對於蔡仔的深情發文，Edan表示：「貢sweet㗎咩」！
呂爵安（Edan）早前跟大學Hallmate兼香港劍擊運動員蔡俊彥（Ryan，蔡仔），日前難得同場出席品牌活動，事後「黑圖王」Edan將讀書時代儲起的Ryan黑圖公諸於世。
點擊看圖輯
呂爵安（Edan）和蔡俊彥（Ryan）難得在品牌活動喜相逢。
呂爵安（Edan）和蔡俊彥（Ryan）難得在品牌活動喜相逢。
Edan留言：「當年嘅大學roommate，又點會諗到有一日會喺個fashion event到碰面，So happy to see you bro，繼續一齊各自努力。附上極罕有蔡仔（同自己）黑圖 #以前個樣咩事 #搵相先發現原來我哋極少影相 #咁耐冇見竟然係喺event見。」Ryan也在Edan的IG留言，並識做地Tag歌：「漸漸我們...」。
Edan貼出和蔡仔大學時期的合照。
今日（10月1日)凌晨，蔡仔於Threads出長文給「E位朋友」，憶述和Edan住大學宿舍時期的點滴，他大讚Edan為人平易近人，夠義氣不忘本，又指Edan在他心中是個很棒的朋友。
蔡仔寫道：「關於E位朋友（指Edan），記得大學岩岩（啱啱）入住宿舍，不懂社交，不懂包裝，個個話我寸，話驚同我相處。我當時是很擔驚受怕的，感覺人人都唔會喜歡我，你係其中一位『不聽取別人意見』，願意主動同我傾計（偈）相處嘅人。」
蔡仔又踢爆Edan：「你遠望Mk男神，近望平易近人，日日朝早霸住樓廁所第一個廁格一個鐘...唔講太多了，anyways我哋兩個硬膠好快成為好朋友。麻雀鐵腳，四處R腳，水人唔好理deadline。」
還鬧着玩貼了蔡仔極罕黑圖。
Edan IG圖片
蔡仔指有很多人欣賞Edan的風趣幽默真性情，而他反而更欣賞Edan的義氣：「好多人欣賞你嘅風趣幽默真性情。但我更欣賞你嘅義氣。即使大家冇住hall，我生活上遇上煩惱，只要你知道的，你都會送上關懷，若我要求你幫忙，你更係義不容辭馬上幫忙。世間上（至少係我身邊）要搵到有義氣不忘本，會顧及別人感受嘅人，實在少之有少，你絕對是其中之一，從未令我失望。不論你有冇今日嘅成就，係我心目中你都是個很棒的朋友。」
蔡仔直言現在大家已長大，見面時感覺都變得不一樣，思考及顧慮都比以前多：「不是說大家過得不好，只是被歲月洗禮，缺少了一點天真無邪，心智成長了。（應該有啦唔好質問）我仍然好懷念我哋同其他hallmate，無憂無慮敢喺麻雀枱度癈up（廢噏）嘴炮咒人出銃。我期望呢個畫面係我地四五十歲時再出現！宜（𠵱）家大家一齊努力追逐自己嘅夢想啦！」而對於蔡仔的深情發文，「E位朋友」留言表示：「哇，一起身見到嚇咗嚇，貢sweet㗎咩」！
蔡仔大讚Edan夠義氣不忘本。
有網民搞笑留言叫兩人結婚。
四子特別遠赴泰國取景拍攝MV，更找來泰版《流星花園》Prim Chanikarn任女主角！
MIRROR將以3個小組推出歌曲，每個月為粉絲們帶來不一樣的團隊作品，率先推出的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌《Strawberry Love》，四子更特別遠赴泰國取景拍攝MV，為歌曲展現完全不一樣的可愛風格。
盧瀚霆（Anson Lo）、呂爵安（Edan）、李駿傑（Jeremy）及姜濤合唱的高糖份甜蜜情歌《Strawberry Love》。
《Strawberry Love》由Serrini填詞，是一首甜蜜情歌，全首歌都濃罩著甜蜜氛圍，是MIRROR或每位成員鮮有會演繹的歌曲作品，Edan都表示：「今次推出比較可愛啲嘅作品，以往自己或MIRROR作品都係比較chok同型少少，未試過呢種咁可愛小男生感覺，應該對大家嚟講都有種新鮮感。」姜濤亦道：「呢首歌比較甜絲絲，好青春好fresh感覺，有別於過去MIRROR嘅歌曲。」首度跟Serrini合作，Anson Lo也沒想過歌詞會令他不曉得如何演唱才好，說：「第一次同Serrini合作，收到份詞有一種好直接嘅歌詞，有一句：I wanna taste your love，唱嘅時候都有啲怕醜。」平時唱開暗黑風格的Jeremy，在錄音時也要調適自己的心態，才能投入去唱，他笑言：「我要迫自己唱得再開心少少，因為自己solo歌唱慣咗dark啲嘅嘢，我第一次錄時，唱到真係好似哭喪，好似唔係幾好，所以轉一轉個tone，要自己笑住唱，催眠自己要好開心咁去唱呢首歌，希望俾到大家甜嘅感覺。」
四子特別遠赴泰國取景拍攝MV。
在公布這次組合之時，四人曾被命名為妹豬組。
今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處，姜濤道：「推出小組，人數少咗，變成發揮自己嘅長處嘅空間會更多，大家可以更加睇到我哋每個人身上嘅閃光點。」這次《Strawberry Love》，都令大家回想起過去的合作，Jeremy回憶道：「我哋4個對上一次合作已經係好多年前，嗰陣時有幻想過，如果我哋4個一齊出歌會係點呢？隔咗咁多年，終於推出《Strawberry Love》。」Edan亦十分認同，他說：「我哋喜好都幾相近，大家都受K-pop嘅影響，好耐之前已經想做一啲跳唱項目，今次終於名正言順可以official做一次，對我哋嚟講都係好大嘅意義，係好難得嘅一次合作。」Anson Lo更說：「呢次合作，令我哋有返排《全民造星》啲item時候嘅感覺。」
在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy側認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」
泰國版《流星花園》中飾演杉菜的Prim Chanikarn擔任女主角。
MV方面，今次特別遠赴泰國拍攝，並邀請了於泰國版《流星花園》中飾演杉菜的Prim Chanikarn擔任女主角。四子都大讚Prim外貌精緻，出發拍攝前都有留意對方的social media，知道對方在泰國人氣極高！Edan說：「佢真係好犀利，有好多粉絲，所以都驚訝可以同佢合作到，所以好開心，但我哋四個都幾怕醜，全日拍攝都唔係好夠膽同佢講嘢，去到臨收工我先鼓起勇氣同佢講咗兩句說話。」Anson Lo亦大讚Prim道：「今次好榮幸可以同佢合作，佢喺現場真係好專業，一埋位就好快做到導演要求嘅表情同走位。」
姜濤表示要在極高溫天氣下拍攝，實在高難度！
說起泰國拍攝MV點滴，姜濤表示要在極高溫天氣下拍攝，實在高難度，他說：「泰國好熱，咁嘅天氣要保持高糖份係有難度，因為喺好炎熱嘅天氣下，想笑都難，但喺鏡頭前面好專業地笑。」談到搞笑事情，姜濤笑說：「我哋喺沙灘拍攝嘅時候，我件恤衫有好多人以為個圖案係design，其實係我啲汗，啲汗染到件衫由淺藍色變咗深藍色，大家睇MV時可以留意下我啲汗。」Edan亦難忘放煙花玩仙女棒的過程，另外還有扮揸車的部份，但因為仍是P牌，這次未能過足手癮。
「姜神登駿」打頭陣！
這次《Strawberry Love》的派糖福利，相信令粉絲會都接受到那份甜到漏的感覺，被問到今次是期間限定，還是陸續有來，Anson Lo透露：「我哋呢個組合嚟緊都會陸續有唔同嘅表演，大家要留意下喇。」那麼之後還是專責派糖嗎？姜濤笑言：「驚大家糖尿病，甜嘅嘢，得閒食下好喇！希望我哋嘅出現，可以令大家苦悶嘅生活有一點甜啦！」
