鄧小巧宣布加盟英皇 做音樂自由度高係主因

34歲歌手鄧小巧去年和加拿大男友「白先生」拉埋天窗，在加拿大享受過一段幸福人妻生活之後，終於回港繼續自己的音樂夢想，正式宣布加盟英皇娛樂，據悉，本月的月底可能就出新歌。

舊年鄧小巧和加拿大「白先生」在加拿大結婚

鄧小巧在社交平台公布加盟時，亦同網友分享了自己的心聲：「曾經打算離開音樂行業，上年返嚟踏上舞台好幾次，實在太喜愛表演、喜愛音樂、喜愛觀眾，於是同白先生從半個地球以外嘅地方，又回到自己喜愛嘅舞台。到今日，上台前嘅緊張同期待，同喺讀梁省德聖誕聯歡歌唱比賽時嘅感覺依然一樣，自己依然係嗰個因爲可以表演、因爲有觀眾而血脈沸騰嘅小小歌者。」

英皇都正式宣布鄧小巧加入大家庭

原來鄧小巧在加入前都有過擔憂：「同T-MA開始製作新歌嘅時候，歌詞寫好了，碰巧英皇娛樂一位高層話想同我見面，起初我有一啲猶豫，因為害怕大公司會很難溝通同有一大堆僵硬嘅制度，但佢說沒有Agenda，就當認識新朋友吧。」

鄧小巧之所以決定加入英皇娛樂，最主要係因為英皇會給足夠的自由空間製作音樂：「當我同佢講我做音樂嘅理念，佢話如果我哋有機會合作，公司絕對會給予我最大的自由度，絕不干擾。亦的確，第一首歌嘅製作，一個音符一個歌詞也沒有要求我改變過。第一次返新公司和同事見面開會的時候，佢哋同我講『希望你唔好因為入一間新公司而改變自己，我哋希望提供養份俾你成長，而唔係改變你嘅本質』。當時內心的確有點小感動，加入新公司，好好吸收養份，繼續如初好好享受音樂及舞台。」咁我們就一起來期待一下鄧小巧加入英皇後第一個新作品啦。

期待一下鄧小巧新的音樂作品啦

小巧今年3月專程飛到台灣答謝Yoga。

鄧小巧日前到新城廣播接受黎莉主持的《勁爆樂勢力》錄音訪問，宣傳由林宥嘉（Yoga）寫給她的新歌《神愛世人》，小巧更在節目中透露Yoga驚喜贈歌的經過，直言感覺像中頭獎。訪間於9月4日播放。

鄧小巧日前到新城廣播接受黎莉主持的《勁爆樂勢力》訪問。

小巧去年宣傳歌曲《瀟灑》時，曾向媒體透露恨和Yoga合作，希望可以唱到對方寫的歌，報道出街後，Yoga的粉絲將這則新聞send給Yoga，小巧表示：「Yoga就上網搵我嘅資料，又聽我啲歌，可能咁樣對我產生咗啲印象；我冇個人邀請佢，同佢亦冇交情，有日公司收到個電話，話林宥嘉寫咗首歌畀我，大家都好愕然。」

小巧續說：「最神奇嘅係，我冇聯絡過佢，但佢靜雞雞已經寫好咗首歌，佢話係割愛畀我，同埋佢有同林家謙（監製）講過寫畀我，會問我係咩狀態，又會喺歌詞下面留言，暗地裡做咗好多嘢，然後畀驚喜我，我覺得我有啲似中頭獎。」

鄧小巧新歌《神愛世人》獲偶像林宥嘉作曲填詞兼客串MV。

小巧專程飛到台灣答謝Yoga！

為了答謝Yoga，小巧今年3月專程飛到台灣拜訪對方，她笑言：「我見到佢就變成鵪鶉咁，未坐低就已經送禮物畀佢，但大家傾咗好多偈。」小巧又自爆去年見偶像時表現失態，「我一見到佢就話『4年前睇你演唱會我未結婚，但依家我結咗婚喇』，講完嗰刻已經想打自己，結唔結婚關人鬼事咩，但因為太鍾意佢，好想同佢講嘢，佢好有家教同好有禮物話『恭喜、恭喜』！」

黎莉問小巧為何如此喜愛Yoga？小巧表示Yoga最吸引她的地方是聲音悅耳，「佢音色好靚，用聲嘅方法好動人，唔單止慢歌，唱快歌都好有爆炸力，同埋佢台風好好睇，企喺度唱歌唔郁都咁好睇。」

小巧今年3月專程飛到台灣拜訪偶像。