劍擊港隊「大師兄」張小倫首個網上清談節目 《大師兄Friend嚟喇》不經不覺就做了八集,第八集亦係最後一集,導演為大師兄制造驚喜,欺騙他這集嘉賓除了 18項香港紀錄保持者,香港女子游泳選手兼藝人歐鎧淳外,另一位是蝦頭(楊詩敏)。於是大師兄刻意為蝦頭煮了蝦頭湯,還放埋蝦頭係湯入面,讓蝦頭有驚喜,但結果來的是Stephy(鄧麗欣),大師兄由細到大傾慕的女神,驚訝之外更是手騰腳震,但聊天到最後,他再也忍不住衝動,向Stephy 示愛,坦言細個曾經幻想過,如果第日大個Stephy 仲係單身,好想追佢。
![張小倫首個網上清談節目 《大師兄Friend嚟喇》第八集,邀請Stephy(鄧麗欣)同歐鎧淳做嘉賓。](https://image.bastillepost.com/1200x/wp-content/uploads/hongkong/2023/07/20230718_EN_張小倫鄧麗欣1.jpg.webp)
張小倫首個網上清談節目 《大師兄Friend嚟喇》第八集,邀請Stephy(鄧麗欣)同歐鎧淳做嘉賓。
![大師兄一直視Stephy為女神 !](https://image.bastillepost.com/1200x/wp-content/uploads/hongkong/2023/07/20230718_EN_張小倫鄧麗欣2.jpg.webp)
大師兄一直視Stephy為女神 !
大師兄當日進錄影棚,見到坐著的兩位女嘉賓當中,其中一個竟然係Stephy ,隨即驚訝大叫:「嘩!嘩!嘩!點解 ....係佢…我上次出席一個活動,本來話可以見到佢,最後冇,幾失望。嘩,今日見到...面都紅埋....」Stephy 笑道,「我係蝦頭喎,哈哈哈....你諗住問我咩問題....」大師兄隨即口啞啞,笑住話,「哎哋!佢地呃住我,我連問題呀乜都未有,我都覺得有古怪㗎啦 .......」
![仲當眾向Stephy示愛!](https://image.bastillepost.com/1200x/wp-content/uploads/hongkong/2023/07/20230718_EN_張小倫鄧麗欣3.jpg.webp)
仲當眾向Stephy示愛!
![張小倫化身廚神主持!](https://image.bastillepost.com/1200x/wp-content/uploads/hongkong/2023/07/20230718_EN_張小倫鄧麗欣4.jpg.webp)
張小倫化身廚神主持!
對著兩個靚女,大師兄埋位真正開工面對鏡頭,都有返專業態度,不過唔知係咪對住心目中女神,比平日多咗少少拘謹,「佢地話有個嘉賓食素同白肉、所以我整咗波菜千層面,同煲咗個海鮮湯...」飲湯時Stephy大讚,「嘩,好飲喎!」令大師兄十分開心,到節目差不多尾聲,他再也按不住興奮的小fans情緒,向著鏡頭坦白說,「節目組問過我,鐘意訪問咩女藝人,我話我中學時真係好鐘意佢,(望向Stephy)我仲話,我好想追佢呀,假如佢依家仲單身嘅話。」Stephy就笑道,「我都話,最唔想就係啲人見到我,同我講細細個就鐘意我囉.....哈哈... 」大師兄,「真係好多謝你肯上我個節目,傾完計,好舒服,好開心,你哋唔明㗎啦,哈哈!」
![張小倫坦言細個曾經幻想過,如果第日大個Stephy 仲係單身,好想追佢。](https://image.bastillepost.com/1200x/wp-content/uploads/hongkong/2023/07/20230718_EN_張小倫鄧麗欣5.jpg.webp)
張小倫坦言細個曾經幻想過,如果第日大個Stephy 仲係單身,好想追佢。
![兩個靚女嘉賓。](https://image.bastillepost.com/1200x/wp-content/uploads/hongkong/2023/07/20230718_EN_張小倫鄧麗欣6.jpg.webp)
兩個靚女嘉賓。
節目過後, 大師兄仍留在與女神相見的興奮中,他直言今天真的很開心,從小到大喜歡一個人,真的沒想到會見到,問到他是否覺得相逢恨晚了?因為雖然Stephy 仍是單身,他卻已經為人夫。大師兄笑道,「想追Stephy 只係小時侯年少無知夢想啦,哈哈哈......。依家當然就係唔敢亦唔會,我都好愛老婆。老婆係我成長之後的女神嘛。」
究竟節目之中 大師兄仲同歐鎧淳,Stephy傾咗咩,今個星期四(7月20日)ChillGOOD節目《大師兄Friend嚟喇》會出Season 1 最後一集。