天后鄭秀文(Sammi)為鼓勵新晉歌手,身體力行,分享自己紅館「You & Mi 鄭秀文世界巡迴演唱會2023」(Rescheduled )舞台,讓更多人認識他們。
日前在第五場(7月17日)演唱會,Sammi邀請「第42屆香港電影金像獎」「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。當晚視后佘詩曼、陳健安與唱片監製賴映彤、電影《填詞L》導演兼《填詞魂》作詞人黃綺琳、何嘉莉Lillian、陳嘉寶Anjaylia、蔡皓然Scott、洪瑞珙、DJ主持森美、吳嘉熙Cheronna與賴慰玲和KOL薑檸樂等捧場。
點擊看圖輯
Sammi身穿Monica Ivena香檳色水晶高級訂製晚裝亮相.
Sammi開心表示今年金像獎頒獎禮見到雅兒攞獎她亦好感動。
Sammi穿著Robert Wun Couture特別訂造的紫色長裙登場。
Sammi與Stephy雖然工作上幾乎沒有交流,但私下卻經常IG私訊分享飲食喜好。
陳嘉寶、吳嘉熙、賴慰玲
佘詩曼
Sammi身穿Monica Ivena香檳色水晶高級訂製晚裝亮相介紹謝雅兒出場,雅兒說:「阿媽,我得咗啦!」全場歡呼。Sammi攬住她說:「嘩,你緊張到成個人震晒,起晒雞!唔使驚,大家都會支持你,每個人都有做過新人嘅階段,每個人都需賈被肯定、被認可,今晚舞台就同你分享,希望你盡情展現自己。」即使Sammi的長裙不便走動,但她仍不理儀態一手抽起裙擺,一手拖住雅兒走勻舞台合唱《默契》。
Sammi身穿Monica Ivena香檳色水晶高級訂製晚裝亮相.
Sammi攬住謝雅兒。
Sammi拖住雅兒走勻舞台合唱《默契》。
之後雅兒激動感謝Sammi提攜,並說:「我細個屋企比較窮,只收藏一隻唱片,就係Sammi嘅《終身美麗》。我媽媽依家應該喊晒!」Sammi開心表示:「你咁有taste,所以今晚得到呢個機會。今年金像獎頒獎禮見到你攞獎我好感動,諗返我自己喺金像獎呢個旅途上都掙扎咗好多年,見到你攞獎嘅激動、真情流露,唱歌時嘅真摯,深深打動我!我哋都係追夢、都係夢想成真嘅人,所以唔好放棄!」雅兒獨唱《填詞魂》時,觀眾大叫「加油」,場面感人。
雅兒感激Sammi提攜。
Sammi開心表示今年金像獎頒獎禮見到雅兒攞獎她亦好感動。
雅兒獨唱《填詞魂》時獲觀眾大叫「加油」。
至於昨晚(7月19日)Sammi第六場演唱會,好友梁詠琪GiGi、電影美術指導兼導演文念中、馮允謙、雲浩影、譚旻萱Mandy、劉沛蘅Hillary、林熙彤Hazel、許恩怡Natalie和ANSONBEAN等捧場。其中Sammi回顧過去十次提名而落選金像獎最佳女主角獎的電影歌曲和感言時,觀眾席上GiGi感動落淚。
梁詠琪
馮允謙、梁詠琪
馮允謙
劉沛蘅、譚旻萱、許恩怡、林熙彤
ANSONBEAN
Sammi昨晚又換新裝,她穿著Robert Wun Couture特別訂造的紫色長裙,介紹表演嘉賓鄧麗欣(Stephy)出場合唱《親密關係》,唱畢Sammi笑指Stephy新封號,「你依家叫『蜜桃臀』喎,咁勁嘅,係咪執過嚟?(我要學你嘛!)我邊有?我巨臂、我大隻之嘛!(我練錯咗地方)」兩人大笑。她們雖然工作上幾乎沒有交流,但私下卻經常IG私訊分享飲食喜好。
Sammi穿著Robert Wun Couture特別訂造的紫色長裙登場。
與嘉賓鄧麗欣合唱《親密關係》。
Sammi與Stephy雖然工作上幾乎沒有交流,但私下卻經常IG私訊分享飲食喜好。
Sammi拿出禮物盒,「平時係嘉賓送禮物畀我,但我今日有嘢送畀你。你同我一樣好鍾意食啲又脆又乾嘅嘢,又唔鍾意飲水,濕嘅嘢、有汁嘅嘢我唔鍾意食。」 原來是一串Sammi親手製作的水泡餅頸鏈,還即場替Stephy戴上,「係咪好有心思?我親手揀、親手串,搞成晚架啦!」Stepy好欣賞,「中間有窿嗰啲特別好食架!」Sammi鼓勵她:「聽講你復出唱返歌,大家畀多啲掌聲!」然後Stephy演唱《不要離我太遠》。
Sammi送Stephy親手製作的水泡餅頸鏈。
還親手替Stephy戴上。
Sammi亦鼓勵Stephy復出唱歌。
完騷後,Sammi走出紅館與歌迷打招呼,還替他們帶來的新唱片《SOUND OF MI》簽名,然後來回跑向逾百歌迷講晚安,場面熱鬧。
Sammi完Show後更走出紅館與歌迷打招呼。
Stephy約定大家紅館見!
鄧麗欣(Stephy)今日(10月15日)快樂生辰,前日Fans Club特別為她籌辦生日會,與逾百fans切蛋糕、唱生日歌、玩遊戲、分享追星點滴,非常熱鬧。Stephy更率先宣布明年三月紅館舉行首次個人演唱會作為「回禮」,她與fans齊齊感動落淚。
Stephy獲Fans Club特別為她籌辦生日會。
Stephy台上說:「我有一份禮物送俾大家,但呢份禮物今日攞唔到住,幾時攞呢?我約定你哋,明年三月⋯⋯」此時她眼泛淚光,有fans似乎猜到報以歡呼聲,她掩嘴點頭示意猜對了,全場掌聲。冷靜幾秒後,她續說:「明年三月紅館見!」台下fans立即興奮歡呼,有不少感動抹眼淚。Stephy說:「我嘅生日願望真係好簡單,希望大家以最開心、最健康嘅身體嚟睇我嘅演唱會,嗌大聲啲!」全場尖叫。
Stephy宣布將於明年三月紅館舉行首次個人演唱會。
與fans齊灑淚。
Stephy指她的生日願望好簡單,希望大家以最開心、最健康的身體去看她演唱會。
之後Stephy接受訪問笑言以為會忍得住眼淚,結果還是失守,「其實咁多年無論任何嘅歌迷聚會我都會喊,今年以為自己勁咗,點知都係忍唔住。我覺得好感動,尤其是望住咁多位好熟悉嘅面孔,支持咗我咁多年,我覺得呢一個回饋對於佢哋、對於我自己都係好重要。希望大家得到呢份禮物覺得開心,希望所有fans都買到飛入場,真係好開心,約定大家紅館見。」台下有fans跟住喊,Stephy說:「佢哋可能都諗『終於等到呢一日啦』,見到佢哋開心和感動,對我嚟講真係好重要,令我更加努力去做好呢個演唱會,唔好令佢哋失望。」
Stephy希望所有fans都買到飛入場。
Stephy 19歲出道,不少fans都支持她接近十幾年,其實她在生日會fans分享環節,聽到他們的追星故事和見到他們的珍藏品已經好感動,不時見她眼紅紅強忍眼淚。她說:「佢哋好多人都支持咗我十幾年,而我好細個入行,佔咗我人生超過一半時間,全部都同大家一齊渡過。呢啲經歷得來不易,好值得珍惜。」有fans表示因Stephy而找到自己的人生目標、事業、愛情,甚至改善與家人關係。
Stephy感謝fan接近十幾年的支持。
Stephy 表示:「相隔咗幾年冇辦生日會,再慶祝好開心,今日好多人嚟咗,有跟咗我好多年嘅歌迷,亦都有新臉孔,非常多謝大家參與。個蛋糕好靚,好有心思。咁多年來收咗好多fans嘅禮物,我送返俾佢哋嘅禮物,除咗係我嘅努力和進步,都諗唔到送乜嘢更加好,所以就趁一個咁好嘅時機同大家宣佈,我相信對佢哋嚟講係最好嘅禮物,就係我明年紅館演唱會。」
Fans為Stephy特別訂製的生日蛋糕。
上面有Stephy的照片。
Stephy都好鍾意。
Stephy收到很多fans手造的生日禮物,特別開心,「禮物不在乎價錢,最緊要係佢哋嘅心意,所以好多年之前佢哋已經開始會親手整禮物俾我。今年Fans Club忡特別整咗一部扭卡機,所有扭卡得到嘅錢都捐去慈善機構。呢份禮物對我嚟講係最好,見大家排晒長龍,多謝大家落力參與。」Stephy更放入幾十張親筆簽名隱藏版給fans驚喜。
Stephy放入幾十張親筆簽名隱藏版給fans驚喜。
大合照
大合照