好毅力！
高顏值歌手兼演員鄧麗欣（Stephy）近年在電影圈大放異彩，7月更大方認愛貌似韓星Rain的Oppa。即將踏入41歲的她，近日送了一份大禮給自己，並在社交媒體分享。
Stephy 登峰慶祝生日
美景、好天氣！
Stephy在IG分享幾張登山照，原來她已登上海拔8848米高的珠穆朗瑪峰大本營！ 早幾天，Stephy曾分享自己登上普莫雍錯海拔5010米，想不到，過幾天Stephy已登上珠穆朗瑪峰，Stephy寫﹕「要登上高峰 先要做好200分準備 不畏懼 勇往直前。」有網民大讚Stephy好毅力，亦有網民留意到素顏的Stephy與平日一樣美，「真係世界最高峰顏值！」。
前幾日先登上5010米海拔
素顏Stephy更美
很有毅力
她說﹕「勇往直前」就到
東亞銀行信用卡獨家優先訂票於12月2日開始。
恭喜鄧麗欣（Stephy）宣布明年3月14及15日，在紅館舉行一連兩場演唱會「STEP by STEPHY 鄧麗欣紅館演唱會2025」，這是她出道22年，首次踏上紅館舞台舉行個人演唱會，這一步走來不易，她開心地說：「演唱會名字寓意我入行到依家咁多年，一步一步行到上嚟呢一步，終於達成喺歌唱事業上嘅心願！」演唱會門票港幣$1180、$680 和$480，東亞銀行信用卡獨家優先訂票於12月2日早上十時起，HotdogTIX網站或手機應用程式訂票。
Stephy將於明年3月14及15日，在紅館舉行一連兩場演唱會。
早前Stephy拍攝演唱會海報，以黑色高貴晚裝長裙配長過腰的秀髮，隨風飄逸，簡潔有型，「今次拍攝主題係『簡單』，我哋想帶出嘅訊息，唔係靠外在配搭或服飾去講故事。以紅色背景與黑色長裙嘅對比，乾淨俐落。希望以簡單、俐落去呈現最真實、最舒服嘅我！」
Stephy早前為演唱會拍攝海報。
以黑色高貴晚裝長裙配過腰秀髮。
Stephy笑說：「呈現嘅感覺好舒服，但我一啲都唔舒服，睇落好似『無乜嘢』嘅動作，其實我已經book定脊醫，聽日睇醫生。因為條裙中間有少少皺褶，為咗呈現利落嘅形態，擺甫士都好花力氣，好彩我不時有拉筋和練瑜伽，先至可以應付到。」
Stephy笑說雖然海報是呈現舒服的感覺，但她一點也不舒服。
鏡頭前瀟灑，鏡頭後Stephy被幾把風扇從不同方向吹著秀髮，她笑說：「其實都辛苦大家要企高和趴地，唔同角度幫我吹風。我係今日嚟到先知道條裙咁窄，所以大家開餐我都唔敢食嘢，只係食咗兩粒蕃茄仔。」
Stephy又指條裙好窄，所以她完全唔敢食嘢，只係食咗兩粒蕃茄仔。
Stephy表示當她知道將於紅館開騷，反應不來，「猶豫咗好耐『係咪真㗎？』，然後幻想企喺紅館唱歌嘅情況，其實過咗好耐先至識得去興奮、開心、緊張，心情好複雜，係我歌唱生涯之中，最大成就解鎖。紅館有一種魔力，係好多歌手嘅最終夢想，對我嚟講亦好大意義。最大關鍵係點樣將我咁多年以來嘅故事、經歷同大家分享，能夠令大家好鍾意呢個騷就係另一個成就解鎖！」
Stephy指在紅館開騷是她歌唱生涯之中最大成就解鎖。
問到哪首歌非唱不可？Stephy笑說：「一定要唱嘅歌就實在太多啦，尤其是經典歌實走唔甩。其中有首歌，如果唔唱一定唔放過我，就係『跑Online』（《Fantasy Tale》主題曲）。」她表示每次表演都有人點唱，「呢首歌俾大家好多回憶，或者好多唔同嘅意義，係一首好開心嘅歌。」
Stephy笑說「跑Online」一定會唱。
至於跳舞部份，Stephy由女團出道，跳唱是她成長嘅紀錄，她笑說：「我都有少少『身癢癢』都想跳吓舞，不過平時喺屋企郁吓，好耐無試過喺咁多人面前跳舞，有啲緊張和期待。」她還透露正在構思其他驚喜表演，目前先賣關子。
至於跳舞部份，Stephy表示都有少少「身癢癢」，但目前先賣關子。
演唱會詳情：
STEP by STEPHY 鄧麗欣紅館演唱會2025
日期：2025年3月14至15日
時間：8:15PM
地點：紅磡香港體育館
票價：HK$ 1,180 / $680 / $480
主辦機構：寰亞娛樂 / 東亞娛樂
東亞銀行信用卡獨家優先訂票：
優先訂票日期：2024年12月2日（上午10時）至12月4日（晚上11時59分）
優先訂票渠道：www.hotdogtix.com 或 HotdogTIX手機應用程式
*東亞銀行信用卡持卡人請先登記成為HotdogTIX會員，以享優先訂票。
注意事項：主辦機構呼籲市民應循正式途徑購票，以免受騙及招致損失。有關票務詳情，請參閱購票網站之條款及細則說明。
