「餅碎」聚會繼續飛起2月壽星Miki 區文詩變紙片人網民擔心

真係太瘦啦！

前女子組合Cookies成員區文詩（Angela）上個月踏入40歲生日，未見她貼出「餅碎」齊人Post慶祝，終於等到過完農曆新年，Angela即約鄧麗欣（Stephy）及吳雨霏（Kary）聚會。2月9日她在社交網貼出三人見面照片，Stephy還大晒美腿，不過相中繼續獨欠楊愛瑾（Miki），又咁啱2月14日是Miki的38歲生日，看來呢一段友情修復的機會愈來愈微。

（左起）Kary、Stephy及Angela新相。

Kary（中）個樣唔易認。

又扮鬼臉。

三人好盡興。

Stephy晒腿。

Miki約其他人慶祝。

而不少網民卻留意到已是三個小朋友媽媽的36歲Kary，添証一份成熟美，而且照片的拍攝角度又好特別，搞到Kary極之難認。Angela則因身形變得紙片般薄，愈來愈瘦令人擔心其健康狀況。Angela以英文留言：「朋友，在生活的曲奇中，朋友是朱古力碎」，未知她所指的只是在場的兩位前隊友，還是包括埋「已碎」的Miki。雖然未見Stephy貼出為壽星女提早慶祝生日的照片，但Miki不愁寂寞，與其他Cookies成員見面，各自盡興。

（左起）Angela、Miki、Kary及Stephy本來感情好好。

後來有傳Miki爆Kary陀B，導致姊妹情不再。

Kary之後一直未再見與Miki同場。

Kary誕下兩女一子。

Miki被懷疑是爆料人。

Miki婚後育有一子一女。

Stephy成為朋友磨心。

Stephy（左）私下有約Miki。

二人不時見面。

Miki（右）又有約Angela。

Angela拉隊去飯敍。

餐廳環境幾好。

菜式好精美。

次次生日都要分幾轉。

Stephy約定大家紅館見！

鄧麗欣（Stephy）今日（10月15日）快樂生辰，前日Fans Club特別為她籌辦生日會，與逾百fans切蛋糕、唱生日歌、玩遊戲、分享追星點滴，非常熱鬧。Stephy更率先宣布明年三月紅館舉行首次個人演唱會作為「回禮」，她與fans齊齊感動落淚。

Stephy獲Fans Club特別為她籌辦生日會。

Stephy台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。

Stephy宣布將於明年三月紅館舉行首次個人演唱會。

與fans齊灑淚。

Stephy指她的生日願望好簡單，希望大家以最開心、最健康的身體去看她演唱會。

之後Stephy接受訪問笑言以為會忍得住眼淚，結果還是失守，「其實咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到飛入場，真係好開心，約定大家紅館見。」台下有fans跟住喊，Stephy說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」

Stephy希望所有fans都買到飛入場。

Stephy 19歲出道，不少fans都支持她接近十幾年，其實她在生日會fans分享環節，聽到他們的追星故事和見到他們的珍藏品已經好感動，不時見她眼紅紅強忍眼淚。她說：「佢哋好多人都支持咗我十幾年，而我好細個入行，佔咗我人生超過一半時間，全部都同大家一齊渡過。呢啲經歷得來不易，好值得珍惜。」有fans表示因Stephy而找到自己的人生目標、事業、愛情，甚至改善與家人關係。

Stephy感謝fan接近十幾年的支持。

Stephy 表示：「相隔咗幾年冇辦生日會，再慶祝好開心，今日好多人嚟咗，有跟咗我好多年嘅歌迷，亦都有新臉孔，非常多謝大家參與。個蛋糕好靚，好有心思。咁多年來收咗好多fans嘅禮物，我送返俾佢哋嘅禮物，除咗係我嘅努力和進步，都諗唔到送乜嘢更加好，所以就趁一個咁好嘅時機同大家宣佈，我相信對佢哋嚟講係最好嘅禮物，就係我明年紅館演唱會。」

Fans為Stephy特別訂製的生日蛋糕。

上面有Stephy的照片。

Stephy都好鍾意。

Stephy收到很多fans手造的生日禮物，特別開心，「禮物不在乎價錢，最緊要係佢哋嘅心意，所以好多年之前佢哋已經開始會親手整禮物俾我。今年Fans Club忡特別整咗一部扭卡機，所有扭卡得到嘅錢都捐去慈善機構。呢份禮物對我嚟講係最好，見大家排晒長龍，多謝大家落力參與。」Stephy更放入幾十張親筆簽名隱藏版給fans驚喜。

Stephy放入幾十張親筆簽名隱藏版給fans驚喜。

大合照

大合照