再見,Coco。
樂壇天后李玟(Coco)的喪禮於7月31日在北角香港殯儀館舉行,六時準時舉行公祭,大會預留了3000張籌給粉絲入場悼念,得到籌號的歌迷都手持鮮花依次入場和Coco作最後道別,而李克勤及《中年好聲音》一眾參賽者都在公祭到場送別Coco。
娛圈事
再見,Coco。
樂壇天后李玟(Coco)的喪禮於7月31日在北角香港殯儀館舉行,六時準時舉行公祭,大會預留了3000張籌給粉絲入場悼念,得到籌號的歌迷都手持鮮花依次入場和Coco作最後道別,而李克勤及《中年好聲音》一眾參賽者都在公祭到場送別Coco。
預告中秋過後帶鋸琴藝術家去澳門再開唱!
李克勤最近參予最新一季《 披棘斬的哥哥》節目,同步他的《我們的交響樂世界巡迴演唱會》不停進行中,上周剛完成了上海站,9月21.22 又會再到澳門倫敦人開騷,所以他笑言自己是忙到似連呼吸都沒時間。
《我們的交響樂世界巡迴演唱會》上海站,克勤笑言最難忘是歌迷不停拋公仔上台,「已經不是第一次,上兩站都有歌迷想送禮物比我,就咁就拋上台,我身手反應都勁㗎,我打開波嘛,一手就接住,唔知佢地係咪覺得咁樣好好玩,所以今次上海站特別多,真係拋左幾十隻上嚟咁滯。(當左你係全紅嬋?) 唔係掛?係咪依家流行咁樣啊?可能歌迷心目中我重未長大,或者送我我囝囝,哈哈,無論係送咩比我都好,我都開心嘅。其實唔止公仔,歌迷重送左個好靚蛋糕比我,好有心思。」
是次上海演唱會,克勤於管樂之中,加了一位用鋸琴的老師,「係呀,佢都係一位藝術家,琴技非常精彩,九月中我再返澳門站演出,兩場我都會帶埋鋸琴老師去,比大家欣賞下佢精彩的技術,所以香港歌迷朋友,記得唔好錯過 ,過澳門嚟欣賞啦。歌單都會有少少新改動,我估大家會滿意嘅。」上海站演出之後,克勤謂因為工作忙少見家人,所以刻意放兩日假,帶媽咪於上海遊玩,「食下嘢同周圍行下咁啦。人點忙都要搵時間陪下家人嘅。」