泥鯭狂串姜濤得獎感言「short咗」 遭鏡粉炮轟小氣妒忌蝦後生仔

ViuTV音樂頒獎禮《CHILL CLUB推介榜 年度推介22/23》日前圓滿結束，當晚姜濤上台領「年度男歌手獎」銀獎時，用了近6分鐘向11位隊友致謝兼「示愛」，結果令外界議論紛紛！

RubberBand今次亦獲得「年度樂隊」銀獎，雖然當晚未有出席，但成員之一的泥鯭有睇電視直播，並連環出post狂嘲︰「多謝說話定係『鼓勵』說話？！WTX？！係咪short X咗？！修哥都講唔出啦」，結果引起兩邊fans展開罵戰！

男歌手銀獎得主姜濤就逐一點名多謝MIRROR 其餘11位兄弟，更自爆跟某些成員交流少，以及曾與Anson Lo有誤會。

姜濤將Anson Lo留到最後才點名，他表示：「我知道外界經常攞我哋嚟比較，我知道我哋好多支持者有時會因為我哋而有好多爭拗，但我想講我從來冇理過呢啲嘢，我想講我真心地……喺《全民造星》第一日開始……雖然我哋經歷過好多好多誤會，但我永遠都係最信你㗎！你知㗎！所以……I Love You（我愛你）。」而Anson Lo亦有點頭回應。

Anson Lo奪男歌手金獎時，提到家人一度感觸哽咽。

姜濤的言論引起不少爭議！

事緣是RubberBand獲獎後，主音6號拍片道謝並稱多做音樂少做無謂嘢，泥鯭先在FaceBook出po撐隊友兼「有骨」留言：「唱好啲歌先做啲小動作啦，＃全晚最啱聽嘅評語」，後來他更借勢連環出「地球(公開)PO」：「多謝說話定係『鼓勵』說話？！WTX？！係咪short X咗？！修哥都講唔出啦」、「攞終身成就獎嘅精神健康狀態」、「歌迷會夾份請個writer同看護俾佢啦要」。愈講愈興起的泥鯭到了頒獎禮接近尾聲時，再轉移焦點炮轟ViuTV並寫道：「嘩DLLM 頒唔尷尬，攞唔尷尬，唯有睇嘅尷尬」、「又一個大台的誕生」、「依家諗返當年亞太區最受歡迎男歌手真係『實至名歸』」、「下屆叱咜司儀會點玩呢段感言？」似是暗串ViuTV把三個男歌手獎全部給MIRROR成員，擺明偏幫自己友。

泥鯭先在FaceBook出po撐隊友兼「有骨」留言。

借勢連環出「地球(公開)PO」！

再轟ViuTV！

出PO狂轟！

今午更上載涉批評姜濤留言的截圖，並附上藍白封條，上面更打上「鏡安公署」並表示：「與有榮焉」。

由於泥鯭的帖文是公開，於是留言一出，隨即惹起兩派粉絲罵戰，有網民洗版為MIRROR護航：「身為前輩講呢啲，抵你無運行」、「你哋以為自己喺樂壇大哥？無品！」、「雖然你哋一把年紀，不過仲有時間努力嘅，唔好再妒忌人啦」。甚至還有人仲牽扯到黃心穎身上：「留言同揀女人一樣無腦，要黃心穎」、「細路仔都恰上台講幾句嘢都得罪你？」不過亦有唔少人撐泥鯭反駁：「真係為你偶像好就叫佢正視佢問題，唔係盲撐他只是個孩子」、「唔啱睇就過主，做乜要去人哋FB度吠？」泥鯭就無懼負評，繼續上載涉批評姜濤留言的截圖，並附上藍白封條，上面更打上「鏡安公署」並表示：「與有榮焉」。

網民留言。

網民留言。

網民留言。

泥鯭向來都很敢言。

RubberBand在英國展開首個巡迴個唱。

黃心穎（左三）亦有同行，罕有大晒二人甜蜜合照，公開高調放閃！

MIRROR、ERROR及ROVER一齊出動！

聖誕節這個普天同慶的日子將至，MIRROR、ERROR及ROVER一齊出動，於昨早突襲快閃現身一所中學，與700位師生見面，活動中他們除了獻唱歌曲外，更與同學仔大玩遊戲，實行與眾同樂，預祝聖誕。

Anson Lo

Anson Lo

Edan

Edan

Edan

肥仔

肥仔

肥仔

突襲快閃中學校園

突襲快閃中學校園

MIRROR的Jeremy（李駿傑）、姜濤、Anson Lo（盧瀚霆）、Edan（呂爵安） ，ERROR的Fatboy（梁業）及ROVER的Kim （卓金樂）、Jason（雷濠權）、亨仔（陳鎮亨）及希晉（王希晉）昨日齊齊現身樂善堂楊葛小琳中學，不過因為突襲關係，同學仔全不知情，所以一見擔任MC的Fatboy登場，已經十分興奮，而率先登場的ROVER，先以招牌式band sound唱出他們的歌曲《男孩子不要流淚》及《陪我一路漫遊》，隨後便與同學仔組隊大玩「體能challenge」，於一分鐘內鬥做最多下sit up。體能遊戲熱身過後，Fatboy為大家送上他的出道跳唱作品《Lady Killa》，招牌式chok爆舞姿與舞技，也贏得全場熱烈掌聲。

Jeremy

Jeremy

Jeremy

姜濤

與700師生預祝聖誕

與700師生預祝聖誕

獻唱新舊作品兼大玩遊戲

獻唱新舊作品兼大玩遊戲

獻唱新舊作品兼大玩遊戲

最後登場的有「Strawberry小組」的姜濤、Anson Lo、Edan與Jeremy，他們的出現，掀起了整個活動的高潮，全場陷入瘋狂狀態，四子先是唱出《Strawberry Love》，這次是他們首唱這歌，台下老師與同學可謂大飽耳福。唱歌過後，MIRROR四子特邀老師及同學仔上台一同組隊玩「大電視」遊戲，其中有老師帶來應援紙扇，結果成功吸引到Edan的注意，上台參與遊戲，而玩遊戲時，Jeremy表現精靈秒殺問題，跟同學仔合拍度爆燈！而勝出者更得到各成員的簽名卡，羨煞旁人。

遊戲過後，四子亦分別唱出他們的solo單曲，先有Jeremy唱出《Closer》，接著便是姜濤演繹《Master Class》，他在音樂過場時技癢更跳起舞來，引得全場尖叫，隨後Anson Lo接棒演出唱出《Hey Hey OK!》， 台下一眾師生也上演了一幕全場大合唱，大家更跟著Anson Lo跳出「Hey Hey OK」的舞步，場面震撼，而Edan則送上他的《E先生連環不幸事件》，也令全校師生聽得如痴如醉。聽過四人各自solo後，台下當然仍未夠喉，頻頻大喊encore，於是MIRROR再唱出《IGNITED》，然後各單位再度齊集台上，與全場大合照，這次的突襲快閃活動才告圓滿結束。

與700師生預祝聖誕

事後，眾人均表示已很久沒有走入校園，這次來到中學演出當然很開心，但同時亦令大家勾起不少學生時代的記憶，紛紛說很懷念中學的生活。MIRROR、ERROR及ROVER於明年將會參與更多校園活動，有關詳情，敬請密切留意。