網民求問的士車門為何插香燭 年長人士：好心司機助乘客白事引香

過去兩年，香港有不少失業者轉行揸的士搵食，每日都要接載形形色色的乘客的乘客。有網民近日於社交平台發文，指見到一架的士左邊車門插住兩支已點燃的香燭，於是向網民求問「係乜嘢儀式 」，又強調「無唔尊重意思」。帖文引來網民熱烈討論，其中有人指出當時應該正進行「引路」儀式，車上的乘客或將去世的親人帶回屋企上神台或去陰宅，另外亦有人稱讚司機是好心人，願意協助當事人，「唔係人人肯做嘅，係積功德嚟」。

資料圖片

網民「隱形戰車」透過fb專頁「香港馬路炸彈資料庫」發文，指日前在街上見到一架的士左邊車門插住兩支已點燃的香燭，於是向各大網民求問，「搭的士時燒住2支大香，係乜嘢儀式 ?」，強調此帖文並無不尊重的意思。

資料圖片

帖文引來網民熱烈討論，有年輕的網民表示並不知箇中原因，但有年長的網民隨即留言，表示當時的士上的乘客應該正進行「引路」儀式，帶去世的親人帶回屋企上神台或去陰宅，「將先人由地點a帶去地點b」、「係引路，引領屋企人返屋企，沿途會叫住屋企人個名，我公公走嗰陣時我哋都係咁樣，用好大支香一路帶公公返屋企」、「做完白事帶先人返屋企」、「有機會幫先人搬骨灰位」、「支香就等同於天線 ，要利用支香通知先人，幫佢哋引路。」。

另外，亦有網民讚揚的士司機是一個好人，「呢架車師父係好心人，好少人咁明事理」、「好少可白事引香的士會肯接！呢位司機都值得加許同尊重」、「造福他人，白事都無問題」。

有網民日前見到有的士車門插住兩支大香，於是在社交平台發文求問「係咩儀式」。

雖然有網民指帖文可能冒犯先人，希望可以盡快刪除，但亦有人持相反意見，認為應該將帖文保留，「其實真係唔係咁多人知，Post出嚟畀人了解下都好」、「應該多謝樓主出po，可以令到一啲好似我都唔知呢啲係咩嚟嘅人長知識」、「而家好多後生仔都唔識得啲老人家規矩」、「新一代就算有家人親戚離世，都未必明白儀式係點」、「問其實係好事」。

來源： fb「香港馬路炸彈資料庫」專頁

有網民見到一架的士左邊車門插住兩支已點燃的香燭，於是向網民求問「係乜嘢儀式 」。網上圖片

不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！

影片截圖

醒返時車內空無一人車門被鎖

有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。

港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。

影片截圖

網友同情：睇嚟你真係好眼瞓

不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。

影片截圖

有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。