改編日本暢銷人氣漫畫《男兒當入樽》的動畫電影《THE FIRST SLAM DUNK》將於1月12日在香港及澳門正式上映,宣傳亦已到白熱化階段,繼日前舉行的首映禮,獲一眾星級粉絲包括新世代人氣偶像江𤒹生(AK)、呂爵安(Edan)、邱士縉(Stanley)及郭嘉駿(193)等出席支持,還有903一眾DJ、知名籃球教練及技術顧問Coash Fui (劇集《季前賽》籃球指導)等,熱鬧非常,傳媒試映也獲一致好評激讚,揚言要一睇再睇!
AK、Edan、Stanley及193出席首映。
Edan睇完感動到喊,IG限時動態晒出淚痕照:「喊完嘅痕跡,我竟然睇到喊,癲,好睇!」DJ Donald大讚:「SD(SLAM DUNK)要睇三次(至少),一次日文版,一次亞視原班人馬廣東話版,另一次IMAX,熱血到唔想完場,熱血想叫出嚟,而最熱血的最後一球,連配樂對白都唔需要就足以令你流眼淚!」Coach Fui則以籃球人的角度出發(按此看):「琴日睇咗 《THE FIRST SLAM DUNK》日文版首映,真係要睇多次。感覺唔似漫畫,似比賽咁快速緊湊,但係畫面嘅角度又好似電影咁近,好似自己有份參與一齊打咁。」
點擊看圖輯
電子巨屏播放的《THE FIRST SLAM DUNK》15秒廣告
呂爵安睇《THE FIRST SLAM DUNK》睇到喊 全港大量打卡位Pop Up Store14號開幕
Coach Fui留言大讚。
Donald話要睇多幾次。
Edan哭了。
更多電影宣傳亦陸續曝光,除了紅隧巨型廣告牌及電車車身,還有1月6日於銅鑼灣崇光Mega TV 電子巨屏播放的《THE FIRST SLAM DUNK》15秒廣告,展示了電影精細的畫面及籃球場上一觸即發的緊張氣氛,左右兩邊配以電影正式海報,身穿湘北紅色球衣的五大主角宮城良田、三井壽、流川楓、赤木剛憲及櫻木花道,氣勢如虹,吸引不少途人駐足觀賞打卡!
電子巨屏播放的《THE FIRST SLAM DUNK》15秒廣告
除有日語版及粵語配音版外,更特設IMAX版本(日語版),讓粉絲影迷能夠在IMAX巨幕欣賞最精彩的籃球比賽,神奈川no.1後衛宮城良田的矯捷身手、三分王三井壽射三分球的英姿、天才選手流川楓的精湛球技、中鋒兼隊長赤木剛憲的籃板球,還有籃球初哥櫻木花道的爆發力,於IMAX巨幕觀賞更震撼,緊張刺激的比賽更令人感到血脈沸騰!粉絲影迷點可以錯過!詳情請留意戲院公佈。
全港大量打卡位
全港大量打卡位
另外,尖沙咀中心及帝國中心戶外巨型幕牆隆重登場,播放電影宣傳片,是全港最大的戶外幕牆打卡位,震撼非常!搶先同電影角色拍照打卡,更有機會獲得限量珍藏版電影換票證連明信片套裝!而八達通亦推出全球限量10,000套《THE FIRST SLAM DUNK》八達通卡紀念套裝,附獨立序號珍藏盒連獨家紀念哨子及紀念幣,反應熱烈。
而由香港東映主理,於銅鑼灣時代廣場的《THE FIRST SLAM DUNK》Pop Up Store將於1月12日揭幕,現貨發售電影官方授權產品,詳情請留意東映及時代廣場公佈!
全港大量打卡位
呂爵安睇《THE FIRST SLAM DUNK》睇到喊 全港大量打卡位Pop Up Store14號開幕
對於蔡仔的深情發文,Edan表示:「貢sweet㗎咩」!
呂爵安(Edan)早前跟大學Hallmate兼香港劍擊運動員蔡俊彥(Ryan,蔡仔),日前難得同場出席品牌活動,事後「黑圖王」Edan將讀書時代儲起的Ryan黑圖公諸於世。
呂爵安(Edan)和蔡俊彥(Ryan)難得在品牌活動喜相逢。
Edan留言:「當年嘅大學roommate,又點會諗到有一日會喺個fashion event到碰面,So happy to see you bro,繼續一齊各自努力。附上極罕有蔡仔(同自己)黑圖 #以前個樣咩事 #搵相先發現原來我哋極少影相 #咁耐冇見竟然係喺event見。」Ryan也在Edan的IG留言,並識做地Tag歌:「漸漸我們...」。
Edan貼出和蔡仔大學時期的合照。
今日(10月1日)凌晨,蔡仔於Threads出長文給「E位朋友」,憶述和Edan住大學宿舍時期的點滴,他大讚Edan為人平易近人,夠義氣不忘本,又指Edan在他心中是個很棒的朋友。
蔡仔寫道:「關於E位朋友(指Edan),記得大學岩岩(啱啱)入住宿舍,不懂社交,不懂包裝,個個話我寸,話驚同我相處。我當時是很擔驚受怕的,感覺人人都唔會喜歡我,你係其中一位『不聽取別人意見』,願意主動同我傾計(偈)相處嘅人。」
蔡仔又踢爆Edan:「你遠望Mk男神,近望平易近人,日日朝早霸住樓廁所第一個廁格一個鐘...唔講太多了,anyways我哋兩個硬膠好快成為好朋友。麻雀鐵腳,四處R腳,水人唔好理deadline。」
還鬧着玩貼了蔡仔極罕黑圖。
Edan IG圖片
蔡仔指有很多人欣賞Edan的風趣幽默真性情,而他反而更欣賞Edan的義氣:「好多人欣賞你嘅風趣幽默真性情。但我更欣賞你嘅義氣。即使大家冇住hall,我生活上遇上煩惱,只要你知道的,你都會送上關懷,若我要求你幫忙,你更係義不容辭馬上幫忙。世間上(至少係我身邊)要搵到有義氣不忘本,會顧及別人感受嘅人,實在少之有少,你絕對是其中之一,從未令我失望。不論你有冇今日嘅成就,係我心目中你都是個很棒的朋友。」
蔡仔直言現在大家已長大,見面時感覺都變得不一樣,思考及顧慮都比以前多:「不是說大家過得不好,只是被歲月洗禮,缺少了一點天真無邪,心智成長了。(應該有啦唔好質問)我仍然好懷念我哋同其他hallmate,無憂無慮敢喺麻雀枱度癈up(廢噏)嘴炮咒人出銃。我期望呢個畫面係我地四五十歲時再出現!宜(𠵱)家大家一齊努力追逐自己嘅夢想啦!」而對於蔡仔的深情發文,「E位朋友」留言表示:「哇,一起身見到嚇咗嚇,貢sweet㗎咩」!
蔡仔大讚Edan夠義氣不忘本。
有網民搞笑留言叫兩人結婚。