社會事
去年MIRROR演唱會事故中受傷舞蹈員李啟言（阿Mo）的父親李盛林牧師4日發表其第28代禱信，提到阿Mo的康復狀況。李盛林表示，阿Mo將要重新學習走路，期待下周能按計畫進入「外骨架」（Exoskeleton）治療，醫生亦正考慮為他拆除尿喉，令他能在外骨架的活動中更為方便，並且能減少尿道感染；惟如果拆除過程中，血壓比平常高或不穩定就不能進行。
阿Mo(右)將於下周進入外骨架治療。資料圖片
治療像電子遊戲過五關斬六將
李盛林形容，每當阿Mo治療進入新階段，就像電子遊戲過五關斬六將，每關都面對體能、意志上限制的突破；而作為父母對兒子的積極和鬥志感安慰，惟內心又恐怕他力不能勝。
阿Mo。資料圖片
李啟言（阿Mo）。資料圖片
另外，對於涉及演唱會事故的工程總承辦商「藝能工程」的2男1女被控串謀欺詐等罪名，李盛林期望相關檢控能對各演藝表演者日後在「職安和僱員保障」上，有更清楚和全面照顧，不被視為閒角。
李盛林牧師發表最新代禱信講述阿Mo治療情況。資料圖片
演唱會主題曲完整版正式推出！
江𤒹生AK最新單曲《Game Of Life》是他首個個唱《ANSON KONG 「THE GAME OF LIFE」 IN MY SIGHT SOLO CONCERT 2024》的主題曲，借遊戲比喻演藝旅程，在MV中，他進入了遊戲世界，拿著仿真槍，型爆向重重關卡進發。
AK推出新歌《Game Of Life》。
《Game Of Life》是AK首個個唱《ANSON KONG 「THE GAME OF LIFE」 IN MY SIGHT SOLO CONCERT 2024》的主題曲。
觀看相關影片按連結：https://youtu.be/NCuJwjcnnr4
AK在暑假籌備演唱會時，就很想做一首以「Game of Life」做主題的歌曲，於是與監製徐浩溝通過後，便與團隊一同製作了《Game Of Life》，AK介紹歌曲內容道：「我入行後，好似入咗一個新嘅遊戲世界，呢5、6年經歷好多唔同嘅難關，有啲比較順利有啲比較難，有啲可能係需要同啲同伴組隊，你先可以跨過嘅一啲關口，有啲你要獨自去面對，今次用咗打機嘅心情，套落首歌。」
AK以遊戲世界比喻演藝旅程。
歌曲率先在演唱會登場，現在正式推出的版本略有不同，AK續道：「演唱會版本細John（姜卓文）rap嘅部分短啲，嗰陣唔夠時間準備full version，亦冇邀請佢上台，今次正式版加長咗細John部分，因為難得佢嚟featuring，就俾多啲air time佢一齊玩，希望下次live版可以同佢喺台面一齊演繹呢首歌。」
今次正式版加長了細John（姜卓文）rap的部分。
《Game Of Life》是一首很有畫面的作品，所以MV方面也順利成章以遊戲世界呈現，AK戴上VR後，走進了遊戲世界，跟細John、隊友們進行連場槍戰。AK表示：「MV會見到有好多槍械，好多平時好少接觸得到嘅事物，例如開槍對峙，亦有一啲teammate同我一齊衝鋒陷陣嘅場面，呢個concept幾好玩。另外，今次算係非常淺嚐咗一下war game，因為每支槍都只係入咗氣，冇實彈、BB彈，只可以感受到開槍嗰一下少少重量，同埋場地所限，只能偷位扮喺一個比較大嘅空間進行，希望下次可以喺一個露天war game場地，多啲人一齊實彈射擊。」
MV以遊戲世界呈現。
AK戴上VR後，走進了遊戲世界，與隊友們進行連場槍戰。
說起槍械，AK也特別興奮，「玩槍幾開心，滿足少少夢想，未去到話真係拍槍戰，但換下子彈，扮下有型，都幾開心，不過開頭拍第一個shot要拎支左輪入子彈，好有型對住個鏡頭，但估唔到仿真槍係咁重，單手攞會搖下搖下，起初花姐見到仲話我咁渣攞支槍都冇力，我就俾佢試下，佢先發現支槍原來係咁重。」
AK直言玩槍幾開心。
造型上，AK這次三套服飾都甚有睇頭，其中半恤衫半皮褸的造型，打造出現實世界上班族與遊戲世界角色的感覺，AK介紹：「套衫分開兩邊，西裝係人，紅色皮褸就係打機角色，好似機械人有啲線路喺身上，眼嘅highlight就係強調返機械人角色，另外仲有指甲，之前喺演唱會整過，結果整上癮，但今次有少少唔同，只係黐上去。」
半恤衫半皮褸的造型，打造出現實世界上班族與遊戲世界角色的感覺。
至於另外兩個造型，則毫不吝嗇大騷身材，AK笑這：「香港咁熱咁潮濕，梗係要服裝上俾自己涼快下，咁我又冇咩可以露，窮剩得返嗰六粒嘢（腹肌），咁咪喺六粒裡面揀兩粒好似健康啲咪露出嚟，不過演唱會嗰陣fit啲，而家肥返少少，出嚟感覺都健康嘅，肌肉上就冇演唱會嗰陣咁勁，但都仲有三根釘喺度，有啲睇頭嘅！」
另外兩個造型，AK則毫不吝嗇大騷身材.
腹肌好吸睛！
