陳湛文(Peter)和伍詠詩(Sze Sze)在電影《命案》中首度合作,戲中兩人有見血肉搏戲,由於角色關係,Peter在片中有大量動作場口,曾試過誤傷對手,用錯力後學精先未有再傷Sze Sze 。對於難得跟前輩林家棟合作,兩人都大讚學到嘢。
Peter和 Sze Sze得知接拍《命案》既緊張又期待,因為可以跟監製杜琪峯、導演鄭保瑞和林家棟合作,當時拍完《三夫》後曾轉行的Peter更作出重大決定,「嗰時我做緊主題公園嘅全職,一聽到個班底諗都唔諗,我要辭職啦,哈哈!」
點擊看圖輯
被Peter打到嘔的黃呈欣(左一),早前跟Peter和Sze Sze出席《命案》記者會。
Sze Sze戲中被Peter五花大綁,仲要畀膠紙封嘴。
26歲的Sze Sze戲中好賭經常流連投注站,現實她只在18歲生日去過一次。
Peter驚訝初次合作的鄭保瑞導演好溫柔,唔似陳果一樣是魔鬼導演。
電影中Peter以動作表達多於對白,對他是一大挑戰。
Sze Sze和Peter都大讚前輩林家棟,非常照顧後輩。
陳湛文連環整傷對手Lokman都有份,伍詠詩拍《命案》要五花大綁慘過被打。
被Peter打到嘔的黃呈欣(左一),早前跟Peter和Sze Sze出席《命案》記者會。
Sze Sze戲中被Peter五花大綁,仲要畀膠紙封嘴。
家棟懶理腰患繼續打
為應付戲中動作場口,Peter和Sze Sze開拍前已接受動作指導訓練,但到拍攝時一樣好難應付。Peter說:「最驚勉強用死力會整傷對手,但拍出嚟又冇效果,咁就大鑊!開鏡頭一、兩組,我要對付大欣(黃呈欣)(戲中飾演鳳姐),大欣咪就係俾我舂到嘔,個頭俾我舂到腫咗𠻹!哈哈!」Peter仲笑Sze Sze係第二個拍,「你要多謝大欣幫你擋咗一劫,Lokman都受咗我唔少真力!好彩佢有跆拳底。」Sze Sze最深刻則是被Peter五花大綁戲份,「連休息都要綁住又黐住膠紙,唔甩得嗰種感覺,較打戲更辛苦,不過亦幫到投入角色。」
26歲的Sze Sze戲中好賭經常流連投注站,現實她只在18歲生日去過一次。
Sze Sze演鳳姐,經常着小背心及短裙演出。
Peter驚訝初次合作的鄭保瑞導演好溫柔,唔似陳果一樣是魔鬼導演。
兩人又大讚跟前輩林家棟合作學到嘢。Sze Sze說:「有場戲同家棟和Lokman拍,我要試唔同take畀導演揀,家棟每個take都同我對戲,令我好緊張同唔好意思,呢個前輩真係好提攜新人。」Peter有場戲跟Lokman對打,林家棟從旁指導,「佢驚我哋受傷,好願意分享點樣令到件事更逼真,對方又唔會受傷,另外有場戲我要掹開家棟哥,咁啱佢瞓低個位撞到攝影機條軌,事後我哋先知佢本身有腰患,但佢噴完止痛劑休息咗20分鐘,就埋位繼續做動作戲,佢唔係用言語嚟教,係身體力行話畀我聽點做。」
電影中Peter以動作表達多於對白,對他是一大挑戰。
Sze Sze和Peter都大讚前輩林家棟,非常照顧後輩。
陳湛文連環整傷對手Lokman都有份,伍詠詩拍《命案》要五花大綁慘過被打。
《逆轉上半場》順利煞科!
由掌賞綜藝集團、無限動力出品,柯星沛、張潔妮監製、黃柏基執導,郭逸材編劇,由一眾好戲演員,包括梁詠琪(GiGi)、陳湛文、朱栢康、梁雍婷(Rachel)、陳輝虹、凌文龍及陳獻略主演,聯同一班來自各階層,熱愛足球的年輕小演員,拼湊出勵志喜感電影《逆轉上半場》,經過炎夏暑假的拍攝,日前順利煞科完成拍攝,主創亦趁機會開香檳慶祝,分享喜悅。
勵志電影《逆轉上半場》順利煞科
電影《逆轉上半場》拼湊出觸動人心的故事
大合照
主創趁機會開香檳慶祝
Cheers!
憑電影《逆轉上半場》喚醒良知與信念,拼湊出觸動人心的故事,發放巨大正能量,通過像人生一樣的足球比賽,講述成年人以至小朋友皆會遇到的逆境挫折,如何克服困難、迎接挑戰和面對引誘,如何給予原諒自己的機會,以勵志激盪的故事,化成電影呈現大銀幕,成為人生導向指標,而戲中演員還有王致狄、林諾、陳諾霆、周祉月、譚峻然、單焯翹、黃梓賢及梁愛等。《逆轉上半場》日前在大角咀一所大廈天台拍攝煞科戲,在一片歡笑聲中完成,梁詠琪分享,她喜歡演搞笑喜劇,遇到有喜感的演員更加開心投契,GiGi說:「首次同湛文、朱栢康合作,有唔少對手戲,拍攝期間會撞出火花,好多場戲都係輕輕鬆鬆,大家一齊撞出爆笑、喜劇效果,有朱栢康、陳湛文在場一定好笑。」朱栢康笑言:「其實我好嚴肅。」GiGi笑指其實朱栢康嚴肅就是好笑。陳湛文說:「GiGi前輩係好搞笑,其實我鍾意做悲劇,但不代表做得到。」
梁詠琪(GiGi)
梁雍婷(Rachel)
陳輝虹
朱栢康
陳湛文
眾演員指今次在炎熱暴曬的高溫天氣下拍攝是最大挑戰,GiGi回想:「我諗今次暴曬係一生難忘﹗因為小朋友關係,我們要趁暑假完成所有拍攝,時間上很緊湊。」陳湛文說:「GiGi同我講,話佢好耐冇試過拍嘢戲咁辛苦。」GiGi尷尬回應:「我淨係敢同你(陳湛文)講咋﹗因為其他人仲辛苦。」湛文補充:「因為我哋好多劇組人員連續三日都有人中暑,個太陽真係好冧。」GiGi解釋說:「因為我哋主要在球場拍踢波戲,落場的小朋友曬住最辛苦,但佢哋休息時候仍然繼續踢波,我哋都曬燶咗。」GiGi續說:「除咗熱之外,有一晚返到屋企感到很眼睏,雙腳又抽筋,我掙扎當刻是要處理雙腿還是要瞓覺,最終選擇瞓覺先,我唔理抽筋都照瞓。」GiGi表示終於完成今次艱辛拍攝,會獎勵自己去按摩揼骨放鬆自己,朱栢康、陳湛文讚同表示可以相約一齊去。梁雍婷跟陳獻略在戲中飾演兩夫妻,二人表示甚有默契,梁雍婷說:「難忘事係暴曬,但同時感謝天公造美,我哋有好多戶外拍攝天氣都好好。」陳獻略說:「最難忘係家中的一場食飯戲,因為我好耐冇同家人一齊食飯,可以跟Rachel演一家人一齊食飯,感覺很好。」