許廷鏗自爆有脂肪肝 密打羽毛球鍛練

受奧運氣氛感染，多做運動身體好。

巴黎奧運賽事正進行得如火如荼，為支持國家隊及香港隊運動員，新城知訊台節目《Ｚ世代咪高峰會》今日 (10日) 再次走出直播室。兩位節目主持T.MAX (海淦清) 和JY邀請多位Z世代歌手於奧海城二期中庭舉行《Z世代咪高峰Show之齊撐運動員》，包括：許廷鏗、鄧小巧、林智樂、林芊瑩、力臻、黃明德、蔡愷穎、MATCH。

由新城知訊台 主辦，信和集團、奧海城 全力帶動舉行之《Z世代咪高峰Show之齊撐運動員》，活動上，T.MAX、JY與歌手們玩遊戲，歌手們逐一以歌聲為國家隊及香港隊運動員打氣及恭賀所有得獎運動員，與市民繼續支持奧運熱潮，現場充滿一片活力！

（左起）林芊瑩、蔡愷穎、力臻、林智樂玩遊戲

活動期間，T.MAX與JY突然唱生日歌並送上兩個生日蛋糕，分別送給8月7日剛滿29歲的力臻，與及將於8月12日21歲生日的黃明德，給兩位壽星送上驚喜，並帶領全場大合唱生日歌。黃明德驚喜說：「完全估唔到呀，終於達成可以在新城電台慶祝生日啦！」T.MAX馬上笑言：「你轉數咁快，我同JY冇得撈啦！」黃明德隨後表示生日願望，最緊要大家安好。力臻生日願望所有朋友都健康及開開心心。

黃明德生日願望是大家安好

大會為剛滿29歲的力臻送上生日驚喜

力臻生日願望所有朋友都健康及開開心心。

鄧小巧在活動上首度公開演唱新歌《神愛世人》，反應熱烈。而組合MATCH指稱一向不鍾意打羽毛球，但在奧運期間被許廷鏗感染學打羽毛球，更讚許廷鏗是羽毛球高手：「在他薰陶下，我地愛上咗打羽毛球，依家日日練。睇到奧運動員咁努力，感染到我地都好努力做多啲作品。」

MATCH落力演唱

鄧小巧在活動上首度公開演唱新歌《神愛世人》

組合MATCH指稱一向不鍾意打羽毛球，但在奧運期間被許廷鏗感染學打羽毛球

許廷鏗則笑言因為身體已響警號（脂肪肝）所以要做少少運動打羽毛球。鄧小巧提議許廷鏗參加下屆奧運，許廷鏗馬上笑言：「我依家轉圈都有問題（肥），而且我的羽毛球水準與運動員相比，等同11:2。」鄧小巧則表示會繼續留意接著舉行的巴黎殘奧，支持殘疾運動員。力臻與林芊瑩都表示好期待欣賞殘奧，殘疾運動員更加需要大家支持！林芊瑩更希望為殘疾運動員做義工。

許廷鏗笑言身體已響警號

林芊瑩希望為殘疾運動員做義工

林智樂與蔡愷穎坦言運動唔掂，但也是巴黎奧運fans，蔡愷穎表示尤其劍擊項目，睇著張家朗「咬著」對手唔放不斷進攻，十分精彩。林智樂則笑言多謝奧運，令他不知不覺間調整了休息時間，晚上10時就上床瞓覺，晨早6點起身重睇奧運賽事，而奧運結束，他透露重返校園：「係時候pick up番學業。」

林智樂坦言運動唔掂，但也是巴黎奧運fans

蔡愷穎表示睇著張家朗「咬著」對手唔放不斷進攻，十分精彩。

小巧今年3月專程飛到台灣答謝Yoga。

鄧小巧日前到新城廣播接受黎莉主持的《勁爆樂勢力》錄音訪問，宣傳由林宥嘉（Yoga）寫給她的新歌《神愛世人》，小巧更在節目中透露Yoga驚喜贈歌的經過，直言感覺像中頭獎。訪間於9月4日播放。

鄧小巧日前到新城廣播接受黎莉主持的《勁爆樂勢力》訪問。

小巧去年宣傳歌曲《瀟灑》時，曾向媒體透露恨和Yoga合作，希望可以唱到對方寫的歌，報道出街後，Yoga的粉絲將這則新聞send給Yoga，小巧表示：「Yoga就上網搵我嘅資料，又聽我啲歌，可能咁樣對我產生咗啲印象；我冇個人邀請佢，同佢亦冇交情，有日公司收到個電話，話林宥嘉寫咗首歌畀我，大家都好愕然。」

小巧續說：「最神奇嘅係，我冇聯絡過佢，但佢靜雞雞已經寫好咗首歌，佢話係割愛畀我，同埋佢有同林家謙（監製）講過寫畀我，會問我係咩狀態，又會喺歌詞下面留言，暗地裡做咗好多嘢，然後畀驚喜我，我覺得我有啲似中頭獎。」

鄧小巧新歌《神愛世人》獲偶像林宥嘉作曲填詞兼客串MV。

小巧專程飛到台灣答謝Yoga！

為了答謝Yoga，小巧今年3月專程飛到台灣拜訪對方，她笑言：「我見到佢就變成鵪鶉咁，未坐低就已經送禮物畀佢，但大家傾咗好多偈。」小巧又自爆去年見偶像時表現失態，「我一見到佢就話『4年前睇你演唱會我未結婚，但依家我結咗婚喇』，講完嗰刻已經想打自己，結唔結婚關人鬼事咩，但因為太鍾意佢，好想同佢講嘢，佢好有家教同好有禮物話『恭喜、恭喜』！」

黎莉問小巧為何如此喜愛Yoga？小巧表示Yoga最吸引她的地方是聲音悅耳，「佢音色好靚，用聲嘅方法好動人，唔單止慢歌，唱快歌都好有爆炸力，同埋佢台風好好睇，企喺度唱歌唔郁都咁好睇。」

小巧今年3月專程飛到台灣拜訪偶像。