生仔要考牌系列!
有人認為小朋友是一張白紙,雖有天生的性格,但不少行為和習慣都是後天由父母的教養方式所塑造出來的。雖然湊小朋友很辛苦,但若然父母放任小孩在公眾場合肆無忌憚玩鬧,甚至影響到他人也完全不管,那就真的令人髮指。近日有一玩具雜貨鋪店主於社交平台發文怒轟家長的奇葩行為,他稱日前有一班小朋友到他的店舖搗亂,肆意玩弄店舖裏的貨品,更影響做生意,而在旁的家長竟然只顧聊天並沒有制止。樓主非常生氣,於是發帖宣洩不滿,直斥「怪獸家長」。
該店主於店舖的Facebook專頁「叮叮辦館 HK Tram Store」發文,怒斥近日有一班「怪獸家長」只顧在店外傾計,未有管教自己的小朋友,任由他們在店內「搗亂搞搞震又無幫襯塞住哂」,以至有客人本想入內光顧也被嚇得轉身而去,影響店舖生意。
樓主更上載照片,當中一個魚絲吊著一排鐵珠的擺設,被小朋友玩完之後,鐵珠與魚絲全被纏繞著一塊,要樓主花時間整理「解X咗我半粒鐘先解完」。他非常生氣,指店舖是要交租要做生意的地方「我哋唔係遊樂場,亦都唔係托兒所」,更直斥「奉勸唔識教真係唔好生仔,生埋啲垃圾」。
此帖一出即引起網民熱議,不少網民贊同「要生就要教」,在公眾場所應管束孩子行為「搞唔掂,好怕的家長企喺遠一遠,由啲細路仔搞事。就算唔係搞事萬一有咩意外點算」、「養不教是父母之過,身為家長應該好好管教自已子女,呢啲叫做身教呀」、「我都晤明,點解D家長喜歡企街吹水,仲要係路中心,由得D細路攪攪震」、「係家教嘅問題,舖頭又講得無錯」。
還有人則叫樓主採取行動,不要縱容「怪獸家長」:「應該即刻話我幫你包起返屋企慢慢玩,以前細個年代整爛鋪頭野一定要比錢買」、「下次叫佢哋解返開先走得。解唔到就畀錢」、「捉住個細路出去搵家長賠錢」、「要求個家長企喺度自己解,解完先可以走,否則報警報刑毀,如果店主你好人的話,可以畀個家長以購買代替解繩既」。
有網民亦分享遇到「怪獸家長」的經歷:
「我試過屋苑公園,個阿媽同工人真係坐喺度,由得兩個仔喺度玩,我個女行過去玩,兩個細路仔對住我個女左右尖叫,好似趕佢走咁,我嬲到hi hi,坐喺度成碌木咁,連自己兩個仔做錯啲乜都唔知」
「我以前ifb做賣書,d媽媽真係當係托兒所咁,放企個仔叫佢咪係度睇書,自己去shopping,但個細佬有咩事,就話我哋冇好好睇住佢哋個仔女」
「我之前都有個學生上堂時整爛咗老師把間尺,跟住話老師用眼神啤佢叫佢吾好再整,最後家長投訴老師,整爛d野咋,做咩話我個仔啊,我仔吾開心」
「朋友做名店SA試過啲家長放啲小朋友入黎,啲小朋友係咁摸啲銀包,又捽又剩咁,完全無理,花左都吾知點算,啲小朋友仲要狂撞啲玻璃櫃,好癲」