港媽一家欲睇恐怖片見無人買飛「徵街坊一齊睇」網笑： 其實「滿座」

其實好熱鬧喔！

看恐怖電影，最好當然是有人陪，但如果買飛時發現全場只得自己一家三口，你是否夠膽繼續睇？有港媽因為全場只得一家三口看恐怖片，於是誠徵街坊陪同，結果究竟如何？居於將軍澳康城的港媽日前於網上發文表示，打算一家三口晚上去戲院看恐怖電影《兒凶：血色大門》，但發現當晚10時20分的場次完全沒有人買戲飛，於是誠徵街坊一同觀看。帖文引來街坊打趣道，「全院滿座喎，你睇唔到？」、「我係網上搵唔到有呢個場次嘅？」、「3個入去睇，百幾個一齊出返來」。

GETTY圖片

該港媽早前於facebook群組發文表示「無聊一問，今晚我會一家三口諗住喺樓下康城10點4，夜晚睇《兒凶》，但係我發覺成間戲院冇人，諗住遊說下你哋一齊睇呀，等個戲院多啲人」。她又加標籤笑說，「#我唔驚我唔驚 #冇呀 #我有人陪㗎 #諗住問吓㗎咋」。從她上載的戲院座位表可見，該場次一張戲飛都未售出。

GETTY圖片

帖文引來一眾街坊留言，說笑嚇嚇樓主，「我入咗個app度睇，見到全院滿座無晒飛賣了」、「到時滿人㗎啦，你唔好周圍望就得」、「真要小心突然見很多人物體走來走去」、「一陣有人話你坐咗佢個位」、「3張票價包埸，超值，今晚一定好熱鬧」、「老友鬼鬼，放心啦！唔會搞自己人㗎！大家都係康城友」、「包場睇恐怖片其實係開心嘅！到時記得帶幾支香、十字架、桃木劍、符、蒜頭」。

GETTY圖片

樓主後來於留言區補充說，她想聽到尖叫聲，強調自己不怕看恐怖片，「我唔驚，只係想多啲人一齊睇熱鬧啲呀嘛，街坊街里一家人」，笑言「我唔相信我係包場嘅街坊」、「我要人！」、「落嚟一齊睇」。當沒人理睬她時，便說笑道「嗱嗱嗱，我第一次覺得你哋唔係好友善呀下，做唔到嘢」、「我覺得大家堅持唔睇！好唔友善！」。

不少熱心街坊更幫樓主跟進戲院賣飛情況，下午3時半左右時，只有樓主一家三口買了F行3個位，至晚上9時半左右、開場前1小時內，多了10人買飛陪樓主，之後又有人截圖該場次已售出16張戲飛。樓主看畢電影後再補充觀後感，表示「真係原來有人㗎喎，我哋真係比較遲入場」，又笑言觀看電影時「要成日向後望，因為後邊嗰兩條友好嘈」。

GETTY圖片

有港女於網上發相發文大呻，日前到旺角食品店買喉糖時疑取1張$100紙付款，惟店員以1個原因拒收，最終「嬲爆」表示「不買了」！

$100紙因1原因拒收

樓主於Facebook群組「香港突發事故報料區及討論區」發相發文，指她到旺角新世紀廣場某間食品店想買50元3包喉糖。然而，當她從銀包取出1張$100紙幣付款時，被店員以銀紙「損爛」為由拒絕收取，「唔好意思，呢張錢爛嘅唔收，可否換1張？」。

FB截圖

拎另1張$100再拒收

樓主取出另1張$100紙付款，沒想到職員再以「損爛」為由拒絕收取，「唔好意思，呢張都係爛嘅唔收」。樓主聞言超不滿，直接離開並指「唔好意思我冇全新嘅銀紙！不買了」，隨後又不忿說「我想講這200也是別的店舖找我的」。

2張銀紙上有約1厘米的裂痕

從上載相片可見，2張$100紙上方中間位置都有約1厘米裂痕，但其餘部份完好無缺，也沒有嚴重污漬，外觀可以稱得上為「新簇」。

FB圖片

網民批「吹毛求疵」

帖文引來熱議，有網民直指店舖做法不妥，「咁小裂紋都唔收」、「呢種爛法間間都收啦」、「可以攞去銀行換返」、「呢少少殘嘅痕好多錢都有，應該係間舖想焗你用電子貨幣」、「叫人以後唔好幫襯」、「過猶不及，吹毛求疵，去另外舖買吧！」。

有人指做法無可厚非

但亦有人認為店舖做法無可厚非，「佢真係有權唔收嘅」、「可能佢老闆要求唔收，否則罰個員工錢」、「因為銀行提款機入唔到」、「問題在於張一百蚊爛嘅可以拒收，就算人哋找錢張紙幣爛嘅都可以叫佢畀第二張」。 

示意圖

網民曬同款經歷

另有人分享同類經歷，「最近試過又係爛咗少少唔收，連銀行只要砌到完整一張都會收，唔知佢咩玩法，以前好多銀紙爛得仲勁都係咁用無試過唔收」、「試過去7仔……個5蚊有啲污糟，有一面太黑，都唔收」、「我以前做過快餐收銀，有同事收過斷開左嘅銀紙，只要個爛個位無整到個冧巴，係可以去返發行銀行更換」。

「霉霉爛爛」紙幣可否用？金管局拆迷思

「霉霉爛爛」紙幣到底是否可以使用？根據金融管理局網頁，「崩角」、「污漕」的銀紙仍可以使用；如有疑慮，可拿到發鈔銀行回收。

示意圖