曲來串聯故事骨幹，圍繞他與家人及朋友的經歷為基礎，並由Patrick構思，講述一個自小被人叫「乸型」的怕醜仔，如何克服世俗偏見及內心的掙扎，漸漸成為一個無所畏懼的人。

因為這個騷是講述一個人嘅成長故事，Alton會通過故事演繹來借鏡，例如面對住移民潮，這是所有香港人最感同身受的地方，而他亦在這6年裡經歷了家人的離世，所以在這個騷裡他希望觀眾笑過、喊過之後，帶住希望同愛離開劇場，亦希望可以幫LGBT發聲，分享自己如何尋找到自己性取向的經歷。

之所以對創作如此熱愛，Alton表示本身做電台的他，聽過許多聽眾的電話，在這當中一直擔任「輔導者」的角色，亦希望可以吸取經歷講他們擺上舞台來幫助大家！

今次劇場騷《Fabulous Me》海報拍攝造型相當強勁，身穿長裙於花園街街頭同馬桶合照，他表示設計師聽到這個主題，就給他設計了一件雙性的服裝，Alton在拍攝時強調一定要賦予香港情懷，因此就選擇花園街拍攝。之所以會選擇同馬桶合照，係因為覺得人最私密那個moment就是在洗手間嘅時候，而余迪偉就會將自己最私密的部分攞上舞台。

credit:

眼鏡：@HEALTH CARE OPTICAL @UNSUIKYO

往下看更多文章

專訪｜親揭2025年個人大計盧瀚霆李駿傑將舉行個人騷

非常期待2025嘅Anson Lo同Jeremy！

香港人氣男團MIRROR各成員在龍年都有不同的舞台演出，來到蛇年，成員盧瀚霆（Anson Lo）與李駿傑（Jeremy）將尋求突破，準備跟韓國舞后宣美（Sunmi）在2月13日及16日，於亞洲國際博覽館Arena舉行《Katch the Pop SUNMI x ANSON LO x JEREMY》音樂會，以K-POP跳爆亞博。兩人接受《巴士的報》專訪時直指希望除了今次的港韓合作外，日後MIRROR能夠直接攻韓，登上韓國各大電視台頒獎典禮上演出，即使只是上打歌節目也心滿意足！

攻韓計劃指日可待！問到2025年大計，Anson Lo和Jeremy其實經已十分充實。Anson Lo率先透露：「今次我哋各自都會出專輯啦，full album同埋個人演唱會啦！我就會喺年尾舉行，不過未係跨年同聖誕節，太尾喇！聖誕節就留返大家去旅行，聖誕前就留俾我啦！」至於場地就暫未有定案，但他揚言希望能試試新場地表演！

專輯方面，Anson Lo則表示將收錄全新歌曲：「而家都仲不停錄緊音，但係album有幾多首歌嘅數目係有限，所以而家都仲諗緊有一兩首歌擺唔擺落去，啲歌嘅去留好重要呀！我哋做唔到16首full album，所以每首歌都要慎重考慮。呢個都係其中一個挑戰！但今次我哋都好好嘅，我同Jeremy都喺自己album度自身創作，參與程度好高，所以我哋背後返屋企係有好多功課要做。」

Jeremy首次出專輯 MIRROR繼續有新歌
近年積極擠身「上弦」的Jeremy也終於推出他的個人專輯和舉行個人演唱會。Jeremy開心表示：「今次算係自己正式賣飛嘅演唱會，對上一次係由MOOV去搞嘅一個音樂會啦，今次意義上係第一次嘅演唱會，所以自己都好緊張，好重視呢件事，都想買飛入場支持嘅觀眾都可以有好嘅反應，我都希望今次可以盡量俾到一個好嘅視覺或者好嘅音樂，成個體驗係俾到大家一個難忘嘅晚上。」

Jeremy再度補充：「除咗呢個大計，大家都會keep住出solo歌呀！MIRROR都會出歌呀，拍戲嘅就繼續拍戲呀！今年都會keep住好忙啦，希望可以做更加好嘅作品俾大家。」

對於要在過去一年的成績單上，選一項他們最難忘的標誌性演出，兩人都認為首選是MIRROR世巡。Anson Lo表示：「我上年其實係以騷為主，做咗好多唔同嘅表演，所以比較標誌性嘅項目就應該係MIRROR巡演，我哋史上未試過做嘅嘢，可以去到咁多唔同嘅地方，而我都有好難忘嘅嘢，今年嘅西九十首歌單有八首都係跳唱歌，雖然唔係一口氣地未停過咁唱，但都係一個體能嘅挑戰！嗰晚就好開心啦！表演跳唱得得好爽之餘，台下嘅觀眾同神徒都好have a very goodnight，都係我2024最美好嘅一晚！」

Jeremy則表示：「都係Tour，同《MATCHICAL LIVE 2024》，都算係同COLLAR第一次合作，出道咁多年都無同佢哋合作交流過，今次有一次好好機會認識芯駖、Winka同Marf，喺佢哋身上都學到好多嘢，同埋都好唔捨得今次呢個騷，大家都俾咗好多心機喺呢個騷度，都聽到好多好好嘅feedback，所以我覺得係好感動嘅呢件事，都覺得其實我哋咁努力去做呢件事，大家都係睇到嘅！」

因為今次的合作有突破，Jeremy更表示希望公司能給他跟Marf日後有出合唱歌的機會：「因為我好少同女artist咁樣合作，雖然之前都會有，但係偏純唱歌方面，但係今次係同佢嘅合作再close啲，因為我哋兩個一嚟都好鍾意K-POP，大家鍾意嘅嘢接近，所以溝通方面係好快，跟住佢喺身上面真係覺得佢跳舞真係好有型，個氛圍好好，咁我又唔想執輸，所以我又要push自己多啲，唔係想同佢競爭，但係起碼想拍得上佢，係想push自己多啲嘅感覺。」

盧瀚霆聽張繼聰意見上山吸地氣
MIRROR在龍年工作超級忙碌，Anson Lo曾提過希望生活與工作能夠做到平衡，達致Work-Life Balance ，他認為自己這方面做得不錯，甚至聽了前輩張繼聰意見，有時間抽空上山收集大自然靈氣，赤腳行草地十至三十分鐘吸地氣，他稱此舉有助舒緩身體炎症及趕走壓力！