炎明熹康復後，立即找唱歌老師高晨維練歌。
「聲夢人氣王」炎明熹 (Gigi）本月初確診新冠肺炎，並即時停學停工接受隔離。休息9日後，Gigi終於康復出關，首項活動便與After Class成員出席商場活動，不過當日Gigi 因為聲沙關係，未有獻唱。
Gigi康復出關，首項活動便與After Class成員出席商場活動。
向來靠把靚聲搵食的Gigi，隔離完即去搵唱歌老師高晨維練歌。高老師上載合照到社交網，相中見Gigi 淡妝上陣，狀態不俗，相當醒神！
一康復即搵老師練歌。
老師指GiGi氣管和聲帶還需時間復原。
老師向大家報告Gigi的近況，「今晚同Gigi練歌，已經慢慢在康復，雖然氣管和聲帶還需時間復原，但剛剛唱《焰》已經非常有力，節奏感、聲質都控制得好好，希望盡快回復到最佳狀態繼續送好歌給大家！」最後更大讚Gigi「出關後又靚咗」，網民都留言表示期待再聽到Gigi 唱live。
炎明熹康復出關即搵老師練歌 獲讚節奏感控制得好仲靚咗
