離職派「呢樣嘢」做散水餅遭同事嫌Cheap 網民嘆：扭曲原意

離職派「散水餅」是香港特有的職場文化，無論「散水餅」是貴是平，都是離職同事對大家的一番心意。近日就有一網民於討論區發文表示同事即將離職，卻以港式麵包作為散水餅。雖然樓主覺得並無不妥，但其他同事卻嫌「cheap」。此帖一出引來網民熱議，很多人表示覺得港式麵包比西餅更好吃；有網民認為重點是心意不是價錢；不過有人表示要請客就應該要體面一點。

有網民於討論區以「同事嫌棄人地買散水餅」為題發文。

該網民於香港討論區以「同事嫌棄人地買散水餅」為題發文，指公司有位同事在「last day」請大家吃散水餅，並叫同事們自己去水茶水間拿餅吃，豈料散水餅竟全是港式麵包「都幾多選擇嫁…有雞尾包、菠蘿包、麥包、吞拿魚包同腸仔包」。樓主對於同事以港式麵包作為散水餅並不抗拒，但其他同事則非常嫌棄「我仲聽到有d同事話請食麵包好cheap」，亦有部分同事嫌「冇創意」。

樓主對於同事以港式麵包作為散水餅並不抗拒，但其他同事則嫌「cheap」。

樓主覺得現在買一個麵包也不便宜，而且散水餅並不是必要，批評同事們拿了便宜還要求多多「我想講依家食個麵包都唔平嫁，我心諗請你食都仲要創意？免費嫁喎…人地大可以唔買嫁，請你地食仲嫌三嫌四…依家食個散水散都禁高要求嫁咩」。

示意圖

網民們議論紛紛，不少人對以港式麵包作為散水餅表示欣賞「如果係新鮮嘅菠蘿包，卜卜脆嘅，好食過好多散水餅啦」、「我個人鐘意食雞尾包」、「我自小也喜歡，尤其新鮮熱辣的」、「咁嘅散水餅唔錯喎，其他人唔食我幫佢食埋，兩個包當一餐，」、「蛋撻好食呀，就算係都形式姐有得食咪算囉。而家通脹咁厲害，人工又唔會加好多」、「麵包幾好喎，有得拎返屋企當宵夜或明早當早餐」、「其實我反而覺得麵包唔錯，留起嚟做早餐」。

有網民認為很多人也期望別人以高級西餅作為散水餅，扭曲了派散水餅的本質。示意圖

也有不少網民認為派散水餅的原意已被扭曲，吐槽散水餅文化：

「真心唔鍾意散水餅文化，一間公司入邊，你亦未必鍾意所有人，人地亦未必鍾意你，勉為其難派散水餅俾對方，請同事食嗰個都尷尬。仲要派咗都俾人話cheap，又唔諗吓自己值唔值得人哋請食更好先」；

「出聲話請麵包好cheap嘅人自己仲cheap。時至今日，散水餅文化係一種選擇性禮貌，我覺得冇必要針對他人嘅善意作講出呢啲咁mean嘅說話」；

「到呢家都唔明散水餅存在嘅意義，難聽啲講句，離開咗間公司基本上都唔會再聯絡咁滯，同陌路人差唔多咁上下，做乜我仲要攞舊錢出嚟請佢哋食嘢，你話好friend嘅話就一齊出去食餐飯好過啦散水餅就算啦」；

不過亦有人覺得要請就應該大方得體一點「散水餅，已經升級到網紅網店，派親都幾十蚊一件，XX西餅都比人厭。派麵包…除咗讚新鮮感十足，真係唔大方得體」、「一係就型到索性唔好請散水餅，一係就型到請體面啲既散水餅，唔好諗住懶有型咁又要請又要度縮，又要威又要戴頭盔，依啲叫柒」。

網民議論紛紛，各抒己見。

帖文來源：香港討論區

八達通是港人日常出行、逛街購物的必備之物，不過近日，有網民在網上發文求助，指自己不慎將八達通「一分為二」，由於裏面還有約$300餘額，故向神通廣大的網友求助。

網上圖片

網民爆笑留言「由八達通變2張四達通」

該網友在Threads上發文，指自己「唔小心整斷左張八達通，內有300-400餘額，點算」，事主走投無路，惟有網上發文向網友求助。而帖文曝光很快掀起網民熱議，有網民爆笑留言，「由八達通變2張四達通」、「是咪變四通八達」

《愛回家》示意圖片

「今次真係八達都不通」

還有網友「安慰」事主：「而家你有兩張各有$150-$200餘額嘅八達通」、「攞支AA膠，黐埋兩邊，放入微波爐叮30秒，張卡就識AA制㗎啦」、「今次真係八達都不通」、「變成四通八達」。

網上圖片

熱心網友提出解決方法：「可以去地鐵站客戶服務中心買過張卡」

亦有熱心網友提出解決方法：「可以去地鐵站客戶服務中心買過張卡」、「有無得入八達通號碼落電話八達通，可以嘅話就成功轉移到啲錢」、「拎去客服中心填form，申請退款」。