元朗「腦細」貓店長新屋入伙小童擲石贈興？ 網民一捏汗：好彩阿媽扯住佢

元朗一間寵物用品店早前給其「腦細」貓店長「雲吞」置了一間新屋，並命名為「喵當勞」。戴金頸鍊的「雲吞」擁有一副大老闆身型，上載相片的寵物用品店fb小編發帖笑指「喵當勞好街坊分店！正式投入服務！」，並特別提到「係正門只可以睇到『腦細』嘅尾巴，但後面有廣闊嘅空間」。

元朗一間寵物用品店給其「腦細」貓店長「雲吞」置了一間新屋。網圖

戴金頸鍊的「雲吞」擁有一副大老闆身型。網圖

新屋命名為「喵當勞」。網圖

「喵當勞」帖文4月1日早上發布，同日下午卻差點發生不愉快事件，據寵物用品店fb小編指「2023年4月1日下午15:07分左右，有小朋友企圖用大石頭丟『腦細』，好在阿媽及時阻止」。

寵物用品店fb小編續稱，「想提醒下各位家長，看管及教育好你哋嘅小朋友，唔好對住貓貓大聲尖叫或者丟石頭引起貓貓注意。我哋冇限制大家同『腦細』互動，係知有好多屋企有原因養唔到小動物，又好鍾意小動物嘅朋友，可以多個接觸小動物嘅機會，請各位家長多多留心！」。

寵物用品店fb小編提及事件。網上截圖

涉事石塊如手掌般長。網圖

閉路電視片段見到事發時「雲吞」正在店外，躺於「喵當勞」新屋曬太陽。小朋友被大人拖著路過時，見到「雲吞」即顯得相當好奇及雀躍，並甩開家長的手自行上前小心翼翼左看看，右看看。從天眼片段的錄音可以聽到路人讚「雲吞」好可愛，小朋友則不斷好奇發問，其家長提醒「你唔好嚇親佢呀，你唔好咁大聲呀，你嚇親佢呀」。

一行人行過「雲吞」後，小朋友對「雲吞」還是依依不捨，一步三回首地離開，正準備轉身之際，在路中心見到一塊相信是涉事石塊，於是隨手拾起並作勢向「雲吞」方向擲去，估計是天真的小朋友企圖引起貓咪的注意，幸而即時被同行的家長制止。

小朋友被大人拖著路過時，見到「雲吞」即顯得相當好奇及雀躍。網上截圖

從相片見到，涉事石塊手掌般長，寵物用品店fb小編指「好在阿媽阻止及時，如果咁大舊打到『腦細』都唔知會點」。回應的網民都替「雲吞」捏一把汗，指事件好彩，「好彩阿媽扯住佢」、「哎！可以點啫，唯有次次放大佬喺出面時，要睇實啊！睇實啊！」。另有人指出「家教好重要呢！」、「希望阿媽會好好教返小朋友」、「拖實同教育好重要」、「大要教個細」。

說回「喵當勞」，網民均大愛這新居，形容為「貓肥屋潤」、「前鋪後居首選」，直指「間貓M記好可愛」、「『雲吞』好得意」，並爭相光顧——「唔該店長要個七號餐拎走」、「我想要個雙層芝士孖寶」、「我想要蘋果批呀」。另有網民指「雲吞」「賣魚柳包」、「唔係麥叔叔，係喵叔叔」，還笑說「這豬怎麼貓裏貓氣的」。

帖文來源：好街坊寵物、香港貓店長關注組

小朋友正準備轉身之際，在路中心見到一塊相信是涉事石塊，於是隨手拾起。網上截圖

小朋友正準備轉身之際，在路中心見到一塊相信是涉事石塊，於是隨手拾起並作勢向「雲吞」方向擲去。網上截圖

小朋友即時被同行的家長制止。網上截圖

不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！

影片截圖

醒返時車內空無一人車門被鎖

有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。

港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。

影片截圖

網友同情：睇嚟你真係好眼瞓

不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。

影片截圖

有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。