《逆轉上半場》梁詠琪難抵暴曬高溫拍攝 陳湛文朱栢康撞出喜感梁雍婷陳獻略晒恩愛

《逆轉上半場》順利煞科！

由掌賞綜藝集團、無限動力出品，柯星沛、張潔妮監製、黃柏基執導，郭逸材編劇，由一眾好戲演員，包括梁詠琪（GiGi）、陳湛文、朱栢康、梁雍婷（Rachel）、陳輝虹、凌文龍及陳獻略主演，聯同一班來自各階層，熱愛足球的年輕小演員，拼湊出勵志喜感電影《逆轉上半場》，經過炎夏暑假的拍攝，日前順利煞科完成拍攝，主創亦趁機會開香檳慶祝，分享喜悅。

勵志電影《逆轉上半場》順利煞科

電影《逆轉上半場》拼湊出觸動人心的故事

大合照

主創趁機會開香檳慶祝

Cheers！

憑電影《逆轉上半場》喚醒良知與信念，拼湊出觸動人心的故事，發放巨大正能量，通過像人生一樣的足球比賽，講述成年人以至小朋友皆會遇到的逆境挫折，如何克服困難、迎接挑戰和面對引誘，如何給予原諒自己的機會，以勵志激盪的故事，化成電影呈現大銀幕，成為人生導向指標，而戲中演員還有王致狄、林諾、陳諾霆、周祉月、譚峻然、單焯翹、黃梓賢及梁愛等。《逆轉上半場》日前在大角咀一所大廈天台拍攝煞科戲，在一片歡笑聲中完成，梁詠琪分享，她喜歡演搞笑喜劇，遇到有喜感的演員更加開心投契，GiGi說：「首次同湛文、朱栢康合作，有唔少對手戲，拍攝期間會撞出火花，好多場戲都係輕輕鬆鬆，大家一齊撞出爆笑、喜劇效果，有朱栢康、陳湛文在場一定好笑。」朱栢康笑言：「其實我好嚴肅。」GiGi笑指其實朱栢康嚴肅就是好笑。陳湛文說：「GiGi前輩係好搞笑，其實我鍾意做悲劇，但不代表做得到。」

梁詠琪（GiGi）

梁雍婷（Rachel）

陳輝虹

朱栢康

陳湛文

眾演員指今次在炎熱暴曬的高溫天氣下拍攝是最大挑戰，GiGi回想：「我諗今次暴曬係一生難忘﹗因為小朋友關係，我們要趁暑假完成所有拍攝，時間上很緊湊。」陳湛文說：「GiGi同我講，話佢好耐冇試過拍嘢戲咁辛苦。」GiGi尷尬回應：「我淨係敢同你（陳湛文）講咋﹗因為其他人仲辛苦。」湛文補充：「因為我哋好多劇組人員連續三日都有人中暑，個太陽真係好冧。」GiGi解釋說：「因為我哋主要在球場拍踢波戲，落場的小朋友曬住最辛苦，但佢哋休息時候仍然繼續踢波，我哋都曬燶咗。」GiGi續說：「除咗熱之外，有一晚返到屋企感到很眼睏，雙腳又抽筋，我掙扎當刻是要處理雙腿還是要瞓覺，最終選擇瞓覺先，我唔理抽筋都照瞓。」GiGi表示終於完成今次艱辛拍攝，會獎勵自己去按摩揼骨放鬆自己，朱栢康、陳湛文讚同表示可以相約一齊去。梁雍婷跟陳獻略在戲中飾演兩夫妻，二人表示甚有默契，梁雍婷說：「難忘事係暴曬，但同時感謝天公造美，我哋有好多戶外拍攝天氣都好好。」陳獻略說：「最難忘係家中的一場食飯戲，因為我好耐冇同家人一齊食飯，可以跟Rachel演一家人一齊食飯，感覺很好。」

GiGi笑言：「其實我都加緊油，搽多啲美白希望快啲白番。」

由掌賞綜藝集團、無限動力出品，柯星沛、張潔妮監製、黃柏基執導，郭逸材編劇，由一眾好戲演員，包括梁詠琪（GiGi）、陳湛文、朱栢康、梁雍婷（Rachel）、陳輝虹、凌文龍及陳獻略主演，聯同一班來自各階層，熱愛足球的年輕小演員，拼湊出勵志喜感電影《逆轉上半場》，前晚（9月10日）舉行煞科宴，慶祝順利完成拍攝，兼召集劇組台前幕後一齊團圓慶祝中秋節。

勵志電影《逆轉上半場》舉行煞科宴。

憑電影《逆轉上半場》喚醒良知與信念，拼湊出觸動人心的故事，發放巨大正能量，通過像人生一樣的足球比賽，講述成年人以至小朋友皆會遇到的逆境挫折，如何克服困難、迎接挑戰和面對引誘，如何給予原諒自己的機會，以成年人的下半場，扭轉小朋友的上半場，以勵志激盪的故事，化成電影呈現大銀幕，成為人生導向指標，而戲中演員還有王致狄、林諾、陳諾霆、周祉月、譚峻然、單焯翹、黃梓賢及梁愛等。

梁詠琪為出席煞科宴的小演員準備傳統燈籠慶中秋。

梁雍婷

愛心滿滿的梁詠琪與梁雍婷，為出席煞科宴的小演員準備傳統燈籠慶中秋，GiGi說：「我哋拍完部戲，好開心可以再見番面，除咗煞科宴我哋可以預祝埋中秋節，可以食月餅。中秋節除咗趁機會食各式各樣月餅，仲會買竹紮燈籠畀個女玩，因為佢哋玩電燈籠多，見到傳統款式，我通常忍唔住會即刻買。我哋有時會掛到整個露台都係燈籠，其實只係玩一晚，但都係好認真，好有儀式感去玩呢一晚中秋節。」

台前幕後總動員迎中秋。

梁雍婷說：「我記得我哋細個時，會同屋企人一齊整燈籠，之前疫情都冇機會同屋企咁多人一齊食飯，有啲家人今年返咗嚟香港，所以期待再一大班人坐滿一圍食飯，真係好耐冇試過。」GiGi問Rachel有否覺得相隔半個月，再見到戲中的小演員感覺他們又長大了，Rachel笑言：「我覺得佢哋皮膚白得好快，新陳代謝係勁，因為我哋每個演員拍完球場戲都曬黑咗，但係佢哋皮膚好快回復變白，但係我嘅膚色仲未回復番正常。」GiGi笑言：「其實我都加緊油，搽多啲美白希望快啲白番。」

左起：陳獻略、凌文龍、朱栢康

陳獻略表示，為慶祝今次拍攝，要與朱栢康不醉無歸，他更笑言其實經常與朱栢康摸酒杯底，朱栢康笑言：「由於一眾小演員攜同父母到場，所以佢哋今晚冇得飲酒，哈哈！」二人異口同聲表示，最高興是可以一齊食飯、嘗月餅，迎接中秋節，期望新戲開拍續集。