元朗「腦細」貓店長新屋入伙小童擲石贈興？ 網民一捏汗：好彩阿媽扯住佢

元朗一間寵物用品店早前給其「腦細」貓店長「雲吞」置了一間新屋，並命名為「喵當勞」。戴金頸鍊的「雲吞」擁有一副大老闆身型，上載相片的寵物用品店fb小編發帖笑指「喵當勞好街坊分店！正式投入服務！」，並特別提到「係正門只可以睇到『腦細』嘅尾巴，但後面有廣闊嘅空間」。

元朗一間寵物用品店給其「腦細」貓店長「雲吞」置了一間新屋。網圖

戴金頸鍊的「雲吞」擁有一副大老闆身型。網圖

新屋命名為「喵當勞」。網圖

「喵當勞」帖文4月1日早上發布，同日下午卻差點發生不愉快事件，據寵物用品店fb小編指「2023年4月1日下午15:07分左右，有小朋友企圖用大石頭丟『腦細』，好在阿媽及時阻止」。

寵物用品店fb小編續稱，「想提醒下各位家長，看管及教育好你哋嘅小朋友，唔好對住貓貓大聲尖叫或者丟石頭引起貓貓注意。我哋冇限制大家同『腦細』互動，係知有好多屋企有原因養唔到小動物，又好鍾意小動物嘅朋友，可以多個接觸小動物嘅機會，請各位家長多多留心！」。

寵物用品店fb小編提及事件。網上截圖

涉事石塊如手掌般長。網圖

閉路電視片段見到事發時「雲吞」正在店外，躺於「喵當勞」新屋曬太陽。小朋友被大人拖著路過時，見到「雲吞」即顯得相當好奇及雀躍，並甩開家長的手自行上前小心翼翼左看看，右看看。從天眼片段的錄音可以聽到路人讚「雲吞」好可愛，小朋友則不斷好奇發問，其家長提醒「你唔好嚇親佢呀，你唔好咁大聲呀，你嚇親佢呀」。

一行人行過「雲吞」後，小朋友對「雲吞」還是依依不捨，一步三回首地離開，正準備轉身之際，在路中心見到一塊相信是涉事石塊，於是隨手拾起並作勢向「雲吞」方向擲去，估計是天真的小朋友企圖引起貓咪的注意，幸而即時被同行的家長制止。

小朋友被大人拖著路過時，見到「雲吞」即顯得相當好奇及雀躍。網上截圖

從相片見到，涉事石塊手掌般長，寵物用品店fb小編指「好在阿媽阻止及時，如果咁大舊打到『腦細』都唔知會點」。回應的網民都替「雲吞」捏一把汗，指事件好彩，「好彩阿媽扯住佢」、「哎！可以點啫，唯有次次放大佬喺出面時，要睇實啊！睇實啊！」。另有人指出「家教好重要呢！」、「希望阿媽會好好教返小朋友」、「拖實同教育好重要」、「大要教個細」。

說回「喵當勞」，網民均大愛這新居，形容為「貓肥屋潤」、「前鋪後居首選」，直指「間貓M記好可愛」、「『雲吞』好得意」，並爭相光顧——「唔該店長要個七號餐拎走」、「我想要個雙層芝士孖寶」、「我想要蘋果批呀」。另有網民指「雲吞」「賣魚柳包」、「唔係麥叔叔，係喵叔叔」，還笑說「這豬怎麼貓裏貓氣的」。

帖文來源：好街坊寵物、香港貓店長關注組

小朋友正準備轉身之際，在路中心見到一塊相信是涉事石塊，於是隨手拾起。網上截圖

小朋友正準備轉身之際，在路中心見到一塊相信是涉事石塊，於是隨手拾起並作勢向「雲吞」方向擲去。網上截圖

小朋友即時被同行的家長制止。網上截圖

兩餸飯自疫情開始，已成為家庭主婦及打工仔的不二之選，時至今日受歡迎的程度仍未減退，最近更有兩餸飯店進駐數碼港商場，引起網民熱議。

FB圖片

商場力推指是另一高質選擇

數碼港商場的社交平台早前宣布一間名為「1+2小廚」的兩餸飯店登陸商場，帖文表示小店每日會供應近15款小炒，配上白飯，菜式更會定期更換，除了務求令上班族飽足，亦希望能提供另一高質選擇。還大sale小店供應 「有住家飯感覺，方便快捷又有質素」的兩餸飯！

FB圖片

兩餸飯定價55元未包汽水

帖文中更附有一些小炒照片如魚香茄子、鳳梨炒肉、香辣四季豆、咖哩牛腩、鎮江骨等，亦顯示一客兩餸飯定價是55元，未包汽水。

FB圖片

網友：貝沙灣啲人真係會去食咩？

帖文引來網民關注，有人認為55元定價太高，「55蚊兩餸飯咁貴！」、「55蚊喺出面食到兩盒」、「四季豆同茄子係最平嘅蔬菜之一，咁X樣就賣$55」亦有人質疑貝沙灣的居民會否成為其顧客，「貝沙灣啲人真係會去食咩？」、不過都有網民認為有得做「其實愈有錢嘅人愈唔捨得使錢，啲高層食麥當勞14蚊包就算，所以其實有得諗」、「Target係嗰度返工同埋上面醫學院落嚟嘅師生」。

FB圖片

網民笑言：下一個目標係殺入山頂！

網民笑言兩餸飯店已遍佈香港各區，指「下一個目標係殺入山頂，跑馬地要等吓先」、「兩餸飯橫掃港九新界，所向無敵」。

示意圖。《愛回家》劇照