練到成腳瘀青！
無綫才藝比拼節目《傳承．狂歡55：皇鑽世家珠寶呈獻：全城一叮》，逢周四、五晚10點半翡翠台播出，節目由林盛斌（Bob）、馮盈盈擔任主持，嘉賓評判為伍詠薇及蔡一傑。
點擊看圖輯
Jojo同Eden識咗5分鐘就組隊出擊，一拍即合。
Jojo一除外套就變成性感女Miss。
Jojo跳舞時表現得充滿自信。
Eden就化身學生哥。
Jojo再除埋短裙仔。
晒出終極性感造型。
大跳辣身舞！
睇相都知幾考腰力。
佢哋嘅舞蹈有好多抬高抬低嘅動作，一啲都唔簡單。
吸睛指數爆燈。
Eden大晒高難度Breaking同蜈蚣彈。
伍詠薇勁Like Eden。
蔡一傑笑言Jojo似孫耀威。
Jojo同Eden經常由夜晚九點練到凌晨3、4點，真係辛苦晒。
Jojo練到對腳冇忽好肉。
Jojo同Eden為咗今次表演足足練習咗三星期。
奶仔孖住關嘉敏表演棟篤笑，但係表現麻麻兼被觀眾狠批一啲都唔好笑。
之後佢哋再表演Beatbox同埋Rap，反而仲精彩過正式比賽，真係揀錯表演喇。
一班評判都戥佢哋唔抵。
傑少都嘆息：「選錯行車線係最致命！」
本集出場藝人仲有謝采芝，港姐出身嘅佢唱功了得。
《東張》主持陳懿德表演唱歌加變裝，獲伍姑娘大讚好得意。
劉家聰表演手影舞。
劉家聰獲囡囡上台頒勳章，場面感人。而10月13日晚節目播畢後，不少網民在網上留言為家聰打氣及表示支持。
Jojo同Eden識咗5分鐘就組隊出擊，一拍即合。
Jojo一除外套就變成性感女Miss。
10月13日晚播出一集，出場單位包括2019年入圍港姐謝采芝、J2er黃紫恩+劉展霆、方紹聰+關嘉敏、2021年入圍港姐兼《東張西望》主持陳懿德及劉家聰。黃紫恩（Jojo）及劉展霆（Eden）組成的「5minz」，表演性感歌舞《春.風》甚為吸睛，化身性感女Miss的Jojo以緊身衫＋黑絲＋絲襪帶上陣，孖穿上校服的Eden大跳辣身舞，柔軟度十足的Jojo，全程動作俐落，起身踎低瞓地均郁動自如的她，一招「雙腳360度大迴環」技驚四座；Eden則大晒高難度Breaking及蜈蚣彈，兩人強勁Energy引爆全場尖叫聲，最終成功晉級。伍詠薇看畢大讚：「兩個都好性感，配合得好有化學作用，我特別鍾意Eden。」蔡一傑則笑指Jojo似孫耀威：「唔好以為戴個假髮就認唔到你！」
Jojo跳舞時表現得充滿自信。
Eden就化身學生哥。
Jojo再除埋短裙仔。
晒出終極性感造型。
大跳辣身舞！
睇相都知幾考腰力。
佢哋嘅舞蹈有好多抬高抬低嘅動作，一啲都唔簡單。
吸睛指數爆燈。
Eden大晒高難度Breaking同蜈蚣彈。
伍詠薇勁Like Eden。
蔡一傑笑言Jojo似孫耀威。
四、五歲便開始學跳爵士舞的Jojo，舞齡長達十數年，自然有番咁上下功架。Jojo受訪時自爆其實曾因找不到拍檔一度想過退賽，幸好後來在公司偶遇Eden，對方一口答應跟她組隊，Jojo笑謂：「嗰時都唔識佢，識咗5分鐘就決定一齊組隊！」提到舞蹈中有不少遭Eden抬高抬低的高難度動作，Jojo表示給予對方無限信任：「佢話自己好大力，仲話點樣都唔會畀我跌親，呢幾個月佢真係冇整跌過我一次，好多謝佢。」為賽事與Eden苦練了足足三星期的Jojo，不但晚晚練到凌晨唔夠瞓，更練到一對腳「無忽好肉」滿是瘀青，觸目驚心。兩人除了是跳舞拍檔，亦是「湯水密友」，Jojo笑言：「我哋成日夜晚9點練到凌晨3、4點，所以嗰段時間個人有啲虧，媽咪就煲咗啲湯水畀我滋補，我有同Eden Share，隔日佢嫲嫲又煲番啲靚湯畀我，感覺到大家嘅屋企都好支持。」
Jojo同Eden經常由夜晚九點練到凌晨3、4點，真係辛苦晒。
Jojo練到對腳冇忽好肉。
Jojo同Eden為咗今次表演足足練習咗三星期。
奶仔孖住關嘉敏表演棟篤笑，但係表現麻麻兼被觀眾狠批一啲都唔好笑。
之後佢哋再表演Beatbox同埋Rap，反而仲精彩過正式比賽，真係揀錯表演喇。
一班評判都戥佢哋唔抵。
傑少都嘆息：「選錯行車線係最致命！」
是晚另一亮點，是Eden、方紹聰（奶仔）及關嘉敏均曾參與無綫節目《盛．舞者》，不過今次奶仔與關嘉敏組隊竟然不是表演跳舞，而是搞搞新意思表演棟篤笑，惟表現麻麻被叮走兼被現場觀眾批評：「一啲都唔好笑！」之後蔡一傑給予二人「翻盤」機會，奶仔表演Beatbox，關嘉敏則大晒Rap功，整個表演相當精彩，完勝原本演出，Bob忍不住肉痛大嗌：「搞乜鬼講笑話啫！」兩人最終更沒有獲得「復活之叮」，無緣晉級決賽。關嘉敏事後笑指自己是被臨時拉夫，皆因奶仔想由單人表演轉做雙人表演，更爆料指正式表演前四十五分鐘奶仔還在更改劇本，又謂自己當下相當緊張：「上台之前怯到一個點，緊張到爆炸。」關嘉敏續指Rap向來是其興趣，並坦言這次是其首次公開有如此完整表演，故此即使輸了也覺得獲益良多。
本集出場藝人仲有謝采芝，港姐出身嘅佢唱功了得。
《東張》主持陳懿德表演唱歌加變裝，獲伍姑娘大讚好得意。
劉家聰表演手影舞。
劉家聰獲囡囡上台頒勳章，場面感人。而10月13日晚節目播畢後，不少網民在網上留言為家聰打氣及表示支持。
