馮允謙紅館騷尾場回應網上留言唱舊歌 「胸襲」嘉賓Ian引全場哄動

Jay事後解釋無意胸襲Ian，只是想「俾膽佢」，拍拍他打打氣。

「唱作王子」馮允謙（Jay）在紅館舉行一連三場「the SOUNDTRACK of my LIFE馮允謙演唱會2024」，昨晚（10月11日）圓滿成功。老闆林建岳博士、蘇志威與囡囡、梁釗峰、NowhereBoys主音Van與太太Wendy 、MIRROR成員李駿傑（Jeremy）、ERROR隊長梁業、李幸倪（Gin Lee）、RubberBand主音6號與太太Tim Lui、林奕匡與太太李靄璣等好友捧場。

Jay一連三場結館演唱會圓滿成功。

蘇志威、老闆林建岳博士、梁釗峰

蘇志威與囡囡、林建岳博士

MIRROR成員李駿傑、ERROR隊長梁業

李幸倪

NowhereBoys主音Van與太太Wendy

林奕匡與太太李靄璣

Jay今次演唱會每晚表演嘉賓出場時間都不同，之前兩場都是較尾聲環節，昨晚嘉賓MIRROR成員陳卓賢（Ian）開場不久登場，全場驚喜。而最哄動是合唱Jay為Ian作曲的《DWBF》時，Jay突然出手摸Ian胸，全場尖叫，Ian呆了半秒。其實早在三年前他們第一次合體舉行「我是現場002」音樂會時已發生過，昨晚算是延續他們「傳統」打招呼方式。

尾場請來MIRROR成員陳卓賢做嘉賓。

二人合唱《DWBF》。

二人台上憶述初次合作情景，Jay表示當時互不認識，Ian笑說：「我識你，但你唔識我。」Jay說：「只係未互相認識啫！」Ian表示多謝Jay邀請，原來去年Jay首個紅館騷時已曾邀請Ian做嘉賓，但當時Ian忙於拍劇，今次再度邀請，Jay說：「我話第二次問你啦，如果都唔得，我就好傷心！佢話： 『Trust  me bro，無論點都好，I’ll be there！』多謝Ian，等咗3年再有機會一齊唱歌。」Ian揚言是Jay的歌迷，最喜歡其作品《Me and the Moon》，原本好想今次唱，但此歌已在他出場前唱了，所以選了《DWBF》合唱，之後Ian獨唱《地球上的最後一朵花》。

二人憶述初次合作情景。

Ian多謝Jay再次邀請他做嘉賓。

Ian更揚言是Jay的歌迷。

Ian之後獨唱《地球上的最後一朵花》。

Ian之後獨唱《地球上的最後一朵花》。

昨晚兩度Encore，Jay換了演唱會版黑色tee出場，揚言歌單已唱完，觀眾吶喊不同歌名點唱，Jay笑說：「好嘈，我咩都聽唔到。我有睇你哋啲Comment 架，『Jay Fung做咩唔唱舊歌？』我唱舊歌，你哋係咪會一齊唱先？我唱你哋唔唱，我嬲架！」Jay式撒嬌好搞笑，然後大合唱《我好想你》全場燈海，場面震撼。之後歌迷又不肯散場，Jay唱《生不逢時》後向歌迷飛吻揮手道別，一連三場演唱會在歡呼聲中完美落幕。

Jay在尾場兩度Encore。

Jay換上演唱會版黑色tee出場。

最後與全場歌迷大合照。

完場後接受記者訪問時，Jay解釋無意胸襲Ian，只是想「俾膽佢」，拍拍他打打氣。Jay還透露趁Ian唱歌時，他落台換衫期間突然流鼻血，令他一度猶豫應否終止演唱會，最後他堅持上台演出。他說：「當我唱到《約齊靈魂在墳幕開生日派對》時，好驚噴血，所以之後幾首歌我都少少抬頭、向上望，好驚流出嚟！」

Jay與老闆林建岳博士。

Jay透露趁Ian唱歌時，他落台換衫期間突然流鼻血。

最後，Jay再次到紅館外與歌迷見面。

大合照。

Ian自言不懂表達望作品引起共鳴！

陳卓賢Ian今年以故事串連推出的單曲，來到最後一首作品〈玩偶奇遇記〉，終揭曉他在故事中所飾演的主角，原來是一隻玩偶熊仔，他更投射自己的個性到這隻玩偶熊仔身上。

陳卓賢（Ian）今年推出第5首派台歌《玩偶奇遇記》。

Ian包辦新歌曲詞。

自去年年尾開始，Ian便開始構思創作一個故事，並透過歌曲及MV呈現出來，Ian說：「我喺上年年尾開始構思同創作今年呢五首歌，但歌曲、故事劇情，以至MV細節，都係一路製作一路微調，而主角其實係一隻熊仔，喺每個章節都有熊仔出現。」玩偶熊仔見證著一段愛情的開始、發展到終結，隨後亦有他自身的經歷，不過熊仔既無話語權，亦未能表達自己的意願。

年度企劃最終回故事揭盅。

坦言自己不擅表達愛意。

為何會揀選玩偶熊仔做故事主角呢？Ian解釋道：「因為人畜無害，同埋好似好多公仔都係熊仔，大家可能好多時會忽略咗佢，覺得佢嘅存在係理所當然，睇呢個故事嘅時候，亦唔覺得隻熊仔係關事，純粹係好表面覺得熊仔係定情信物，見到熊仔就好似見到你嘅另一半，但慢慢就帶出比較深層嘅意思，緊扣返主題：其實熊仔喺MV裡面有唔同形態出現，亦都係代表每一種心情，不過熊仔有很多無能為力嘅事，譬如佢都好鍾意主人，但言語上、肢體上都表達唔到自己。」透過今年這個故事，到〈玩偶奇遇記〉將故事揭盅，Ian最希望能給大家一點提醒，Ian說：「呢一連串故事，希望可以提醒大家，其實生活上唔係所有嘢都理所當然，可能有時要諗闊少少諗遠少少，所有嘢得來不易，要多啲喺唔同角度去諗。」Ian透露，玩偶熊仔亦是他個人的個性投射，說：「我都係一個唔太會表達自己嘅人 ，所以出一個咁嘅故事，睇下會唔會都有啲有共鳴嘅朋友。」

Ian化身玩偶熊仔！

Ian又相信，萬物皆有生命，亦有思想，千萬別漠視他們的感受。他說：「〈鑿〉裡面小女孩擁有一隻熊仔，佢冇諗過熊仔其實有佢自己嘅思想，喺小女孩心目中純粹係好簡單嘅物件存在喺佢生活。其實我哋喺日常生活中，忽略咗身邊好多大大小小嘅人或物件，我嘅歌好似〈留一天與你喘息〉裡面嘅石頭有生命、〈地球上的最後一朵花〉嘅花又有生命、〈鯨落〉嘅鯨魚都係有生命，但大家唔好忽略咗，佢哋亦都係有自己嘅思想。」

提醒大家多角度思考。

望新歌能引共鳴。